Itaia 30:19 - Te B'aib'ara

¹⁹ Kaain Ierutarem, kam a aki riai ni manga tang riki. E akoi te UEA ao ni bon te tai naba are E ongo iai tangimi n tangira buokami, ao e a roko naba.

Itaia 30:19 ပူးပေါင်းရင်းမြစ်များ

Taian Areru 50:15

Kam na weteai n tain te kaangaanga; N na kamaiungkami, ao kam na neboai.

Itaia 10:24

E taku ngkai te UEA ae te Atua ae Moan te M'aaka nakoia ana Aomata i Ierutarem: A oroingkami kaain Aturia n taiani kai ma ni kabuakakaingkami, n aron are a karaoia kaain Aikubita. Ma kam na aki maakuia.

Itaia 25:8

E na kamaunaa m'aakan te mate te UEA ae Moan te M'aaka ao e na kaoi rannimata ni kabane. E na akea te tabo ae e na manga karawaawataaki iai ana Aomata Bon ana taeka te UEA!

Itaia 33:2

Taiaoka, te UEA, nanoangaira! Ti onimakiniko. Kakorakoraira ni katoa ingaabong, ao kawariira ni kamaiura ngkana ti a reke n te kangaanga.

Itaia 35:10

A na oki ma te anene aomata aika e a tia te UEA ni kamaiuia ngkana a rin i Tion. E na riki te kukurei b'a aia bau ni uea ae a na baunna n aki toki. A na bukamaruia ao a na takaarua b'a a nako ni kabane rawawataia ma raraomaia.

Itaia 41:17

Ngkana a mate n taka ma n aki konaa ni kakaaea te ran aika a maiu ni kainano ao aika a tangira buokaia, Ao N na roko ae Atuan Iteraera ni buokiia. N na bon aki m'aninga taekaia.

Itaia 46:13

N na waekoa n roko ni kamaiungkami. I a kaan ao N na bon aki kabane tai; I kakatia iroun Iteraera ao N na kamaiua Iteraera.

Itaia 58:9

E na kaekaingkami te UEA ni kaangai, “Aio Ngai!” Ngkana kam buubutiai buokami. Kam na aki karaoa ae aki raoiroi nakoia tabem'aang ke ni bukiniia n te aro ni kewe ke n taetae n aki akaaka nakoia.

Itaia 60:20

E na aki manga bung ami taai ke ni bung ami nam'akaina. N na riki Ngai ae te UEA b'a ami oota ae akea tokina, ao a na toki ami bong n nanokawaki.

Itaia 65:18

Kukurei ao kim'areirei n aki toki ni baika I karaoi. N na kaona Ierutarem ae boou n te kim'areirei, ao a na kukurei kaaina.

Itaia 65:19

N na kaonaki n te kim'areirei i bukin Ierutarem ma ana botannaomata. Akea ae e na tang ikekei, ao akea ae e na kakaea buokana.

Itaia 65:24

Im'ain tokin aia tataro, ao N na kaekai aia tataro.

Itaia 65:9

I a tia n rineia aomata aika Iteraera ao Iuta, N na kakab'aiaia ma kaain aia baronga. Ana maeka ikai n aaba aika maungaunga. ao ana riki b'a aia b'ai.

Ieremia 30:12

E taku te UEA: Au aomata, kam a ikoaki ao kam a kani mate.

Ieremia 31:12

A na roko Au aomata n te Maunga are Tion ma ni karaoa aia bootaki ni kukurei; a na oota moaia i bukin Au kakab'aia. N na anganiia te uita, te kureebe, ao b'aan te oriwa, ao ai uana naba ma taian tiibu ao taiani kao. A na teetekeraoi Iteraera ao a na rikirake kaanga te nne n aroka ae e m'aiti te ran iai.

Ieremia 31:16

Katoka tangim ao kaoi rannimatam. A na bane ni kabooaki mwiin b'aai ni kabane ake ko a tia ni karaoi i bukiia natim; ane a na oki man abaia kairiribai.

Ieremia 31:6

N te bong teuana ane a na takaarua koraki akana tararuaa maungan Tamaria ni kaangai, “Ti a nako Tion n taromauria te UEA ae Atuara.”

Ieremia 31:9

Ane a na tang ma n tataro ngkana I a kaokiia nakon mwengaia. N na kairiia i nanon raanga n ran. A na nakonako i aon te kawai ae e booraoi ao a na aki reke waeia. Boni Ngai tamaia Iteraera, natiu ae I rangi n tangiriia.

Ieremia 33:3

“Weteai ao N na kaekako; N na tuangko b'aai aika a kamimii aika a tamaroa aika ko tuai man atai.

Ieremia 50:28

A urua au Tembora ana taanga ni buaka B'aburon, ma N na irantaanga n te tai ae e aki maan. Ao i mwiina, a na taetaekinna i Tion taan rawei maiuia mai B'aburon.

Ieremia 51:10

A taku Iteraera, Tuangiia kaain Tion ni kabane! E a tia te UEA n irantaanga i bukin te b'ai are e karaoia B'aburon nakoira.”

Etekiera 20:40

ngkana e roko te bong anne, a na bane n taromauriai Iteraera i aon te Maunga are Tion, are Au maunga are e tabu i Ierutarem. N na manga atongingkami riki b'a Au b'ai, ao N na manga butim'aai ami angab'ai ma ami karea nako.

Etekiera 36:37

N na manga kaeka riki ami tataro nako, ao N na karikirakea ami botannaomata kaanga te nanai n tiibu ae e korakora.

Mika 4:9

E aera ngkai ko tangi n takaarua? E aera ngkai ko maraki n ai aron te aine ae ariri? Tiaki i bukina ngkai a akea am uea? Tiaki i bukina ngkae a mate am tia iango?

Ruka 6:21

Kam a kab'aia ngkami akana kam baki ngkai, b'a ane kam na nuai. Kam a kab'aia ngkami akana kam tanginiwenei ngkai, b'a ane kam na ngarengare!

I-Rom 11:26

B'a n te aro aei, ao a na kamaiuaki kaain te botannaomata ae Iteraera ni kabaneia, n ai aron are koreaki ni kaangai: “Ane E na nako mai Tion te Tia Kamaiu E na kaaki te buakaka mairouia ana kariki Iakob'a.

I-Ebeto 3:20

Ao nakon Teuare kona ni karaoi b'aai aika moan te bati aika m'aiti riki nakoni b'aai aika ti bubuti ma n ururing, n ai aron te m'aaka ae m'am'akuri i nanora:

Te Kaotioti 5:4

Ao I bati n tang i bukina b'a e aki kuneaki temanna ae riai ni kauka te nira ni boki ma n tarataraia.

Te Kaotioti 7:17

ao te Tiibuteteei are i nanoaan te kaintokanuea, E na kawakinia n ai aron te tia kawakin-tiibu, ao E na kairiia nakoni koburaken raan aika kamaiu; ao te Atua E na kaoi rannimataia ni kabane mai mataia.”