Itaia 31:1 - Te B'aib'ara

¹ Ko a reke n te kaangaanga ngkana ko nakon Aikubita i bukin buokam, ke ngkana ko mwiokoi taiani kaa ni buaka ake a katikitikaki irouia aoti ke taani buaka i aoia aoti. Ma ko riai n mwiokoa ao n onimakina te UEA ae te Atua ae e tabu ae Atuan Iteraera.

Itaia 31:1 ပူးပေါင်းရင်းမြစ်များ

Karikani B'aai 47:17

Ma ngaia are, a uoti aia man aika taian aoti, tiibu, kooti, kao, ao taian aati nako ina b'a booni kanaia. Ao e anganiia aomata kanaia n te ririki anne, ao e anai aia man ni kabane b'a boon kanaia.

2.Rongorongo 16:7

N te tai ae e aki maan i mwiin rikin anne, ao e nako te burabeti are Anani ni kawara Ata ao e taku: Ko mwiokoa uean Turia ao ko aki mwiokoa te UEA ae Atuam. Ma ngaia are, ko na bon aki konaa ni kataenikaia ana taanga ni buaka Turia.

2.Rongorongo 16:9

E teimatoa te UEA n tataraia aomata ni kabane, ao e anga te korakora nakoia ake kakaonimaki n ongotaeka i rouna. Ma ngkoe, ko a tia ni karaoa te m'akuri n nanobaba, ao e na bon aki konaa ni manga reke riki te rau n abanueam.

Iobi 39:11

Ko kona ni mwiokoa korakorana ma ni kantaningaia b'a e na karaoi am m'akuri aika rawawata?

Taian Areru 20:7

Tem'angina a onimakin aia kaanibuaka, ao tem'angina aia aoti, ma ngaira, ti onimakina m'aakan te UEA ae Atuara.

Itaia 10:17

E na onikaki te Atua ae e tabu, are ootan Iteraera, ao ko na urarake n te bong teuana kaanga te buakonikai ae e kateketeke.

Itaia 2:7

Bon iai kaub'aia aika akea tokiia aika tirewa ma taiani koora; iai naba aia aoti ma aia kaanibuaka aika a aki konaa ni warekaki.

Itaia 20:5

Ane a na mangaongao ao a na b'ara nanoia, i bukina ngke a onimakina Itiobia ao a kamoamoa iroun Aikubita.

Itaia 22:11

Ao i mwiina, kam karaoa te tangke ae e buubura i marenan taiani oo i bukin nnen te ran. Ma kam rawa n onimakina te Atua are e baairei b'aai aikai n taai aika a b'aka nako ao e a kakoroi bukiia ngkai.

Itaia 30:16

ao kam taku, Ti aki! Ti na bon maiu ngkana ti biri nako n rawei maiura i aon aoti aika a biri m'aaka.” Ma ane a na biri m'aaka riki akana kakioingkami.

Itaia 36:6

Tai onimakina uean Aikubita? Ti te bo anne ma te aomata ae e raraa te kai ae m'aotoua, ao e na teke iai baina.

Itaia 36:9

Kam na kangaa ni konaia ara aobitia ake mai inano, ngkana kam onimakina Aikubita i bukin kaanibuaka ao taani buaka i aoia aoti?

Itaia 43:15

Bon Atuam Ngai ae e tabu, Ana tia karikib'ai Iteraera ao ana Uea.

Itaia 5:12

Iai taiani b'aini katangitang aika taiani karai i nanon tain ami mooi ni kukurei, n reitaki ma taian timbere ao taian kaib'ab'aa. Ma kam tuai man iangoi b'aai ni kabane aika e a tia ni karaoi te UEA,

Itaia 57:9

Kam kabira baimi ni b'aan te oriwa ao aekaki ni boiarara nako ngkana kam taromauria te anti are Moreka. Ao kam kakaea naba buokami man tamneia aika a tia ni mate.

Itaia 64:7

Bon akea riki ae e taromauri n aram ke n tiku ni kakaonimaki. Ko a tia n tannako mairoura ma ni kariaia te bure b'a e na kaniira nako.

Itaia 9:12

E kanakoia kaain Turia mai mainiku ao kaain Biritia mai maeao ao a kab'auta Iteraera. Ma e bon aki toki naba unna n anne, ma ngaia are, e bon waakina nako naba katuaeakiia.

Itaia 9:13

Ma a bon aki okirikaaki naba Iteraera nakon te UEA ae Moan te M'aaka ma n taromauriia.

Ieremia 17:5

I a tia Ngai ae te UEA ni kamaraiia koraki ake a tannako ma i Rou ma n onimakina korakoran te aomata.

Ieremia 2:13

Kam a tia ni bure ngkami aika au aomata ni b'aai aika uoua kam a tia ni katinanikuai, Ngai ae Nen te ran ni kamaiu ao kam kataia n itiia ami ran n taian ni ne n ran aika tabwenaua aika a raran aika a kekenaki i nanon te tano.

Ieremia 37:7

taetae ni kaangai nakon Tetekia, “Ae i aon kawaia ana taanga ni buaka Aikubita n buokiko, ma ane a na manga okira mwengaia.

Ieremia 42:14

Ti na nako Aikubita, ike e m'aiti iai te am'arake ao akea naba te bubuaka iai.”

Etekiera 17:15

Ma e a manga kamangao uean Iuta ae e boou aei nakon B'aburon ao e kanakoia mataniwi nako B'aburon b'a a na anai taian aoti ao taian taanga ni buaka. E na nakoraoi ana iango te uea aei ngkai e urua ana boraraoi n raoi ma B'aburon? Ke e na riai ni katuaaeaki i bukin te b'ai ae e a tia ni karaoia?

Etekiera 29:16

A na aki manga onimaki au botannaomata ae Iteraera i aon am botannaomata. Ni koauana, ngkana a ururing Iteraera ni uringa te b'ai are e riki ngkoa nakon Aikubita, ao a na bae n namakina aia kaairua ngke a rairaki nakoim ni kakaaea buokaia. Ao i mwiina, a na ataia Iteraera b'a boni Ngai are te UEA ae te Atua ae I karaoi baikai.

Taniera 9:13

Ao ko anganiira taian rekenikai ake a kamatataaki n ana tua Moote. Ma e ngae n anne, ao ti bon tuai mani kakukureiko te Atua ae te UEA ni kitan ara bure, ke ni ira am koaua.

Otea 11:5

Ma a onimakina Aikubita ao a aki kan okirai; ao ngkai a na tautaekanaki iroun Aturia.

Otea 11:9

Iteraera, I aki konaa ni kabua nanou ni marakin nanou ma ni manga uruaniko riki. Bon te UEA Ngai ae I tabu tiaki Ngai te aomata, I aki konaa ni katutuka marakin nanou.

Otea 14:3

E aki konaa ni kamaiura Aturia ao a aki konaa ni buokiira taiani kaa ni buaka. Ma ngaia are, ti riai n aki manga taromauri bouannanti aika ti a tia ni karaoi. Ara UEA, Ko a tia ni kaota te nanoanga nakoia ataei aika akea aia karo.”

Otea 7:7

Bon taian ai ngaiia aika a tiringiia aia taan kairiiri. Ao akea korakoraia aia uea bon akea temanna mai buakoia ae e onimakinai.

Ab'akuka 1:12

Te UEA, bon te Atua Ngkoe mangkoa. Bon te Atua Ngkoe ae ko tabu ae akea tokim te UEA, Atuau, ao otangau. Ko a tia n rinea B'aburon ma ni kakorakoraa b'a tabonibaim n oroira.

Ab'akuka 3:3

E a roko te Atua mai Etom; E roko te Atua ae E tabu mai taubukin B'aran E kabutaa karawa tamaroana ao e kabutaa aonnaba neboana irian rokona te oota ae e raneanea b'a E na buokiira. Raneanean mimitongina e rabuna karawa, ao e ongo te aba neboakim n te aonnaba ni kabutaa.

Tekaria 10:5

A na ira te buaka, ao a na kaai naba ni kamanatuaia aia kairiribai kaanga te bokaboka. A na buaka, i bukina ngkai N na tei n aia itera Ngai ae te UEA. Ao a na kamanatua aia taanga ni buaka aia kairiribai ake taani buaka mai aoia aoti.

Te Tua-Kaua 17:16

E na aki riai ni m'aiti ana aoti te uea, ma ai moaraara riki taian aoti mai Aikubita. B'a E taku te UEA b'a akea ae na manga okira riki Aikubita.

Te Tua-Kaua 20:1

Ngkana kam nang nakon te buaka, ao kam nooria b'a e korakora riki aia taanga ni buaka ami kairiribai nakoimi, ao a m'aiti riki naba aia aoti, ma aia kaa ni buaka, ma kam na aki maaku. E a tia te UEA ae Atuami ni kamaiungkami mai Aikubita, ao E na boni buokingkami ni buaka.