Itaia 30:22 - Te B'aib'ara

²² Ao ane kam karaoia ami bouannanti ake taian tirewa ma koora kaanga taian turam ni maange; kam na karenakoia kaanga taian uraeki ae e a kam'araa.

Itaia 30:22 ပူးပေါင်းရင်းမြစ်များ

2.Rongorongo 31:1

I mwiin te Toa are te Riao, ao a okiri kaawan nako i Iuta aomata ao a uruaki bannan nako antiia ianena aika taian atiibu ao a koroi ni kab'akai taiani boua aika a tabu ake b'ain taromaurian te anti are Nei Atera. A urui ni kabane baangotan te aba ao aia baonikarea ianena ake i Iuta, ao ai uana naba ma ake n aaba ake Beniamin, Eberaim, ao Manate Maeao. Ao e mwiina, a bane n okirikaaki nakoni mwengaia aomata.

Itaia 27:9

Bon ti teuana te kawai ae e konaa iai ni kab'araaki iai ni kabane ana bure Iteraera: a riai ni kamaaenikuni atiibu nako ake aia baonikarea beekan ao aia tabo n taromauri.

Itaia 31:7

E a roko te tai are kam na tewenakoi iai ami bouannanti aika tirewa ao koora, aika a karaoaki ni baimi aika a bure.

Itaia 40:19

E boni bootau te bouannanti ma te Atua? E karaoaki man te buraonti ao ni kabiraki aona teutana n te koora, ao e katamaroaaki n te tirewa.

Itaia 46:6

Tabem'aang aomata a kabooia taani karaobiti ao a anga taian tirewa ao taiani koora b'a e na karaoaki mai iai te bouannanti b'a a na taromauria.

B'aeb'aeti 1:17

I anganako baiu, ma bon akea ae kani buokai. E a tia ni karokoia au kairiribai te UEA man taabo nako. A karaoai b'a kaanga te b'ai ae kam'araa.

Etekiera 14:6

Ko na tuangiia Iteraera ngkai Etekiera ni kaangai: Bon te UEA ae te Atua Ngai. Kam riai ni katoka taromaurian taiani bouannanti aika a rangi n ribaaki ao okirai.

Etekiera 18:6

E aki kan kang taian karea i bukiia antiia ianena n taiani baangota ke n taromauri bouannantin nako Iteraera. E bon aki wene ni bure ma buun te m'aane temanna ke te aine ae e aoraki n aine.

Etekiera 36:31

Kam riai n uring aromi aika a buakaka ao kam riai n ribaingkami i bon iroumi n te b'ai ae kam a tia ni karaoia.

Etekiera 7:19

Ane a na karenakoaki ami tirewa ma ami koora nakon nnen te maange i rarikin kawain nuukan te kaawa i bukina b'a bon aikai baika uoua aika kairingkami nakon te bure, ao ngkai a aki konaa ni kamaiungkami man uniu. A na bon aki tau naba i bukin kabooan te am'arake.

Etekiera 7:20

Kam na rangi ni kainikatonga ni kamanenaakin ami b'ai ni katamaroa ni karaoa iai te bouannanti i bukin antiia ianena aika a rangi n ribaaki. Ma ngaia ae, N na karika ami b'ai ni katamaroa b'a baika a akea manenaia.

Otea 14:8

Iteraera, Katikui ami bouannanti nako! N nang kaekaa ami tataro ma n tararuaingkami. Boni Ngai te aroka are e mimitong arei, are oin ami kariki uaa,

Nakoaia Ibonga 13:52

E na riai te ibonga ni kabuokia, b'a aorakin te kun ae e eweewe ae e riai ni kamaunaaki n te ai.

Tekaria 13:2

E taku te UEA ae Moan te M'aaka: N na kamaunai ni kabane taian bouannanti mai aon te aba ngkana e roko te tai arei, ao e na m'aninga te aba taekaia n aki toki. N na bon kamaunaiia naba aia burabeti nako ma tamnei aika a kam'araa akana a tautaekaniia.

Mataio 4:10

E taku ngkanne Iesu nako ina, “Naako akuu, Tatan! B'a e koreaki ae kangai, ‘Ko na taromauria te UEA ae Atuam, ao ko na toro i Rouna n ti Ngaia!’ ”

Te Tua-Kaua 7:25

Ngkana kam tia ni kataenikaia te botannaomata teuana, kam na kabuoki aia bouananti. Kam na aki m'aane n tangiri taian tirewa ma koora akana nim i aon taiani bouananti. B'a e aki kukurei iai te UEA, ni moa man te m'akoro ni biti ae nim i aon te bouananti,

Te Kaotioti 19:20

Ao e tauaki te man are tiritiri, ma te burabeti ni kewe are karaoi kanikina i matana, ake e m'am'anaia iai te koraki ake a kanikinaeaki n ana kanikina te man are tiritiri, ma te koraki naba ake a taromauria te bouananti are karaoaki b'a katotongana. E teweaki nako te man are tiritiri ma te burabeti ni kewe, ngke e maiu, i nanon te nama are te ai are ura n te burimton.