Itaia 30:30 - Te B'aib'ara

³⁰ E na rangi ni un te UEA. E na ongo te aba b'anaana ae e kakamaaku, ao e na nooraki baina ae e tauraoi n oro, ao e na riki unna b'a kaanga te ai ae e urub'ai, ae e irianaki ma rebwen taiani baa ao taiani karau atiibu.

Itaia 30:30 ပူးပေါင်းရင်းမြစ်များ

Iobi 38:22

Ko a tia n rin n taian ru ni kaawakinib'ai, ike I kaawakina iai te tinoo ma te karau te atiibu?

Iobi 38:23

I kakaawakini i bukin taai ni kangaanga, aika taai n un ao taai ni buaka.

Iobi 40:9

E boraoi korakoram ma Ngai? Ko kona ni karebwea b'anaam n ai aron rebwen te baa, kaanga b'anaau?

Taian Areru 2:5

E na taetae n un nakoia ao E na kakamakuia n unna, ngkai E kaangai,

Taian Areru 46:6

A kiriwe botannaomata b'a a maaku, a nako buaka waaki n tautaeka n aaba ake iai ueaia; E taetae te Atua n te b'anaa ae korakora, kanga ai aron rebwen te baa, ao e riki n ran aonnaba.

Taian Areru 98:1

Kam na anenea te anene ae boou nakon te UEA; B'a E a tia ni karaoi baika kamimii! E reke i rouna te tokanikai n oini m'akana n Atua ao ni korakorana.

Te Otinako 15:16

A taonaki n te maaku ae moan te korakora. A noora korakoran te UEA, ao a tei n akea angin nanoia i bukin te maaku ni karokoa banen raoi am aomata ni m'ananga i rarikiia ake am aomata ngkoa ake Ko kainaomataia man te toronaki.

Te Otinako 9:23

Ma ngaia are, e tabeka okona Moote nako karawa, ao e kanakoa te baa ma te karau te aiti, ao e ruona aontano te iti. E kanakoa

Te Otinako 9:24

te karau te aiti te UEA, ma te iti ae aki toki ni kiakia. Bon buakani karawa ae te kabanea ni buakaka ae e tuai man reereke i buakon rongorongon Aikubita mai m'aaina.

Itaia 10:16

E na kanakoa te aoraki ae moan te kamaamate te UEA ae Moan te M'aaka n oroia am taanga ni buaka ao ko na ura n te aoraki ae te kabuebue i aan niiniirana ni uea.

Itaia 10:26

N na kataereia kaain Aturia n taiani kainikataere, n aron are I a tia ni karaoia nakoia kaain Miria i rarikin te b'a are Orebi. Ao N na kaota nakoia te m'aaka naba are I kamanenaa ngkoa ni karaoa iai te kawai i nuukan taarin Aikubita.

Itaia 10:5

E taku te UEA: I a rangi n un! Ao N na kamanenaa uean Aturia b'a kaanga te ambo

Itaia 28:2

Bon ti te UEA ae e korakora ma ni m'aaka! E na oroia ni kab'akaia ni baina ae e korakora n angibuakan te karau te atiibu ke te ukeuke n anti ke te ieka ae e korakora.

Itaia 29:6

N na roko ni kamaiuko ma m'aiei ao te baa ma te ukeukenanti Ngai ae te UEA ae Moan te M'aaka.

Itaia 30:29

Ane a na anene ana Aomata te UEA n aron are a karaoia ngke a kauringa te Riao n te tairiki. Te UEA bon ana b'aa ae e korakora Iteraera, ao ane a na kukurei ana Aomata n aroia ngkoa ngke a ira tangin te kaib'ab'aa nakon te Maunga ike e taromauriaki iai.

Itaia 30:31

Ngkana a ongo b'anaan bain te UEA kaain Aturia ma n nooria n oro n okona te biti, ao ane a na maaku.

Itaia 31:4

E taku nako iu te UEA are Moan te M'aaka, “N na bekorara ao ni buakaniia kaanga te raian ae e aki konaa ni maaku ae e aki konaa ni kubanako n takaaruaia taani kaawakin tiibu ake a kataia ni kaawakiniia aia nanai n tiibu. Ao anne arou n roko n ruo ma ni buakaniia i aon te Maunga are Tion.

Itaia 32:19

e ngae ngkana e tiribooi taian buakonikai ma kaawa aika a buubura n taian karau atiibu.

Itaia 33:14

A titiraki ma te maaku taani bure aika a buakaka ake a maeka i aon te Maunga are Tion, “Ti nang kangaa ni maeka i buakon te urarake ae akea tokina?”

Itaia 4:6

E na karekea te nuu i aan riringan taai ao te tabo ni katantan ao ni kamanomano n tain te buaka ma te karau.

Itaia 51:9

Uti! buokiira te UEA. Ko na korakora ao tauraoi. Uti! Karaoa te b'ai are ko a tia ni karaoia nakoia am Aomata n taai ake ngkoa. Ko bon aki tataa Raaba are te mannikaakang?

Itaia 52:10

E a tia te UEA ni kaota korakorani m'aakana nakoia botannaomata ni kabane; a bane aomata n noora m'aakan Atuara ni kakamaiu.

Itaia 62:8

E a tia n anga ana taeka te UEA ao e karaoa te berita aei: N na aki manga anga riki nakoia ami kairiribai taian uita ao taiani kureebe aika kam bon bekutata ni karaoia.

Itaia 66:15

E na ruorikaaki te UEA kaanga te ukeukenanti ao a na kaanibuaka aika taian ai. E na rangi n un ao ni katuaaia ana kairiribai n te ai.

Itaia 66:16

E na uota te motikitaeka ae e eti ana taeka te UEA ae e ura nakon taabo nako n te aonnaba aei ao e na tiringiia aomata aika a m'aiti.

Ieremia 25:32

E taku UEA ae Moan te M'aaka: Kam konaa noora te aoraki ngkana e butinako man taabo aika a raroa nako n te aonnaba, man te botannaomata teuana nakon teuana kaanga te angibuaka ae e kakamaaku.

Etekiera 10:5

Ao e korakora rurungaiia maan ake iai baiia ni kiba n ai aron b'anaan te Atua ae Moan te M'aaka ao e konaa n ongo te aba man katawanangin oon te Tembora.

Etekiera 13:13

Bon Ierutarem te oo anne. Ao boni Ngai ae te UEA ae te Atua ae I kanakoa te ang ae e korakora, buakani karawa, ao te karau te atiibu b'a e na urua.

Ioera 2:5

A rurunga i aon taiani maunga kaanga karongoaia taian kaa ni buaka, ke taani buaka aika a korakora aika a tauraoi nakon te buaka. Bon ain te buakonikai ngaiia aika a kaakana boton uteute ae e m'au.

Amota 1:14

Ngaia are N na kab'aka te ai i aon oon te kaawa man kabuoki nonon nako Raab'a. Ao Kairiribai a na takaakaa n te bong ni buaka, ao e na mangaongao te bo-ni-buaka kanga ai aron te ukeuke-n-anti.

Mika 1:4

A na rannako maunga i aani waena n ai aron te nenea n te ai; a na raanga rikaaki nako nanon m'arua, n ai aron raan aika a raanga i raabeen tabuki.

Mataio 24:7

B'a ane na tei rake te aba teuana ni buakana te aba teuana, ao te tautaeka teuana ni buakana te tautaeka teuana; ao ane a na roko roongo ma m'aeiein te aba n taabo nako.

Ruka 1:51

E karaoi m'akuri aika m'aaka ni baina, E kamaaeia nako akana kainikatonga n iangoan nanoia.

2.I-Tetaronike 1:8

ma te ai ae ura m'aaka. E na kareke kaiia ake a aki ira nanon euangkerion ara Uea are Iesu Kristo.

Iotua 10:10

E kabuai aia iango taian Amoraite te UEA, ao a roko aia taanga ni buaka Iteraera n tiringiia man te angaatai ke te angamaing. Ao a kakioia nako aia taanga ni buaka taian Amoraite nakon te kawai are i Beta-oron man tiringiia ni karokoa a roko ni kaawa ake i Ateka, ao Maketa.

Iotua 10:11

Ngke a tabe ni birirake n te kawai are i Beta-oron tautian Amoraite, ngke a birinako mai i rouia aomatan Iteraera, ao e kab'aka te karau te atiibu aika a korakora te UEA i aoia ni karokoa rokoia i Ateka. A m'aiti taian Amoraite ake a mate n taian atiibu ake a b'aka nakoia ake a mate n aia kabaang aomatan Iteraera.

Te Kaotioti 1:15

ao waena ai aron taraan te buraati ae raneanea ae a tia ni kaburoaki ni kaitiakaki n te ai ae ura m'aaka; ao b'anaana ai aroni karongoani b'aron naao aika bati,

Te Kaotioti 11:19

Ao e kaukaki ana Tembora te Atua, ae te Tembora ae mena i karawa, ao e noraki te Atiniberita i nanona. Ao e itiiti ma n rebwetata te baa ma n rurunga, ao e m'aeiei te aba; ao e b'aka ni korakora te karau ae te aiti ae matoatoa.

1.Tamuera 7:10

Ao e bon tuai bane ana anga karea Tamuera ngke a moana aia buaka kaain Biritia. Ao E kaekaia te UEA ao E karebwea te baa ni katobibiia. Ao a tiaoki kaain Biritia ao a birinako.