Itaia 30:29 - Te B'aib'ara

²⁹ Ane a na anene ana Aomata te UEA n aron are a karaoia ngke a kauringa te Riao n te tairiki. Te UEA bon ana b'aa ae e korakora Iteraera, ao ane a na kukurei ana Aomata n aroia ngkoa ngke a ira tangin te kaib'ab'aa nakon te Maunga ike e taromauriaki iai.

Itaia 30:29 ပူးပေါင်းရင်းမြစ်များ

Taian Areru 18:31

Bon ti te UEA Atuara, ao akea riki; Ao ti Ngaia kamanoara.

Taian Areru 32:7

Boni nneu ni karabai Ngkoe; Ko na kamaiuai man te kaangaanga. I anene n takaruaea taekan am Kamaiu, I bukina b'a Ko kamanoai.

Taian Areru 42:4

E uruaki nanou ngke I uring boong ake a tia n nako: Ngke I m'ananga ma aomata aika bati, ni kairiia nakon um'an te Atua; Ao a anene ma te b'ana ni kakatonga ma n nebonebo nakon te Atua.

Taian Areru 42:5

E aera ngkae e rawaawata nanou? E aera ngkai I aki rau? N na kaantaninga te Atua, Ao N na manga neboia: B'a bon au tia kamaiu ao Atuau.

Itaia 12:1

Ko na kaangai n te tai arei. “I kaaitauko te UEA! ko un ngkoa irou, ma e a toki unim ao ko a anganai te mweraoi.

Itaia 17:10

Iteraera, ko a tia ni m'aninga taekan te Atua are e kamaiungkami, teuare bon te b'a ae e korakora ike e na konaa n reke iai maium. Kam unika taiani kabanea n tamaroa ni uee i bukin karinean antiia ianena.

Itaia 2:3

A na m'aiti aomata ake a na roko ao a na kaangai, “Ti a nakon ana Maunga te UEA ae Atuan Iakob'a ma n taromauri n ana Tembora.” E na reireiniira te UEA ana Tua mai Ierutarem, ao ti na ongotaeka i rouna.

Itaia 26:1

E a roko te tai are a na anene iai kaain Iuta n te anene ae e kaangai: “E kaawakinaki ara kaawa Bon ara nono te UEA, ao e anganiira te tokanikai.

Itaia 26:4

Ma ngaia are, onimakina te UEA n taai nako b'a bon ara b'aa ae e korakora

Itaia 30:28

E katinakoa ikeikena b'a te ieka are e iabuti rake nakon te roroa. E raumeaia botannaomata ao e kamaunaiia. Ao e kaaki taian bwe ni kairiiri i nanoni wiia ianena ni kabane ao e kairiia nakon te kabuanib'ai.

Itaia 30:30

E na rangi ni un te UEA. E na ongo te aba b'anaana ae e kakamaaku, ao e na nooraki baina ae e tauraoi n oro, ao e na riki unna b'a kaanga te ai ae e urub'ai, ae e irianaki ma rebwen taiani baa ao taiani karau atiibu.

Itaia 44:8

Kam na aki ruru ni maaku! I bon aki taekinna nakoimi n taai ake ngkoa? Kam bon aki ongongora irou? Bon ti Ngai te Atua bon akea ai aron te b'aa ae e korakora.

Ieremia 33:11

b'anaan te kukurei ao karongoaan taiani bootaki ni kukurei ma taiani baka ni mare. Ao ngkana a rin n au Tembora b'a a na anga karea i bukin kakukureiau, ao ko na ongo ae e kaangai irouia: “Ti neboiko, te UEA ae Moan te M'aaka! Ko karaoa ae e raoiroi nakoira, ao e bon aki konaa ni matebuaka Am tangira.” E na manga okira arona te aba ni kariki uaa.

Nakoaia Ibonga 23:32

Mani bungin taai ni karuaiwan bongin te nam'akaina nakon bungin taai ni katebwinan bongina kam na motirawa iai, ao akea te bae kam na kanna naba iai.

Mataio 26:30

Ao ngke a tia n anenea te anene n nebo nakon te Atua, ao a nako n te maunga are Oriweta.

Te Tua-Kaua 16:6

kam ti riai n anga n taabo akana E a tia n rinei te UEA b'a taabo n taromauri. Kam na tiringa te karea n te b'akantaai, te tai are kam kitana iai Aikubita.

Te Tua-Kaua 32:31

E ngae ngke a ataia ara kairiribai ae bon ti Atuara ae te B'a ae Korakora.

Te Tua-Kaua 32:4

Bon te b'a ae korakora te UEA, ao e aki roko n te karaoa te kaairua. E kona n onimakinaki n taai nako b'a boni Ngaia are E kona ni uota te motikitaeka ae eti.

Te Kaotioti 15:3

Ao a anenea ana anene Mote are ana toro te Atua, ma ana anene te Tiibuteteei, ao a kaangai, “Te Uea ae te Atua, ae Moan te M'aaka, A kakannato am m'akuri ao a kamimii! A eti ma ni koaua arom, Ngkoe ae aia Uea botannaomata!