Itaia 30:2 - Te B'aib'ara

² Kam onimakina Aikubita i bukin kamanoami. Ma ngaia are, kam rawa nakon au babaaire. ao kam kanakoia ami taan uarongorongo nako Aikubita ni buubutiia aia uea buokami.

Itaia 30:2 ပူးပေါင်းရင်းမြစ်များ

1.Uea 22:7

Ao e taku Iotiab'ata, “A boni bane ngkai ana burabeti te UEA aika ti konaa n titirakiniia b'a ti aonga ni koaua raoi?”

2.Uea 17:4

Ma i mwiina riki, e a manga rawa Otea ni kakab'akai taian roonrab'ata, ao e bubutiia uean Aikubita are To b'a e na buokiia ni kaaitaraa Tiaremanetera are uean Aturia. Ao ngke e ataa te waaki arei Tiaremanetera, ao e anaa Otea ni kaburea.

2.Uea 18:21

E mwiokoa Aikubita ma ueana? Ti te bo anne ma te aomata ae e raraa te kai ae e m'aotoua b'a e na bon teke iai baina.

Itaia 16:3

E taku ana tia uarongorongo Moaaba nakoia kaain Iuta, “Nanoangaira ao buokiira! Kataniira man kabuebuen riringan taai n te tawanou. Kamanoia ara aomata aika a rawei maiuia! Tai tannako mai rouia.

Itaia 18:1

E wene te aba ae Aikubita i tinanikun karaangan nako Itiobia, ao e onrake aona n taian m'ata ao maan aika a uarereke.

Itaia 36:6

Tai onimakina uean Aikubita? Ti te bo anne ma te aomata ae e raraa te kai ae m'aotoua, ao e na teke iai baina.

Itaia 36:9

Kam na kangaa ni konaia ara aobitia ake mai inano, ngkana kam onimakina Aikubita i bukin kaanibuaka ao taani buaka i aoia aoti?

Itaia 8:19

Ane a na kaangai tabeman nakoimi, “Naako kawariia taani kaiwa ake a wiwiirikiriki ke n titirakini tamneia maate. Ma e ngae n anne, ao e riai te botannaomata ni konaa n titirakina oin antina nako

Ieremia 2:18

kam onimakina m'aakan Aikubita ao Aturia.

Ieremia 21:2

“E a tia uean B'aburon are Nebukaneta i B'aburon ao ni buakana Iuta. I butiiko b'a ko na butiia te UEA b'a e na karaoa te kakai i bukiia ara aomata, n aron are e karaoia naba ngkoa rimoa, b'a e aonga n nako ni kiitaniira Nebukaneta.”

Ieremia 37:5

Ao a tia ana taanga ni buaka B'aburon n taua Ierutarem, ma ngke a ongo ae a tia n ri aon tian Aikubita, ao a koerikaaki.

Ieremia 42:14

Ti na nako Aikubita, ike e m'aiti iai te am'arake ao akea naba te bubuaka iai.”

Ieremia 42:2

ao a taku, “Ti butiiko b'a ko na tataro i bukira nakon te UEA ae Atuam. A rangi ni m'aiti ngkoa kaain Iuta, ma n aron ae ko konaa n nooria ngkai ai ti tabeman ngkai nikirara.

Ieremia 42:20

Kam buubutiai b'a N na tataro ma ni karekea nanon te UEA ae Atuara b'a tera ae e tangiria b'a ti na karaoia, ao kam berita b'a kam na ongotaeka i Rouna. Ma bon te bure ae e moan te kakamaaku te b'ai anne,

Ieremia 43:7

A aki ongotaeka nakon te UEA ao a m'ananga nako Aikubita. A a tia n tekateka te koraki arei i Tabaneti

B'aeb'aeti 4:20

A uotaanako buroora are mwiokon maiura, are E a tia n rineia te UEA, are teuare ti onimakinna b'a te tia kawakiniira mai irouia ara kairiribai.

Otea 7:13

Kaniwangaia ngkai a katinanikuai bon ti te kangaanga ma te urub'ai. N na bon kamaiuia ngkoa ma I aki i bukina ngke a taekina te kewe nako iu.

Otea 8:10

E ngae ngke a kabonakoia nakon aaba aika bati ma N na manga bootia naba. Kam na waekoa ni kabuakakaaki irouia uea ma taan tautaeka.

Otea 8:9

Ti te bo ngkoe ma te aati ae e aki manana are e bon toua nako kawaina i bon i rouna. Ko biri nako Aturia ao ko kabooia b'a raom n te buaka.

Warekaia Iteraera 27:21

Ma e na riai Iotua ni mwiokoa Ereata i bukin kakaaean te b'ai ae I tangiria b'a e na karaoia ngkana e na kairiia Iteraera nakon te buaka.”

Te Tua-Kaua 28:68

I tuangngkami ngkoa b'a kam na aki okira Aikubita. Ma ngkai, E na kanoai taiani kaibuke iroumi te UEA, ao E na kaokingkami rikaaki nako ikekei. Ao i mwiina, ane kam na kakaaea angan kaboakimi nako b'a tooro, ma ane a na akea ae e na kani kabooingkami.

Iotua 9:14

Ao a katoonga nikiran kanaia taan roko m'aanen Iteraera, b'a kanikinaean kariaiakan te bubuti i bukin te boraraoi n raoi, ma aki kakaea moa nanon te UEA i bukin te boraraoi anne

Tani Motiki-taeka 9:15

Ao e taku te aroka ae kateketeke, Ngkana kam bon tangirai b'a N na riki b'a ami uea, ao kam na nakomai nako aan nuu ao N na kaawakiningkami Ma ngkana kam m'am'anaai, ao N na kauraa te ai are na rakanako ma n tiringi tiiran Reb'anon.