Itaia 30:6 - Te B'aib'ara

⁶ Aio rongorongoia manin te Rereua are maiaki: “Ngkami aomata aika kam uouoti kaub'aimi i aon taian aati ma kamero. Kam m'ananga nakon te botannaomata ae e mamaara ri nanon te rereua ae e kaangaanga ae e onrake n taian raian ao taian raakon aika a tiritiri aika a kiikiba.

Itaia 30:6 ပူးပေါင်းရင်းမြစ်များ

Karikani B'aai 12:9

Ao e m'ananga man te tabo teuana nakon te tabo teuana ni waerake nako m'akoron Kanaan are i maiaki.

1.Uea 10:2

E kairiia tabeman ana aobitia, ao e katokai i aon ana kamero ni b'aintangira aika boiarara, tirewa, ao koora. Ao ngke e roko, ao e maroroo ma Toromon ni b'aai ni kabane ake i nanona.

2.Rongorongo 16:2

Ao ngke e ongo rongorongona Ata, ao e anai taian tirewa ma koora man ana bareti ao ana Tembora te UEA. Ao i mwiina, e kanakoi nako Tamateko ma ana rongorongo nakon uean Turia are Benatata:

2.Rongorongo 9:1

Ao e ongo rongorongon Toromon te ueanaine mai Tieba, ma ngaia are, e nako Ierutarem ni kataia n taian titiraki aika a matoatoa. E kairiia ana aobitia tabeman, ao e kanoai taiani kaamero n taiani b'aintangira aika taiani boiarara, tirewa, ao taiani koora. Ao ngke e roko, ao e a maroroo ma Toromon i bukin b'aai ni kabane ake e atai.

Iobi 39:11

Ko kona ni mwiokoa korakorana ma ni kantaningaia b'a e na karaoi am m'akuri aika rawawata?

Te Otinako 1:14

A kam'akuria n aia waaki ni kateitei, ao n ribanai abaia, ao bon akea aia nanoanga teutana nako ia.

Itaia 14:29

Kam na aki kukurei kaain Biritia ti i bukina ngkai e a uruaki te kai are kam oreaki iai. E na manga riki te kai b'a te naeta ae moan te boitin, ao i mwiina, e a manga riki b'a te raakon ae te ai rab'atana ae e kibakiba.

Itaia 15:7

A nako kaain te kaawa are Moaaba, ma n ri aon te Kararang are Wiro, ma n anai b'aai ni kabane ake bon aia b'ai ake a bon karekei n aia m'akuri korakora.

Itaia 19:4

N na kaakiia kaain Aikubita i aani m'aakan te uea ae e iowawa ae akea ana Tangira. I a tia ni berita n aei Ngai ae te UEA ae Moan te M'aaka.”

Itaia 35:9

Bon akea taian raian ke maan aika a aki manana ae a konaa ni kaaniia te kawai arei; bon ti koraki aika e a tia kamaiuia te UEA aika a konaa n rikekei.

Itaia 5:30

N te bong are a na buaka iai, a na rurunga kaanga naoni marawa. Akea te b'ai ae ko na nooria i aon te aba b'a ti te rootongitong ao te kaangaanga, i bukina b'a e na rabunaki ootan te ngaina n taian nang aika a matenten.

Itaia 57:9

Kam kabira baimi ni b'aan te oriwa ao aekaki ni boiarara nako ngkana kam taromauria te anti are Moreka. Ao kam kakaea naba buokami man tamneia aika a tia ni mate.

Itaia 8:22

ao i aon te aba, e na reke nakoia te kiriwe ao te rotongitong, te kiriwe ae moan te kangaanga ao te rootongitong ae moan te korakora.

Ieremia 11:4

E tuai man bitaki au babaaire man te tai are I kaotinako ia iai ami bakatibu mai Aikubita, te botannaomata ae kaanga ai aron te ura ae korakora are e karanaki iai te biti. I tuangiia ami bakatibu b'a ngkana a ongotaeka nakon Au tua, ao N na riki b'a Atuaia, ao ngaiia a na riki b'a Au aomata.

Ieremia 2:6

A rawa ami bakatibu ni buubutiai buokaia, e ngae ngke I a tia i kamaiuia mai Aikubita ma ni kairiia i nanon te rereua ae e kamaamate ae akea kain aona, ike akea ae maeka iai ke ni kataia ni m'ananga i nanona.

Etekiera 20:46

Etekiera ae natin te aomata, rairaki nako maiaki ao kauringiia taiani buakonikai

Otea 12:1

E kabongnga Iteraera ni kakiokioa te ang man te rereua; keewe ao aaro n tiritiri a nooraki n taabo nako. A karaoaki taiani boraraoi ma Aturia; a anaaki b'aan te oriwa nako Aikubita.

Otea 12:2

E katuaaia naba kaain Iuta te UEA, ake ana kariki Iakob'a. E na katuaaia i bukin te b'ai are a tia ni karaoia.

Mika 6:14

Ko na am'arake ma ko na aki kona ni ngae; n te koaua, ko na boni baki naba. Ko na uotii nako b'aai, ma ko na bon aki konaa ni kaawakin; baika ko na kaawakin N na bon urui n te buaka.

Tekaria 6:6

E nako iaang te kaa ni buaka are e katikaki irouia aoti aika a roro, ao are e katikaki irouia aika mainaina a wairio: ao are e katikaki irouia ake a tabonobono ni kureei, a nakoaiaki.”

Tekaria 9:9

Kukurei ao takaarua aomata ni kabane i Ierutarem, E a tia n tokanikai ami uea, ao E a roko ni kawaringkami. E nanorinano ao E toka i aon te ati; ao E roko i aon bunin te aati.

Warekaia Iteraera 21:8

ao E kaeka ana tataro te UEA ao E taku, “Karaoa te naeta man te buraonti, ao kanimm'a i aon tabon te kai. A na tara te naeta anne aomata akana tenaaki n te naeta, ao ane a na aki mate.”

Mataio 12:42

Ane e na kaoti ueani maiaki te aine n te bongi ni motikitaeka ma kaain te roro aei, ao ane e na kabuakakaia; b'a e roko neierei man te tabo ae te kabanea n raroa b'a e na ongora n rabakaun Toromon, ao noria, iai ikai ae kakannato riki nakon Toromon.

Te Tua-Kaua 17:16

E na aki riai ni m'aiti ana aoti te uea, ma ai moaraara riki taian aoti mai Aikubita. B'a E taku te UEA b'a akea ae na manga okira riki Aikubita.

Te Tua-Kaua 4:20

Ma bon ana Aomata te UEA ngkami, i bukina b'a E kairiingkami i nanon taiani kakatai aika kabuebue, ao E kamaiungkami mai Aikubita.

Te Tua-Kaua 8:15

Kam na uring naba arona ngke E kairingkami n te rereua are rangi ni korakora ma ni kakamaaku, ike a mena iai taiani naeta, ao tikaobian aika kamamate. Bon akea te ran, ma E katabwena te b'a te UEA, ao e tiinako te ran, ao kam a mooi iai.