Itaia 3:8 - Te B'aib'ara

⁸ Ierutarem ma Iuta, kam kakaitaraa ami UEA ae e mimitong e boni kab'akai ngkami ami taeka ma ami m'akuri.

Itaia 3:8 ပူးပေါင်းရင်းမြစ်များ

2.Rongorongo 28:18

A reke irouia kaawa ake Beta-Temeti, Aiiaron, Keterota, Toko, Timna, ao Kimto, n reitaki ma kaawa aika a uarereke ake i rarikina nako. Ao i mwiina, a m'ananga tabeman kaain Biritia ni maeka n taabo aikai. E kanakoa ana rongorongo Aati nakon uean Aturia are Tikerata Biretera ni buubutiia buokana.

2.Rongorongo 33:11

Ma ngaia are, e kanakoa ana taanga ni buaka Aturia ni buakana Iuta ma n taua Manate. A kanim'a te matau i b'airina, ao a kabaea n taian taurekereke, ao a uotia nako B'aburon.

Taeka n Rabakau 26:27

Ko na manga boni b'aka i nanon te m'anono are ko kenna; Ngkana ko moan karabinoa te atiibu, ao e na manga rabino n okiriko.

Itaia 1:7

E a wene n uruaki abami; a mannang ami kaawa. E a anaaki abami man uruakaki irouia ianena ao Iruwa ngke kam boni matakuakiniia.

Itaia 49:19

E a maenikun ngkai Ierutarem! Bon akea te b'ai teuana ae e tiku n te kaawa. Ma e na manga moan karaoaki ao e na manga waekoa n onrake n te aomata; ao a na kairiribai aika a iowawaa a na bane n nako n taabo aika a raroa.

Itaia 57:4

Antai ae ko na b'ainikirinna? Antai ae ko na kakanikoa? An tarai moa am bure aika kateinibabako.

Itaia 59:3

A onrake ami taeka n taiani kewe ao ni iango n tiritiri; a buta tabonibaia ni kabane n te raraa.

Itaia 6:11

Ao i mwiina, I a titirakina te UEA ni kaangai, “A toki n ningai baikai?” Ao e kaeka te UEA: Ni karokoa a mauna nako aia kaawa nako ao a rereua aia auti, ni karokoa akea kanoan aia tawaana,

Itaia 9:17

E a un te UEA irouia ana Aomata ao e bon teimatoa naba ni katuuaia, i bukina ngke a tia ni kaaitaraa. A buakaka ao a taetae n nanobaba. Ao bon anne bukina are e aki nanoangaiia aia roronrikirake ke aia aine aika a tia ni mate buuia ao ataei aika akea aia karo.

Ieremia 23:36

E taraa n ae bon iai ami rongorongo n tatabemaningkami nako! Ma ngaia are, ngkana kam kaangai, “Aio te rongorongo mai roun te UEA,” kam a kab'aoua Au rongorongo nakon te kewe. Ururingnga b'a bon Atuam Ngai, te UEA ae Moan te M'aaka.

Ieremia 26:18

ngke e uea ngkoa te uea are Etekia i aon Iuta, ao e roko te burabeti are Mika man te kaawa are Moreteta ao e taku: “Bon aei Au taeka Ngai ae te UEA ae Moan te M'aaka, E na riai ni kamarauaki Ierutarem kaanga te tawaana, ma n tiku ni urubekebeke. E na onrake taiani maunga n taiani kai aika a kateketeke ike e tei iai ngkai te Tembora.

Ieremia 26:6

ao N na urua te Tembora, n arou naba ngke I urua te kaawa are Tiro. Ao i mwiina, ane a na kamanenaa aran “Ierutarem” b'a te taeka ni karereanti nako ia aomata ni kabane i aon te aonnaba.

Ieremia 4:13

Nooria! e kiba rikaaki kaanga te ikare ana taanga ni buaka te kairiribai; a rangi ni biri m'aaka riki aia taan toka i aoia aoti ao aia kaanibuaka nakon te nang ni buakan karawa ae e ukaki n te ang.” Ao ane ko na kaeka ni kaangai, “Ti a mate!”

Ieremia 44:3

i bukina ngke a kaunai kaain Iuta ngke a manga taromaurii anti aika a bon tuai man buokiia ma aia bakatibu.

B'aeb'aeti 1:9

Moan te oota raoi barekarekana, ma e aki tabe ma te b'ai are e riki nakoina. E rangi ni kaakaiaki b'akana; akea ae konaa ni buokia. E a tang nakon te Atua b'a E na buokiia ngke e a tokanikai ana kairiribai i aona.

Etekiera 8:12

E taku te Atua, Etekiera, ko na noori b'aai aika a kakamaaku aika a karabai ni karaoi taani kairiiri mai Iteraera? A kaona nanon te ruu n taiani bouannanti. Ao a taku b'a I aki konaa nooriia, i bukina b'a a taku b'a I a tia ni kiitana Iteraera.

Etekiera 9:9

Ao E kaeka te UEA ni kaangai, “A tia Iteraera ma Iuta ni karaoi b'aai aika a rangi ni kakamaaku. E a onrake abaia irouia taan tiriaomata, ao e a onrake Ierutarem n te tiritiri. A taku b'a I a tia ni kiitaniia, ao I aki konaa n noori b'aai ake a tia ni karaoi.”

Otea 5:5

Iteraera, e kakoauaa ami bure ami kainikatonga; e bon karekei waemi, ao a reke naba waen Iuta.

Otea 7:16

ao a rawa n ongotaeka irou, Akea riki bonganaia nakon te kanoanikatebe ae e b'aoua. A na mate aia tia kairiiri n te buaka i bukin taekinan b'aai aika a nanobaba. A na ngareakinaki irouia kaain Aikubita.

Mika 3:12

Ao i bukim, e na kamarauaki Tion kaanga te tawaana, ao e na riki Ierutarem b'a b'ariko ni b'ai aika a uruaki, ao tabukin te Tembora, e na riki b'a te buakonikai.

Mika 6:12

Am aomata aika a kaub'ai a babakanikawaia aika akea aia b'ai, ao bon taani kewe ngkami ni kabane.

Ab'akuka 1:13

Ko aki kona n taraa te bure ma te buakaka. Ma ngaia are, tai tekateka ni kabuingoingo ngkai a kamaunaia aomata aika a raraoi riki nakoia.

1.I-Korinto 10:22

Ke ti tangira ae E na un te UEA? Ti korakora riki nako Ina?

Iuta 1:15

b'a E na motiki taekaia aomata ni kabaneia, ni kabuakakaia ni kabaneia akana aki reitaki ni maiuia ma te Atua, i bukin aia m'akuri ni kabane aika akea karinean te Atua iai, ake a tia ni karaoi n aki reitaki ma ana kaantaninga te Atua, ao i bukin taeka ni kamaraki nano aika a bukinna iai taani bure aika aki reitaki ma te Atua ni maiuia!”