Itaia 31:2 - Te B'aib'ara

² E a aki baba te UEA! E karaoi baika e a tia ni berita iai ni kabane, ao e konaa ni karokoa te kangaanga. Ngkana ko bon buakaka naba, ao ko na bon kamaunaaki.

Itaia 31:2 ပူးပေါင်းရင်းမြစ်များ

Iobi 12:13

ma bon te Atua boton te rabakau ma te korakora.

Iobi 12:16

E korakora te Atua, ao E totokanikai n taai nako; a bane ni mena i aan m'akana aomata aika m'am'anaaki ma aomata naba aika taani m'am'ana te aba.

Iobi 5:13

ao E karaoia aomata aika rabakau b'a a na m'ane ni bon oin aia babaire n te aro are e aki koro bukin te b'ai teuana ae a karaoia;

Itaia 1:4

Iteraera, bon te botannaomata ngkoe ae ko buubure, ao ko onrake n te kaairua. Ko rangi ni buakaka, ao ko kam'araa ao ko a tia n tannako mai roun te UEA, ae Atuaia Iteraera ae te Atua ae tabu.

Itaia 14:20

Ko na aki taunaki ma taiani uea: ko urua abam ao ko tiringiia am aomata. Bon te mannikaakang ngkoe ae e buakaka! Ti kaantaningaia b'a a na m'anuokinaki taekaia am utu n aki toki.

Itaia 21:17

A na ti tabeman nikiraia aia taani buaka ma aia kainikatebe ao aia kanoa nikatebe. Bon te berita te b'ai aei ae I a tia ni karaoia Ngai ae te UEA ae Atuan Iteraera.

Itaia 22:14

E a tia n taetae nako iu te UEA ae Moan te M'aaka n taekina te berita aei: “N na bon aki kab'arai aia bure i bukin aei, ngkai a maiu.”

Itaia 28:21

E na buakaniia te UEA n ae e rangi ni matoatoa n aron are e karaoia n te Maunga are Beratim ao n te M'arua are Kibeon. Ma n te tai aio te UEA E na karaoa te b'ai ae e kakubanako, ae kam aki kaantaningaia.

Itaia 28:29

E roko te ataib'ai aei mai roun te UEA ae Moan te M'aaka are iai rabakauna ae moan te korakora.

Itaia 30:3

“Ane ana b'ara nanomi, ma ni kamaamaaeaki i bukin onimakinan Aikubita.

Itaia 30:7

E aki konaa ni buokiko Aikubita! Ao bon anne bukina ae I arana te botannaomata anne b'a te manni kaakang ae akea ana i buobuoki.”

Itaia 31:3

Bon taian aomata naba kaain Aikubita. Bon tiaki Atua ngaiia. A bon karaoaki naba aia aoti man te iriko; a aki konaa ni maiu n aki toki. Ngkana e kaota m'aakana te UEA, ao ane e na tiringiia kaain Aikubita ao koraki ni kabane ake a mwiokoia. A na bane ni kaai ni b'aka.

Itaia 32:6

A taetaekin taeka aika a nanobaba aomata aika a nanobaba. A aki toki ni kaakaraoi babaaire ao ni m'akuri b'aai aika a bure, ma ni karaoa aia kewe i bukin te UEA, ma ni kariaia b'a a na mate ni baki aika a akea kanaia, ma n aki anga te mooi nako ia akana a mate n taka.

Itaia 45:7

I karika te oota ao te roo, te kukurei ao te nanokawaki. Boni Ngai ae te UEA ae I karaoi baikai ni kabane.

Itaia 9:17

E a un te UEA irouia ana Aomata ao e bon teimatoa naba ni katuuaia, i bukina ngke a tia ni kaaitaraa. A buakaka ao a taetae n nanobaba. Ao bon anne bukina are e aki nanoangaiia aia roronrikirake ke aia aine aika a tia ni mate buuia ao ataei aika akea aia karo.

Ieremia 10:12

Ko karaoa te aonnaba ao ko taakin taiani karawa ni wanawanam ao m'aakam.

Ieremia 10:7

Bon aia Uea botannaomata nako Ngkoe. A riai n taromauriiko aomata ni kabane. Bon akea riki te aomata ae e wanawana nakoim.

Ieremia 36:32

Ao i mwiin banen ana taetae te UEA nako iu, ao I a manga anaa te niira ni boki teuana ao I angan B'aruka. Ao I a tuangnga b'aai ake e na koroi i aona, ma ngaia are, kanoan te kauoua n niira ni boki aei bon ti te bo raoi ma are e kabuokia Ieoiakim.

Etekiera 29:6

Ao i mwiina, a na ataia kaain Aikubita ni kabane b'a bon te UEA Ngai. Ko rawa ngkoe ma am botannaomata ni buokiia Iteraera ao bon ti te bo ngkoe ma te m'akoro ni kai ae e m'aotoua.

Amota 3:6

Ana kona n aki maaku aomata ngkana e tang te bu ni kaota buakanakin te kawa? Ana kona n roko buaka n orea te kaawa ngkana e aki karokoa te UEA?

Teb'ania 3:8

“Ma ngaia ae kam na tataninga, bon ana taeka te UEA, “taningaa te bong are n na bairei taekaia botannaomata nako iai. I a tia ni baireia i nanou b'a N na bootia botannaomata nako iai. I a tia ni baireia i nanou b'a n na botiia botannaomata ma aaba n uea nako, n te aro b'a ana namakina korakoran uran uniu.

Tekaria 1:6

Ma a koro bukin au taeka nakoia ami bakatibu ake taekinaki irouia burabeti. Ma ngaia are, a okirai ao a taku, “Te UEA ae Moan te M'aaka, ko a tia ni katuaaira i bukin ara bure nako, n aron are Ko a tia ni baaireia.”

Warekaia Iteraera 10:35

Ao e aki toki n tataro Moote ni katoa te bong are a nang m'ananga iai Iteraera, ao e tataro ni kaangai, “Ara UEA, kataenikaiia Am kairiribai, ao kakioia nako!”

Warekaia Iteraera 23:19

Tiaki aron te aomata te Atua! E aki kona ni kewe, ao E aki bibitaki naba nanona. E aki kona n ae E na aki kakoroa bukin Ana berita.”

Mataio 24:35

A na mauna karawa ma aonnaba, ma a na aki kona ni mauna au taeka.

I-Rom 16:27

Ao ngkai, i bukin Iesu Kristo, ti a kona n angan te Atua, are ti Ngaia ae rabakau, te neboaki n aki toki. Amen “E na mena iroumi ana akoi ara UEA are Iesu Kristo.” Ao B'aib'ara tabeua a kaaki te kibu 25, 26 ao 27 ni kabanean te m'akoro 14; ao te B'aib'ara teuana e kaaki kiibu aikai ni kabanean te m'akoro 15; ao iai B'aib'ara tabeua ake akea i rouia kiibu aikai.

Iotua 23:15

E bon kakakoroa bukin Ana berita te UEA n anganga te kab'aia ao te rekenikai nakoia ana aomata.

Iuta 1:25

ana b'ai te Atua ae ti temanna, are ara Tia Kamaiu, iroun Iesu Kristo are ara Uea, te neboaki, ma te karineaki, ma te tau-taeka, ma te m'aaka, ngke a tuai ni karikaki b'aai, ao ngkai, ao n aki toki. Amen.

1.Tamuera 2:3

I kona n tuangiia aomata aika kamoamoa ni kaangai, “Katoka ami kamoamoa! Bon akea te b'ai teuana ae raba mairoun te UEA, ao e baairei baika ti karaoi.”