Itaia 30:32 - Te B'aib'ara

³² E na buakaniia n te buaka, ao ni katoa oreakiia i rouna, ao e na riki b'a tangin taian timbere ao taian aabi.

Itaia 30:32 ပူးပေါင်းရင်းမြစ်များ

Karikani B'aai 31:27

E aera ngkai ko m'am'anaai, ko birinako ao ko aki tuangai? Ngke tao arona b'a ko tuangai anne, ao N na bon kanakoko ma te kukurei, ao te anene ma te katangitang n taian timbere, ao taian aabi.

2.Rongorongo 32:8

b'a e buaka n ara itera te UEA ae Atuara. A ti onimakina korakoran te aomata kaain Aturia. Ao a kakorakoraaki ana taanga ni buaka Iuta n taeka aikai.

Iobi 16:12

I bon maeka n rau, ma E roko n aki karauai. E koona roroau, ao E booa ketau. E kateai b'a a na b'ai n taakete.

Itaia 10:24

E taku ngkai te UEA ae te Atua ae Moan te M'aaka nakoia ana Aomata i Ierutarem: A oroingkami kaain Aturia n taiani kai ma ni kabuakakaingkami, n aron are a karaoia kaain Aikubita. Ma kam na aki maakuia.

Itaia 10:26

N na kataereia kaain Aturia n taiani kainikataere, n aron are I a tia ni karaoia nakoia kaain Miria i rarikin te b'a are Orebi. Ao N na kaota nakoia te m'aaka naba are I kamanenaa ngkoa ni karaoa iai te kawai i nuukan taarin Aikubita.

Itaia 11:15

E na kam'autereterea m'aangan Taari are Uraura te UEA are i rarikin Aikubita, ao e na kanakoa te ang ae e kabuebue b'a e na bwenaua te Karaanga are Iuberetiti nakon itiua m'aangana aika a konaa n nakonako i nuukana aomata.

Itaia 19:16

Ngkana e katuaaea Aikubita te UEA ae Moan te M'aaka ni baina ae e korakora, ao a na bon rangi ni mamaara kaain Aikubita ao a na ruru ni maaku.

Itaia 2:19

E raoiroi riki ngke kam karabaingkami i nanon taian nangananga ni b'aa ma taiani b'angab'anga e na kakamaaku te UEA, ma n tamaroa, ao ni mimitong ngkana e roko ni ioioa te aonnaba.

Itaia 24:1

E nang minota te aonnaba te UEA n urua teina ma n onikia nakon te rereua. A na bane ni maae nako aomata nako,

Itaia 24:8

Bon akea ae e manga katanga taian timbere ke b'aai n katangitang aika taian karai; a bane n toki taian karongoaa ni kukurei.

Itaia 30:29

Ane a na anene ana Aomata te UEA n aron are a karaoia ngke a kauringa te Riao n te tairiki. Te UEA bon ana b'aa ae e korakora Iteraera, ao ane a na kukurei ana Aomata n aroia ngkoa ngke a ira tangin te kaib'ab'aa nakon te Maunga ike e taromauriaki iai.

Itaia 31:4

E taku nako iu te UEA are Moan te M'aaka, “N na bekorara ao ni buakaniia kaanga te raian ae e aki konaa ni maaku ae e aki konaa ni kubanako n takaaruaia taani kaawakin tiibu ake a kataia ni kaawakiniia aia nanai n tiibu. Ao anne arou n roko n ruo ma ni buakaniia i aon te Maunga are Tion.

Ieremia 31:4

Kam rangi ni kakaawaki irou, ai ngaia are, N na manga katea ami botannaomata. Kam na manga b'ab'atere ni kukurei ma ni katangitang n taian timbere.

Etekiera 28:13

Ko maeka n te nne n aroka ao ko katokai i aom b'aai ni katamaroa aika a karaoaki n te atiibu ae e tamaroa ae e bati matana ao atiibu aika a tamaroa. A bane ni karaoaki n te koora ao a katauraoaki i bukim n te bong are ko bungiaki iai.

Etekiera 32:10

Ane a na maaku, ao ngkana I karaaitia au kabaang n tokanikai n te bong are ko na mate iai, ao e na ruru ni maaku aia uea n te b'ai ae e nang riki nakoia.

Ebera 12:26

are e kam'aeieia te aba b'anaana n te tai arei, ao E taetae ngkai ni kangai, “Ai ti teuana riki kam'aeieian tiaki ti aonnaba i Rou, ma kam'aeieian naba karawa.”

1.Tamuera 10:5

Ao i mwiina, kam na manga nako Kibea, ike a kaemb'a iai aia taanga ni buaka kaain Biritia. Ao ngkana kam tabe ni m'ananga nakon te kaawa, ao ane kam na kaaitibo ma koraki n burabeti aika ruorikaaki man te tabo n taromauri. Ane a na nakonako man taetae ni burabeti ao tabeman ane a na nakonako i moaia ma ni katangtang n taian aabi aika uarereke, ma taian turam aika uarereke, ao taian kaib'ab'aa.

1.Tamuera 18:6

E a tia n tiringa Koria Tawita, ao e a b'ara te buaka, ao a bane n okirikaaki Iteraera nakon mwengaia. Ao ngke a tabe ni m'ananga n oki Iteraera, ao a otinako aine man kaawan nako Iteraera ni butim'aea te uea are Tauro. A anenei anene ni kukurei ao a m'am'aie n tangin taian timbere ma taian aabi.