Itaia 31:3 - Te B'aib'ara

³ Bon taian aomata naba kaain Aikubita. Bon tiaki Atua ngaiia. A bon karaoaki naba aia aoti man te iriko; a aki konaa ni maiu n aki toki. Ngkana e kaota m'aakana te UEA, ao ane e na tiringiia kaain Aikubita ao koraki ni kabane ake a mwiokoia. A na bane ni kaai ni b'aka.

Itaia 31:3 ပူးပေါင်းရင်းမြစ်များ

2.Rongorongo 32:8

b'a e buaka n ara itera te UEA ae Atuara. A ti onimakina korakoran te aomata kaain Aturia. Ao a kakorakoraaki ana taanga ni buaka Iuta n taeka aikai.

Taian Areru 118:8

E raoiroi riki te onimakina te UEA i bukin kawakinara nakon onimakinaia riki tabeman,

Taian Areru 33:17

A aki onimakinaki aoti b'a a na karekea te tokanikai n tain te buaka: A aki kona ni kamaiua te aba ni korakoraia ae bati.

Taian Areru 9:20

Te UEA, Ko na kakamakuia botannaomata; ao kaotai nanoia b'a a aonga n ataia ae bon aomata aika a mamaara ngaiia.

Itaia 10:3

Ma tera ae kam nang karaoia ngkana kam buakanaki man katuaaeaki irouia ianena? Kam na biri ni kakaaea buokami ia? Kam na karabai ami b'ai aika a kakaawaki ia?

Itaia 20:4

A na bane ni uotaki nako iroun uean Aturia aomata ni kabane aika i nanon kaawa aika uoua aikai ao a na aki karabaaniia ao a na aki kauniwaeniia. Te ataei ma te ikawai, a na anaaki b'a taian taenikai, ao e na kamaamaaeaki Aikubita.

Itaia 20:6

Ngkana a riki baikai, ao ane a na kaangai aomata ake a maeka i mataniwiin taari, “Ani bon noora te b'ai ae e a riki nakoia! Ti biri ni karekei maiura irouia, ma te kaantaninga b'a a na kamaiura mai roun Uean Aturia. Ma ngkai, ai bon akea riki ara tabo ae ti na kamaiura iai.”

Itaia 30:16

ao kam taku, Ti aki! Ti na bon maiu ngkana ti biri nako n rawei maiura i aon aoti aika a biri m'aaka.” Ma ane a na biri m'aaka riki akana kakioingkami.

Itaia 30:5

Ma e bon aki konaa ni kamanoko Aikubita, ao onimakinan te botannaomata anne bon te m'akuri ae akea manenana ao te m'akuri n nanobaba.”

Itaia 30:7

E aki konaa ni buokiko Aikubita! Ao bon anne bukina ae I arana te botannaomata anne b'a te manni kaakang ae akea ana i buobuoki.”

Itaia 36:6

Tai onimakina uean Aikubita? Ti te bo anne ma te aomata ae e raraa te kai ae m'aotoua, ao e na teke iai baina.

Itaia 36:9

Kam na kangaa ni konaia ara aobitia ake mai inano, ngkana kam onimakina Aikubita i bukin kaanibuaka ao taani buaka i aoia aoti?

Itaia 9:17

E a un te UEA irouia ana Aomata ao e bon teimatoa naba ni katuuaia, i bukina ngke a tia ni kaaitaraa. A buakaka ao a taetae n nanobaba. Ao bon anne bukina are e aki nanoangaiia aia roronrikirake ke aia aine aika a tia ni mate buuia ao ataei aika akea aia karo.

Ieremia 15:6

Au aomata, kam a tia ni katukai ma ni kitanai. I a kua ni kaotan te akoi. ao bon anne bukina ngkai N na tiringkami

Ieremia 17:5

I a tia Ngai ae te UEA ni kamaraiia koraki ake a tannako ma i Rou ma n onimakina korakoran te aomata.

Etekiera 28:2

Etekiera ae natin te aomata, ko na tuanga uean Turo au taeka ae e kaangai: Ko rangi ni kainikatonga b'a ko iangoia b'a te atua ngkoe ao am kaintokanuea te kaawa ae Turo. Ane ko na taekinna b'a te atua ngkoe, ngke bon te aomata ngkoe.

Etekiera 28:9

Ko na bon teimatoa naba n taekinna b'a te atua ngkoe ngkana ko aitara ma aiam? A na buakaniko, ao ko na maraki kaanga aroia aomata tabem'aang.

Amota 2:15

Ana bon aki kona n taua aia tabo taani katebe, ana bon aki kona ni birinako aika a birim'aaka ana bon aki konaa naba n rawei maiuia ake a toka i aoia aoti.

Mataio 15:14

Katikuia i bon i rouia! taani kairiri aika mataki. Ao ngkana te aomata ae mataki e kaira ae mataki naba, ao a na uaia ni b'aka i nanon te ruarua.”