Itaia 30:25 - Te B'aib'ara

²⁵ Ane a na tiringaki aomata ma n uruakaki taian taua n te bong arei, ma a na raanga taian karaanga n ran man taian tabuki ao maunga aika a rietaata.

Itaia 30:25 ပူးပေါင်းရင်းမြစ်များ

Itaia 32:14

E na kiitanaki te bareti, ao a na akea aomata. Ao a na riki taian nono ma taua b'a nneia n takaakaro n aki toki taian aati aika a aki manana ao nnen tawaana n uteute ake kanaia tiibu.

Itaia 37:36

E kanakoa te anera te UEA nakon aia kaemb'a kaain Aturia, ao e tiringiia tebubua waningaun ma niman tengaa te aomata n teuana te tairiki. N te bong are i mwiina, ao e a onrake te maeka arei n taiani mate.

Itaia 48:21

E kairiira i nanon te rereua ao e karaanga nako te ran man te b'a ni katoki nanoia aika a taka.

Etekiera 17:22

Aio ana taeka te UEA ae moan te M'aaka: N na anai taberan taian tiira ake kabanea n rietaata ma n urui taberana aika maraurau; N na kabwebwea i aon te kabanea n rietaata ni maunga,

Etekiera 34:13

ma ni kaokiia man aia botannaomata ianena ake a maeka iai. N na riki b'a aia tia kawakin tiibu ao N na kaam'arakeia i aon aia maunga nako Iteraera ao i nanon taiani m'arua ao taawana aika a maiu reirei.

Etekiera 34:26

A na maeka ni katobibia Au maunga are e tabu, ao N na kakab'aiaia ni karokoa te karau ae e korakora

Etekiera 47:1

Ao e kairai te mm'aane arei rikaaki nakon te Tembora, ike I noora iai te raanga n ran ae e raanga i aan te kawai n rin. E moana raangana man iteran te Tembora are mai maiaki, ike e raanga mai iai ri rarikin te baonikarea ni waaki nako ni waerake i nanon te katawanang.

Ioera 3:18

A na kaona aon te maunga n te bong arei uaan taiani kureebe aika a kakaonimaki. Ao a na kam'aita te miriki ami kao ma ami kooti aika a am'arake i aon taian tabuki. A na aki konaa ni m'autakataka taiani karaanga n ran i Iuta; ao te raanga n ran are n au Auti e na raanga n roko man te M'arua are Akatia.

Naum 3:12

A na riki nonom nako b'a kaanga kaai aika biiku aika a tawaa uaaia. A na ioaki biiku, ao a na b'aka uaaia nako nanon wiim!

Warekaia Iteraera 24:7

A na rikirake ni maiu raoi kanoam kaanga aron taiani kai n am'arake i rarikin te karaanga n ran. E na tautaeka am uea ma te m'aaka ao e na riki b'a te uea ae korakora riki nakon Akaaka are kaain Amareka.

Ioane 7:38

Ane onimakinai, ao a na raanga nako karaanga n ran ni kamaiu mai nanona, n ai aron taekana n te B'aib'ara.”

2.I-Korinto 10:4

b'a ara b'ai ni buaka aika ti kamanenai n te buaka bon tiaki b'ain aon te aba, ma b'ai ni buaka aika korakora iroun te Atua n uru taabo ni buaka aika matoatoa. Ti uru taeka ni baka n rabakau,

Te Kaotioti 22:1

Ao te anera arei e kaota nako iu karaangan te ran ni maiu, ae te ran ae raneanea n ai aron te kurititaro; ao e raanga nako te ran arei man ana kaintokanuea te Atua ma te Tiibuteteei,