Itaia 30:28 - Te B'aib'ara

²⁸ E katinakoa ikeikena b'a te ieka are e iabuti rake nakon te roroa. E raumeaia botannaomata ao e kamaunaiia. Ao e kaaki taian bwe ni kairiiri i nanoni wiia ianena ni kabane ao e kairiia nakon te kabuanib'ai.

Itaia 30:28 ပူးပေါင်းရင်းမြစ်များ

2.Tamuera 17:14

Ao a kukurei riki Abetarom ma aomata nako n ana iango Utiai nakon ana iango Aitobera. E riki aei b'a E karaoa ana iango Aitobera te UEA b'a e na aki b'ai b'a e aonga n reke te kangaanga nakon Abetarom.

2.Uea 19:28

I a tia n noora kainikatongam ma ribaakiu ae moan te korakora iroum. Ao ngkai N na karina te matau i nanoni b'airim, ao te m'akoro ni biti i nanoni wiim, ao i mwiina I a kaokiko nakon te tabo are ko nako mai iai.

Iobi 39:17

Boni Ngai ae I kananobaba, ma n aki anganna te wanawana.

Taian Areru 18:15

Te UEA, ngke Ko boaiia aiam, ngke e korakora angini b'airim n unim i rouia, Ao e oti aontanon nanoni marawa, Ao a oti naba aan aonnaba.

Taian Areru 32:9

Tai nanobaba n ai aron te aoti ke te miure ake a tangira kairakiia mani kabaean ubuia b'a a aonga n ongeaba.

Taeka n Rabakau 26:3

A na riai n oreaki ao ni bweenaki te aoti ma te aati, ao ai uana naba ma taian nanobaba

Itaia 11:4

E na karaoaki raoi te eti ma te riai nakoia aomata aika a maiu ni kainano ao a tangira buokaia. Ana riki ana taeka b'a taian tua i aon te aba ni kabutaa, ao a na bane n tiringaki taani bure.

Itaia 17:13

Ma e ngae ngkana a rurunga kaanga te ieka ae e kakamaaku, E na tuangiia te Atua b'a a na oki rikaaki. A na riki b'a kaanga te bubu, ke kaanga te uteute ae e ukaki nako n te ang are e karabinobinoaki ri aon taian tabuki n te angibuaka.

Itaia 17:14

E na rangi ni korakora aia buaka n te bong, ma ngke e a ingabong ao a mate. bon anne te b'ai ae e na riki nakoia akana a ewekiira ma ni kurib'aia abara.

Itaia 19:3

“E na anaaki ninikorian Aikubita ngkana I kamangaoi aia babaaire nako. Ane a na kataia n titirakiniia aia bouannanti b'a tera ae a riai ni karaoia, ao mairouia tamneia ake a tia ni mate, ao mairouia naba taani kaiwa.

Itaia 28:15

Tao kam taku b'a kam karaoa ami boraraoi ma te mate ao aia aonnaba maate? E aera ngkai kam onimakin ami kewe b'a kamaiuami man te kabuanib'ai ao te ieka ae e korakora?

Itaia 28:2

Bon ti te UEA ae e korakora ma ni m'aaka! E na oroia ni kab'akaia ni baina ae e korakora n angibuakan te karau te atiibu ke te ukeuke n anti ke te ieka ae e korakora.

Itaia 29:6

N na roko ni kamaiuko ma m'aiei ao te baa ma te ukeukenanti Ngai ae te UEA ae Moan te M'aaka.

Itaia 30:29

Ane a na anene ana Aomata te UEA n aron are a karaoia ngke a kauringa te Riao n te tairiki. Te UEA bon ana b'aa ae e korakora Iteraera, ao ane a na kukurei ana Aomata n aroia ngkoa ngke a ira tangin te kaib'ab'aa nakon te Maunga ike e taromauriaki iai.

Itaia 30:33

N taai ake ngkoa iai te tabo ae e katauraoia te UEA i bukin kabuokakin rab'atan te uea ae e a mate. E nano nnen te ai ao e warebwerebwe, e b'aenaata te ati n rietaata, ao e na kauraa te ai te UEA ni kaotinakoa ikeikena ae te ai.

Itaia 37:29

I a tia n noora kainikatongam ao unim ae e rangi ni korakora irou. Ao ngkai N na kaaki te matau i b'airim, ao te b'ai ni bwe i nanoni wiim, ao i mwiina, N na kaokingkami. nakon te tabo are kam nako mai iai.

Itaia 59:19

E na buaka kaanga te ieka i nanon te angibuaka ae e korakora. Ane a na karinea ma n neboa arana ae e kamimii botannaomata ake i maeao ao i mainiku.

Itaia 63:17

E aera ngkai ko karaoira b'a ti na tannako mairoum, ara UEA? E aera ngkai ko karaoira b'a ti na aki tangiria n ongotaeka iroum? Taiaoka bita nanom! Bon am taani m'akuri ngaira, ao bon am aomata ni koaua ngaira.

Itaia 8:8

A na kaona Iuta aia tautia kairiribai kaanga te ieka ae e iabuti n roota te roroa. Ma te Atua iroura. E na taakin baina ao e na kamanoa abara.

Otea 13:3

Ai ngaia are, kam na bane ni mauna nako kaanga te maabubu ke te aoi n te moaningabong, ke kunin taian uita n te ang ke te bubu ma n te kainibubu.

Amota 9:9

“N na anga Au taeka, ao N na ioia aomatan Iteraera n ai aron te uita ae e ioaki n te b'ai n i uita. N na ioia n raumeaia ni kanakoia aika a buakaka.

Mataio 3:12

E mena i nanoni baina te b'ai ni m'akuri are E na kaitiaka iai maangen te uita man te tabo are ororeaki iai te uita b'a e aonga n raure nako ma kaina. E na boti uaa n uita i nanon ana titoa ni b'ai, ao E na kabuoki maangen uita n te ai are aki mamate.”

Ruka 22:31

“Timon, Timon! Noria, e a tia n anganaki Tatan te kariaiakaki b'a e na kairingkami nakon te kaririaki, ni kaokoroa te raoiroi man te buakaka, n ai aron te tia ununiki ae kaokoroa te uita mai buakoia titania.

2.I-Tetaronike 2:11

Ma ngaia ae te Atua E kanakoa m'aakan te kairua b'a e na m'am'akuri i nanoia b'a a aonga ni kakoaua te kewe;

2.I-Tetaronike 2:8

ao i mwina ngkanne, e na kaotaki teuare te tia ri aon te tua, are e na kamateaki iroun te Uea are Iesu n ikeni wina, ma ni kamaunaki ni mimitongin rokona.

Ebera 4:12

B'a e maiu ana taeka te Atua, ao e m'am'akuri ao e kakang riki nakoni kabaang aika uaitera wiia ni kabane, ao e ewara nako te aomata nakon te tabo are a kaitibo iai te maiu ma te tamnei, ao taian toma n ri ma kanoan ri; ao e atai raoi ana iango te nano ma baika riki iai.

Te Kaotioti 1:16

ao e tau itoi aika itiua i nanoni baina are ataina, ao e oti nako mai wina te kabaang ae kakang ae uaitera wina; ao taraan ubuna ai aron taai ae korakora riringana.

Te Kaotioti 2:16

Ma ngaia ae ko na raira nanom; ao ngkana ko aki, ao ae N na waetata n nako im, ao N na buakaniia n te kabaang are oti nako mai wiiu.