Itaia 30:10 - Te B'aib'ara

¹⁰ ao a tia n taetae ni kaangai nako ia ana tia uarongorongo nako ma ana burabeti nako: Kam na aki tuangiira te b'ai ae e a tia ni kaotia te Atua nakoimi ao kam na aki kab'arab'araa te koaua. Kam na ti taekina ae ti tangiria b'a ti na ongo, e aoria ngkana e kaairua.

Itaia 30:10 ပူးပေါင်းရင်းမြစ်များ

1.Uea 21:20

ao e taku Aaba, “Au kairiribai, I a reke raoi iroum ngkai.” Ao e taku Eria: Eng, ko a reke irou. Aaba, ko a tia ni kataia ni karaoi b'aai aika E aki kukurei te UEA iai.

1.Uea 22:27

Tuangiia b'a a na kainna n te karabuuti ao ana ti kam'arakea n te kariki ao te ran ni karokoa manga okiu ni buaka ma te maiu.”

2.Rongorongo 16:10

Ao ngke e ongo aei Ata, ao e rangi ni maraki nanona, ao e kaina Anani n te Karabuuti. Ao e bon karaoa naba ae e aki raoiroi nakoia ana aomata tabeman.

2.Rongorongo 25:16

Ma I m'aain banen ana taeka te burabeti, ao e a kamangaoa naba Amatia man taku, “Bon tiaki ngkoe ara tia iango temanna! Ko na aki manga taetae, b'a I kaawa n tiringko.” E toki ana taeka te burabeti. Ao e a manga taku, “Ko karaoa te bure, ao ngkai ko a manga aki kan ongo n au kauring, E bon rangi n teretere raoi b'a e nang katuaaeko te Atua!”

Iobi 41:3

E kona ni bubutiiko b'a ko na kainaomata? E kona n ononiiko b'a ko na nanoangaia?

Itaia 28:15

Tao kam taku b'a kam karaoa ami boraraoi ma te mate ao aia aonnaba maate? E aera ngkai kam onimakin ami kewe b'a kamaiuami man te kabuanib'ai ao te ieka ae e korakora?

Itaia 29:10

E a tia te UEA ni karaoingkami b'a kam na nimatutuu; ma ni karokoa te matu ae e korakora i aomi ao n rabun atuumi.

Itaia 5:20

Kam kakaaea te kangaanga! Kam taekina te bure b'a te eti, te roo b'a te oota, ao te maai b'a te karewerewe.

Ieremia 11:21

Ao i mwiina, e taku te UEA: Ieremia, a taku tabeman m'anen Anatota b'a a na tiringko, ngkana ko teimatoa n taetae i buku.

Ieremia 23:17

A m'ananga burabeti aikai nako ia aomata ake a rawa ni karineai aika a taningabono aika a bon karaoi b'aai ake a bon tangiri. A kaangai burabeti nako ia, E a tia ni berita te UEA b'a a na nako raoi b'aai nako.”

Ieremia 26:11

Ao ngke a tabe n ongora, ao a roko ibonga ma burabeti ao a taku, “Kam bon bane n ongo ana taetae ni burabeti Ieremia ngke e taku b'a e na uruaki Ierutarem. E bon riai tiringakina.”

Ieremia 29:27

E bakaaea te riki ni burabeti Ieremia are mai Anatota i aon Ierutarem, ao e aera ngkai ko aki katuaaea?

Ieremia 36:29

Ao i mwiina, e tuangai b'a N na taetae ni kaangai nakon te uea are Ieoiakim: Ko aki ti kabuoka ana niira ni boki Ieremia, ma iai naba iroum te kan ataia b'a e aera ngkai e koreaki b'a e na roko uean B'aburon ni buakana ma n urua te aba, tiringiia aomata ni kabane ao ai uana naba ma taiani man.

Ieremia 38:4

Ma ngaia are, a m'ananga ni kawara te uea naake aman akekei ao a taku, “E na riai ni tiringaki Ieremia b'a e kab'arai nanoia tautian te kaawa aei ma aomata ni kabane, e kataia ni kakiriwei nanoia aomata.”

Ieremia 5:31

A anga aia rongorongo taiani burabeti n aran te anti ni kewe. a aki tangiria au ibonga ni m'akuri i buku ma ngkami-Au aomata ni koaua kam tangira te kawai aei! Ma i nanon tain te kabuanib'ai anne, kam na rairaki nakon antai i bukin buokami?

Amota 2:12

Ma ko kamooia Natiraite n te wain, ao ko tuangiia burabeti b'a ana aki taekin au taeka.

Amota 7:13

Tai manga taetae ni burabeti i Betaera, b'a aio a na kaawa n taromauri te uea, are e mena iai te tembora.”

Mika 2:11

Aikai aekakin aomata ake a tangira te burabeti ae e b'anga ni kewe ma ni kam'am'ane, are e na kaangai nakoia, “I taetae ni burabeti b'a e na raanga nako i bukimi te wain ae e kangkang ma te wain ae te kamanging.”

Mika 2:6

A manga reireiai aomata ao a kaangai, “Tai kab'arab'ara nakoira. E na bon aki kab'ainrangiira te Atua.

Ioane 7:7

Akea bukin ae kam na ribaaki iai irouia aomata nako; ma iai bukin ribakiu i rouia, b'a I aki toki n tuangiia b'a a bubuaka aia m'akuri.

Ioane 8:45

Ma, i bukina ngkai I taekina te koaua, ao kam aki kakoauaai.

M'akuri 4:17

Ma ti na tuangiia ni kakamakuia, b'a a na aki manga taetae nakon temanna n te Ara aei, b'a e kaawa ni buta nako taekan te baei nakoia aomata.”

M'akuri 5:28

“Ti anganingkami ngkoa ara taeka ae matoatoa b'a kam na aki reirei n te ara ae Iesu. Ao noria! kam kaona Ierutarem n ami reirei, ao kam tangirira b'a ti na bukinaki ni matena.”

I-Rom 16:18

B'a a aki toro iroun ara UEA are Kristo aomata aika aroia akanne, ma a m'akuri i bukini birotoia. A bureburei nanoia aomata aika a kai rairaki aia iango n aia taeka aika kareke nano ao n aia taeka ni karang.

I-Karatia 4:16

I a riki ngkai b'a ami kairiribai ngkai I taekina te koaua nakoimi?

2.Timoteo 4:3

B'a ane e na roko te tai ae a na rawa aomata iai n ongo te reirei ni koaua, ao a na iri nanoia ni kaib'ab'aru, ma ni karekeia aia tia reirei ni kabatiaia aika a na tuangaki i rouia baika a ingainga nanoia iai ni kan ongora.

2.Timoteo 4:4

Ane a na katannakoi taningaia man te koaua, ao a na ongora ni karaki nikawai aika oteaki.

Te Kaotioti 11:7

Ao ngkana a tia n taekina aia rongorongo, ao te man are tiritiri are tabe n rierake mai Abuto e na buakaniia ao e na tokanikai i aoia, ao e na kamateia.

1.Tamuera 9:9

Ao e kaeka Tauro, “E nang tamaroa! Ti a nako n noora te aomata ae kakaoti nako ina te kaotioti!”