Itaia 30:4 - Te B'aib'ara

⁴ E roota te kaawa are Toan ni bo nako aiaki ni karokoa Aneti m'aakan te uea.

Itaia 30:4 ပူးပေါင်းရင်းမြစ်များ

2.Uea 17:4

Ma i mwiina riki, e a manga rawa Otea ni kakab'akai taian roonrab'ata, ao e bubutiia uean Aikubita are To b'a e na buokiia ni kaaitaraa Tiaremanetera are uean Aturia. Ao ngke e ataa te waaki arei Tiaremanetera, ao e anaa Otea ni kaburea.

Taian Areru 78:12

E karaoi kakai i mataia aia bakatibu n te tabo ae e aoraoi i Toan n te aba are Aikubita.

Itaia 19:11

Burababaia i bon irouia ana mataniwi uean Toan ma aia taeka n reirei aika a nanobaba. A na kangaa ni kaangai nakoina. “Ti rangi ni wanawana, ao a oki rikaaki nakoia uea ara utu ni boong ake ngkoa?”

Itaia 57:9

Kam kabira baimi ni b'aan te oriwa ao aekaki ni boiarara nako ngkana kam taromauria te anti are Moreka. Ao kam kakaea naba buokami man tamneia aika a tia ni mate.

Ieremia 43:7

A aki ongotaeka nakon te UEA ao a m'ananga nako Aikubita. A a tia n tekateka te koraki arei i Tabaneti

Ieremia 49:14

N na kanakoa te tia uarongorongo b'a e na tuangiia botannaomata nako b'a a na katauraoi nakon te buaka ni kaaitaraia kaain Etom.

Etekiera 30:14

E na tiku n uruaki te kaawa are Bateroti, ao e na urarake ma ni b'aka te kaawa are Toa. E na uruaki naba am kaawa n tautaeka are Tebeti!

Etekiera 30:18

Ko rangi ni kainikatonga i bukin m'aakan am botannaomata, ma ngkana I kamanatuaa te m'aaka anne ma n tiringa te kainikatonga anne, ao e na b'aka te rotongitong i aon te kaawa are Teabeneeti. E na rabuna te aba te nang ae roo ngkana ko a uotaki nako b'a te taenikai.

Otea 7:16

ao a rawa n ongotaeka irou, Akea riki bonganaia nakon te kanoanikatebe ae e b'aoua. A na mate aia tia kairiiri n te buaka i bukin taekinan b'aai aika a nanobaba. A na ngareakinaki irouia kaain Aikubita.

Ob'aria 1:1

Aio ana taeka ni burabeti Ob'aria, ake E taekin te UEA ae rietaata i bukiia aomatan Etom. E a tia te Atua ni kanakoa Ana tia uarongorongo nakoia botannaomata nako, ao ti a tia n ongo ana rongorongo: “Tauraoi! Ti a nako ni buakana Etom”

Warekaia Iteraera 13:22

Ao ngke a ri nanon te Rereua are i maiaki, ao a roko n te kaawa are Eberon, are bon te ikawai riki nakoni kaawan Aikubita are Toan, b'a itiua ana ririki i aona. I Eberon ao a nooria teniman kaain Anakim man baronga ake Aiman, Tetiai, ao Taremai.