Itaia 30:3 - Te B'aib'ara

³ “Ane ana b'ara nanomi, ma ni kamaamaaeaki i bukin onimakinan Aikubita.

Itaia 30:3 ပူးပေါင်းရင်းမြစ်များ

2.Uea 18:21

E mwiokoa Aikubita ma ueana? Ti te bo anne ma te aomata ae e raraa te kai ae e m'aotoua b'a e na bon teke iai baina.

Taian Areru 108:12

Buokira n ara tai n aitara ma aiara; b'a akea manenani buokara mairoun te aomata.

Taeka n Rabakau 25:19

Te rao ae ko aki konaa n onimakinna i nanon tain te kangaanga boni kaanga te maraki ni m'aka ni wii ke te ikoaki ni wae.

Itaia 20:5

Ane a na mangaongao ao a na b'ara nanoia, i bukina ngke a onimakina Itiobia ao a kamoamoa iroun Aikubita.

Itaia 20:6

Ngkana a riki baikai, ao ane a na kaangai aomata ake a maeka i mataniwiin taari, “Ani bon noora te b'ai ae e a riki nakoia! Ti biri ni karekei maiura irouia, ma te kaantaninga b'a a na kamaiura mai roun Uean Aturia. Ma ngkai, ai bon akea riki ara tabo ae ti na kamaiura iai.”

Itaia 36:6

Tai onimakina uean Aikubita? Ti te bo anne ma te aomata ae e raraa te kai ae m'aotoua, ao e na teke iai baina.

Ieremia 2:36

Ngke a kab'akaingkami kaain Aturia, ao kam biri nako Aikubita, ma e aki reke buokami ikekei,

Ieremia 42:18

I un Ngai ae te UEA irouia kaain Ierutarem ao I katuaaia. Ngkana kam nako Aikubita, ao N na bon un ao N na katuaaingkami n te aro naba anne. Kam na bon aki manga noora abami. Ane a na maaku aomata n te b'ai ae N nang karaoia nako imi, ao ane a na kabonganaa aran ami kaawa ae e buubura aei b'a te taeka ni kamaraia.

Ieremia 42:22

Ma ngaia ae, kam na mate i Aikubita n te buaka, te baki, ke te aoraki.

Ieremia 46:25

Bon te UEA Ngai ae Moan te M'aaka, ae Atuaia Iteraera. N na katuaea te anti are Amon are antiia kaain Teebeti ao antin Aikubita ake tabeua, uean Aikubita, ao kaain Aikubita, ao aomata aika a onimakina m'aakan Aikubita.

Etekiera 29:7

Ngke a kaaenakoi baiia b'a a na kakaaea buokaia mairoum, ao ngkoe ko kam'aotoua nakon uam'akoro, ma n korei anganibaiia ma ni kab'akaia.

Otea 10:6

E na uotaki nako Aturia ao e na anga te aba nakon te uea are e kakannato. Ao i mwiina, e na kamamaaeaki Iteraera i bukin taromaurian te bouananti anne.

I-Rom 10:11

B'a e kaangai te B'aib'ara, “Ane onimakinna ao e na aki kamaamaeaki.”

I-Rom 5:5

ao te kaantaninga e aki kamaamaea te aba, i bukina b'a e a tia ana tangira te Atua n nurakinaki nako nanora iroun te Tamnei are Raoiroi, are ti a tia n anganaki.