Itaia 3:25 - Te B'aib'ara

²⁵ A na tiringaki m'anen Ierutarem ake taani buaka n te buaka.

Itaia 3:25 ပူးပေါင်းရင်းမြစ်များ

2.Rongorongo 28:6

E buakana Iuta uean Turia ao e anai aomatana aika a bati mai iai nako Tamateko b'a taian taenikai. Rimwi riki, e kataenikaiia kaain Iuta uean Iteraera are Bika ma n tiringiia tebubua ao uabwi te ngaa mai buakoia ana tautia ake a ninikoria n teuana te bong.

2.Rongorongo 29:9

A aki ti tiringaki ara bakatibu n taian buaka, ma a bon uotaki nako naba ara ataei ma buura b'a taian taenikai.

Itaia 1:20

Ma ngkana kam katei nako iu, ao kam na tiringaki irouia ami kairiribai. Bon aei au taeka Ngai ae te UEA.

Itaia 65:12

Tokimi bon te mate kaakaiaki, i bukina b'a kam aki kaeka ngke I weteingkami, ao kam aki ongora naba ngke I taetae. Kam rineia b'a kam na bonotaninga nako iu ao ni karaoa naba ae buakaka.

Ieremia 11:22

Ma N na katuaaia. Ane a na mate aia rorobuaka n ataei n te buaka, ao ane a na mate ni baki natiia.

Ieremia 14:18

I noora rab'ataia aika a mate n te buaka i nanon taian tawaana. Ao I nooria aika a mate ni baki i nanon taiani kaawa, ma a bon waaki aia m'akuri taian burabeti ma ibonga, n aki ataa te b'ai ae e a tia n riki.”

Ieremia 15:8

A m'aiti riki aine aika a mate buuia i aon Iuta nakon tanon te bike. E na roko buakanakimi ae kamimii n te tawanou! Ao tiina i Ierutarem ana tang i bukiia natiia.

Ieremia 18:21

Ma ngkai I a butiko b'a Ko na kamateia natiia n te baki ke ni kamateia n te buaka. Kakeai buuia ma natiia mm'aane aine nako n te aoraki ao te tiritiri.

Ieremia 19:7

Bon iai ami babaaire aika a rangi ni korakora ngkami aika kaain Iuta ma Ierutarem, ma N na urui taian babaire akanne i nanon te m'arua aei. N na karaoia ami kairiribai b'a a na tiringkami, ao N na tuangiia taiani mannikiba ao maan aika a aki manana b'a a na kang rab'atami ngkana a mate.

Ieremia 21:9

A tia kaain B'aburon ni katobibia Ierutarem, ma ngaia are, ngkana kam kani maiu ao kam na otinako nako ia n taenikai irouia. Ma ngkana kam tangiria ni mate n te baki, ke te aoraki, ke te buaka, ao kam na tiku ikai i nanon te kaawa.

B'aeb'aeti 2:21

A kaai ni mate i nukan te kaawa ataei ma ikawai, A mate rorobuaka ma ateiaine n aia kabaang kairiribai. Ko tiringiia n akea riki nanoangaakiia n am bong n un.

Amota 9:10

A na bane ni mate taani bure aikai i buakoia Au aomata n te buaka, ma ai moaraara riki aomata ake a kaangai, ‘E na bon aki karokoa te kamamate te Atua i rarikira.’ ”