Itaia 30:26 - Te B'aib'ara

²⁶ Ao i mwiina, e na bauti ikoakiia ana Aomata te UEA ma ni kamaoi ikoakiia ake e bon kariki. E na oota nako ootan nam'akaina kaanga ai aron ootan taai, ao e na oota taai itiua riki rakan ootana nakon aroarona mai m'aaina. E na karina n oota n ai aron ootan itiua te bong n te tai naba arei.

Itaia 30:26 ပူးပေါင်းရင်းမြစ်များ

Iobi 5:18

E bauti taian ikoaki te Atua ake bon mwiina; E kaikoakiko baina, ao E kamaiuko naba baina.

Itaia 11:9

Akea te kabuanib'ai ae e na konaa n riki i aon ana Maunga ae e tabu te UEA. Aron te ran ngkai ae kaona taari ao ai aron naba te aba b'a e na kaonaki irouia aomata antai ae e ataa ma ni karinea te UEA.

Itaia 19:22

Ane a na rairaki aomata nakoina, ngkana e a tia te UEA ni katuaaea Aikubita. Ao i mwiina, e na kaekaa aia tataro, ao a na kamaiuaki kaain Aikubita.

Itaia 24:23

A na kaai ni kamaamaaeaki ma ni kab'ainrangaki nam'akaina ma taai. E na tautaeka te UEA ae Moan te M'aaka i aon te Maunga are Tion i Ierutarem, ike e na kaota iai nakoia ana taan tautaeka kamimiin mimitongina.

Itaia 30:13

Ti te bo te bure aei ma te tabwena are e karika waekoani b'akan ao maenikunin

Itaia 30:14

te oo ae e rietaata kaanga te boora ae e manatua. Bon akea m'akorokorona ae e tau buuburana i bukin uotakin te kooro ae e buee ke ni ititiia te ran ni kanakoa.”

Itaia 33:24

Ane e na kab'arai ami bure te UEA ao ane a na akea mai buakomi ae e na kaangai, “Kaanga I aoraki.”

Itaia 57:18

I a ataa arom! Ma N na kamaiuko, N na kairiko, ao N na anganiko te mweraoi, ni karokoa te tai are a na anene n nebonebo

Itaia 58:8

Ao ane e na ootanako iai am taura kaanga ootan taai n te kaarangaina, ao ane ko na waekoa ni kamaiuaki. E na kaawakiniko am raoiroi ngkana ko waaki, ao e na kaawakiniko mimitongin te UEA mai bukim.

Itaia 61:1

E niniai Tamnein te UEA ae te Atua ao e taniai! E a tia n rineai te UEA ao e kanakoai b'a N na tuangiia ake a karawaawataaki te rongorongo ae e raoiroi, ao ni kamaiuia aika a uruaki nanoia, ao ni katanoata nakoia taekan te kainaomataaki nakoia buure nako ao taenikai nako.

Ieremia 30:17

Akea ae e tangiria n riki b'a raoraomi ke n tabe n te b'ai ae e riki nako imi. Ma N na kamaoi ikoakimi, ao kam na manga marurung.

B'aeb'aeti 2:13

O Ierutarem, ae ko bati n tangiraki, tera ae N na kona n taekinna? N na kangaa ni kabebeteko? Bon akea ae a tia n rawaawata n ai aron aei. Akea tokin rawawatam n ai aron marawa; akea ae konaa ni kamaiuko.

Otea 6:1

Ti a okira te UEA. E a tia n raeraeira ni kauarerekeira, ma E na kabaei ikoakira ao E na manga kamarurungiira.

Otea 6:2

Ai ti uabong ke tenibong riki ao e a kamaiura ma ni kaoki korakorara b'a ti aonga ni manga maiu ma Ngaia.

Amota 9:11

E taku te UEA, “E na roko te bong are N na manga kaoka iai uean Tawita b'a kaanga ai aron te bata ae b'aka n uruaki, ao N na manga katei oona ma b'aina nako. N na kateia ni kaoka arona are rimoa,

Tekaria 12:8

N na kaawakina Ierutarem Ngai ae te Atua. E na bon korakora naba te aomata ae te kabanea ni mamaara ikekei n ai aron Tawita, ao e na tautaeka abanuean Tawita b'a kaanga bon Au anera ae e riki b'a ana tia kairiiri.

Tekaria 14:7

Ao E a tia ni baaireia te UEA te tai are e na koro iai bukina-tain te bong ae akea tokina aei.

Maraki 4:2

Ma ngkami aika kam karinea arau, e na oota i aomi te tokanikai kaanga taai ma buraenimata aika a uota te maiu, ao kam na kibakiba rake kaanga taian kao ataei aika a takaakaro.

Te Tua-Kaua 32:39

Kam bon aki ataia? Bon ti Ngai te Atua; ao akea riki temanna; Bon Ngai ae I anaa te maiu ao I a manga kaokia. I katuaaingkami n te rawaawata. Ma N na kamaiungkami ngkai, ao bon akea ae kona ni katokai.

Te Kaotioti 21:23

E aki kainanoa taai ke nam'akaina te kaawa arei i bukin ootana; b'a ootana boni mimitongin te Atua, ao taurana bon te Tiibuteteei.

Te Kaotioti 22:5

E na akea te bong; ao a aki kainanoa ootan te taura ma taai, b'a E na riki te Atua b'a te oota i aoia; ao a na uea n aki totoki.