Itaia 30:12 - Te B'aib'ara

¹² Ao ngkai aio ana kaeka Atuaia Iteraera ae e tabu: “Kam katinanikui au rongorongo, ao kam onimakini m'akuri n iowawa ao taiani kewe.

Itaia 30:12 ပူးပေါင်းရင်းမြစ်များ

Taian Areru 52:7

“Nora te aomata ae rawa n onimakina te Atua i bukini kamanoana, Ma e onimakin kaub'aina aika bati, Ao e iangoia b'a e na reke kab'aiana n arona ni bangaomata.”

Taian Areru 62:10

Tai onimakini ami m'akuri ni bai-tabare, Ao tai kaantaninga rekeni kab'aiami mani kurib'aiaia aomata iroumi. Ao ngkana a rikirake kaub'aimi, ao tai taku b'a e mena iai mwiokoni maiumi.

Taeka n Rabakau 24:2

Akea riki te b'ai ae a na iangoia ma n taekinna b'a ti te tiritiri ao te iowawa.

Itaia 26:21

E na otinako te UEA ao e na katuaaia aomata nako i aon te aonnaba i bukin aia bure. Ao ane a na ataaki ma ni katuaaeaki aomata aika a tia ni karaoi buure aika a korakora ngkana E waaki.

Itaia 28:15

Tao kam taku b'a kam karaoa ami boraraoi ma te mate ao aia aonnaba maate? E aera ngkai kam onimakin ami kewe b'a kamaiuami man te kabuanib'ai ao te ieka ae e korakora?

Itaia 3:14

E na bon motikitaekami naba ngkami taan tautaeka ao taani kairiiri i aoia ana botannaomata. Kam tiringa arokana taiani kureebe ao kam kaon ami auti nako ni b'aai aika kam kimoai mairouia aomata aika a maiu ni kainano.

Itaia 3:15

E taku te UEA ae Moan te M'aaka, “Kam a tia ni kamanatuaia au aomata mani kabaarekai mataia aomata aika a maiu ni kainano.”

Itaia 30:1

Aio ana rongorongo te UEA i bukiia ana Aomata aika a kamangao: Kam iri oin ami babaaire ao kam aki iri au babaaire; kam karaoi taiani boraraoi i marenami ma tautaeka tabeua ao kam titirakinai moa, ao kam teimatoa ni buubure.

Itaia 30:7

E aki konaa ni buokiko Aikubita! Ao bon anne bukina ae I arana te botannaomata anne b'a te manni kaakang ae akea ana i buobuoki.”

Itaia 47:10

Ko na karabako i akuun te buakaka kaanga te otanga ao ko na kaangai, Akea ae konaa n noorai!” Ko kananobabaaki n rabakaum ao am ataib'ai; ko iangoia i bon iroum b'a bon ti ngkoe ae ko tautaeka.

Itaia 5:24

Kam na urarake kaanga te b'ab'ati ni uteute! Kam a tia ni katinanikua ana reirei te UEA ae e tabu ae Atuan Iteraera ae Moan te M'aaka. Ngaia ae ngkai, a na mka wakaami, ao a na riki ni bubu nako ueemi.

Itaia 5:7

Bon te UEA Ngai ae Moan te M'aaka! Bon te nne n aroka ni kureebe Iteraera, ao te nne n aroka Iuta ae I tararuaia. I kaantaningaa te raoiroi ao te eti, ma I tii kunea te buakaka ma tangiran te nanoanga.

Itaia 59:13

Ti a tia ni kaaitarako ma n rawa n iriko. A iango n aonikai nanora, ngaia are ti b'anga ni kewe iai; ti babaairea aron kabuakakaia tem'aangina ao ti rairaki nako mai roum.

Itaia 59:4

Kam bukiniia tem'angina n te aro ni kewe ao kam taekina te kewe n te kabowi ni kaburebure; araia natimi boni buure ma kangaanga.

Itaia 7:9

Ma i mwiin ae e aki raka riki nakon onobwi ma nimaua te ririki, ao e na mauna Iteraera. Ao a na konaaki Aati ma ana mataniwi ngkana a aki onimakinai.

Itaia 8:6

A tia aomata aikai n aki butim'aea ranin Tiroa aika a raanga ni karaurau ao a tia ni kukurei ni kaaina ana itera te Uea are Retin ao te Uea are Bika.

Ieremia 13:25

N na bon aki bita nanou. Bon aio au taeka Ngai ae te UEA. Kam katinanikuai ao kam taromauriia anti ni kewe.

Amota 2:4

E taku te UEA, “A teimatoa ni kakaraoa te bure kain Iuta ao N na bon katuaaia i bukin aei. A tia ni katinanikua au reirei, man aki kawakin au mwioko. A manga okira aroia aia bakatibu n taromauria antiia.

Ruka 10:16

“Ane ongo i roumi, ao e ongo naba i Rou; ao ane e ribaingkami, ao e ribaai naba; ao ane ribaai, ao e ribaa naba Teuare E kanakomaiai.”

1.I-Tetaronike 4:8

Ma ngaia are te aomata ae rawa nakon te taeka n reirei aei, ao e aki rawa nakon te aomata, ma e rawa nakon te Atua, are anganingkami Tamneina are Raoiroi.