Itaia 30:15 - Te B'aib'ara

¹⁵ E a tia n tuangiira ni kabane te UEA ae E tabu ae Atuaia Iteraera ni kaangai, “N na kaawakiningkami ngkana kam oki Nakoiu ma ni karau nanomi. N na manga kakorakoraingkami ngkana kam nanoraoi n onimakinai.” Ma i mwiina kam a manga bonotaninga

Itaia 30:15 ပူးပေါင်းရင်းမြစ်များ

1.Rongorongo 5:20

Ni katoa nako ia tautia aikai ni buakaniia aia kairiribai, ao a aki toki n taatataro nakon te Atua ma n onimakinna b'a E na buokiia. Ao bon anne bukin totokanikaia baronga aika Reuben, Kata, ao Manate Mainiku i aoia kaain Akera ma taani buokiia.

2.Rongorongo 16:8

Uringa aron korakoran ana taanga ni buaka Itiobia ao Rubim, ma aia kanibuaka ni kabane ao taan buaka i aoia aoti! Ko onimakina ngkoa te UEA b'a e na buokiko, ao e anganiko te tokanikai i aoia.

2.Rongorongo 32:8

b'a e buaka n ara itera te UEA ae Atuara. A ti onimakina korakoran te aomata kaain Aturia. Ao a kakorakoraaki ana taanga ni buaka Iuta n taeka aikai.

Taian Areru 116:7

E tararuai ma te nano n akoi, n te aro are n aki manga raraoma.

Te Otinako 14:14

E na buaka te UEA ae Atuami i bukimi, ao bon akea te b'ai teuana ae kam na tangiria ni karaoia.”

Itaia 28:12

E a tia ni berita iai nakoimi i bukin te rau ao te motirawa aika a kororaoi, ma kam aki kan ongo.

Itaia 30:11

Ani katoka te b'ai ae e a tia n taekinna te Atua! Ti aki kani manga ongo taekan Atuaia Iteraera ae e tabu.

Itaia 30:7

E aki konaa ni buokiko Aikubita! Ao bon anne bukina ae I arana te botannaomata anne b'a te manni kaakang ae akea ana i buobuoki.”

Itaia 32:17

Ao ane e na kaotinakoa te rau ao te kamanoaki ae akea tokina.

Itaia 32:18

Kam na maeka ma te rau, kam na maeka i aan te naa ao te mwianounou, ngkami, aika ana aomata te UEA,

Itaia 40:31

Ma e na manga reke te korakora ae boou irouia akana a onimakina te UEA. A na korakora kaanga ikare a na betiraoi i aoni baiia ni kiba; a na nakonako ao a na biribiri ao a na aki kua.

Itaia 42:24

E bubure Iteraera ao e rawa n ongotaeka iroun te UEA ke n aki iri ana babaaire. Ma ngaia are, e karaoia te UEA b'a a na iraeaki aia b'ai ni kabane.

Itaia 45:22

“I kaooa te aonnaba ae e b'anin b'a e na rairaki nako iu ao e na maiu. Bon ti te Atua Ngai! Akea riki te Atua ni koaua.

Itaia 7:4

Tuanga Aati b'a e na aki raraoma. Bon akea te b'ai ae e na maaka iai te uea are Retin ao Bika. E rangi ni kakamaaku uniia, ma bon akea aroia b'a ti kaanga te ai ngaiia ae a mate.

Ieremia 23:36

E taraa n ae bon iai ami rongorongo n tatabemaningkami nako! Ma ngaia are, ngkana kam kaangai, “Aio te rongorongo mai roun te UEA,” kam a kab'aoua Au rongorongo nakon te kewe. Ururingnga b'a bon Atuam Ngai, te UEA ae Moan te M'aaka.

Mataio 22:3

E kanakoia ana toro b'a a na weteia aomata ake a kaoaki nakon te baka, ma a aki kan roko.

Mataio 23:37

Ierutarem, Ierutarem, ae ko kamamateia burabeti, ae ko karebanaia ake a kanakomaiakaki nako im, ai bati ra au kani bobotiia am aomata, n ai aron te moa aine ngkana e botiia bunna i aani baina, ma kam rawa!

Ruka 13:34

“Ngkami, aika kaain Ierutarem, aika kam aki toki ni kamateia burabeti ao kam karebanaia ake a kanakoaki nako imi! Ai m'aiti ra au kani boboti ngkami, n ai aron te moa aine, ngkana e botiia natina i aani baina, ma kam rawa!

Ioane 5:40

ma kam aki kan nako iu b'a e kaawa n reke iroumi te maiu are aki toki.

Ebera 12:25

Kam na tarataraingkami b'a kam na aki rawa nakon Teuare taetae. B'a ngke a aki kona n rawei maiuia ake a rawa nakon Teuare taetae i aon te aba, ao ti bon aki kona n rawei maiura ngaira aikai ngkana ti tan nako mairoun Teuare taetae mai karawa!