Itaia 3:24 - Te B'aib'ara

²⁴ A na oneaki mwiin taiani boiarara n taiani boiraa; a na oneaki mwiin taian roo n nuuka, n taian roobu; a na oneaki mwiin taian irannatu aika a biraki n taiani mara n atu. A na oneaki mwiin kunnikai aika a boobuaka ni kunnikai aika a raeraeaki; A na oneaki mwiin te botanaine, n taiani m'akam'aka aika a buakaka i aon rab'ataia.

Itaia 3:24 ပူးပေါင်းရင်းမြစ်များ

Etita 2:12

E nakon teuana te ririki aroni katamaroaan te aine, onoua nam'akainan kabirakina n te b'a are te muura, ao te b'a are te baretam. Ao i mwiin anne, ao a manga uotaki aine nakon te uea are Keatiti, temanna i mwiin temanna.

Iobi 16:15

I a kunnikaiai n te kunnikai te baeki, ao I tekateka ni konaaki i aontano.

Taeka n Rabakau 31:24

E karaoi kunnikai ake a na kabooaki nako iroun are iai ana tabo ni kabob'ai.

Taeka n Rabakau 7:17

Ao I a tia ni kaboiararai ni boiarara aika a karaoaki man te muura te aroe, ao te tineman.

Itaia 15:2

A bane n tia ni waerake nakon te Tembora, ao te baangota kaain Ribon ni kabane, n tang ma ni katuu ranin mataia. A na bane n tang kaain Moaaba. A na bane ni koreaki taiani ira ma taiani buai i bukin te b'ai are e riki i Nebo ao Meteb'a.

Itaia 15:3

A bane aomata i nanon te kaawa ma taiani mwenga ni kunnikaia aomata ni kunnikai aika a mangaingai ao a tang n takaarua i nanon te tai ae e maan.

Itaia 22:12

Ngke a koro bukin b'aai aikai ni kabane, ao e tuangingkami te UEA ae Moan te M'aaka b'a kam na katu ranin matami ma n tang, ma ni koro marai atuumi, ao n kunnikain kunnikai aika a mangaingai.

Itaia 3:23

b'araia, ao aia b'auti ni m'ane.

Itaia 4:4

i mwiin kanakoan te ai ni motikitaeka iroun te UEA ni kaitiaka te kaawa ae e buubura ma aomata man aia m'akuri aika a buakaka.

Itaia 57:9

Kam kabira baimi ni b'aan te oriwa ao aekaki ni boiarara nako ngkana kam taromauria te anti are Moreka. Ao kam kakaea naba buokami man tamneia aika a tia ni mate.

Ieremia 4:8

Ao i mwiina, I taku nako ia Iteraera, “Karin i aomi kunnikai aika mangaingai! B'aeb'aeti ao taang ni kaangai, E bon teimatoa naba n un te UEA iroura.’ ”

Ieremia 48:37

A bane n tia ni koromaraia ma ni korobuai. A a bane n tia ni korokoroi aon baiia, ao a bane ni kunnikaiia ni kunnikai n aki akaaka.

Ieremia 49:3

Kam na tang kaain Etibon: E na riki ami kaawa b'a b'ariko n atiibu aika a maerikiriki. Ane kam na rairaki n aki akaaka, ma a na bonotaki kawaimi. Karin kunnikai n aki akaaka i aomi ao taang, ngkami aika kaain Rab'a, i bukina b'a a na anaaki bouananti ake kam taromauri nako abaia ianena, n reitaki ma ibongana ao mataniwiin ana Tembora.

Ieremia 6:26

ao a buaka n aki anga te katauraoi. Ma ngaia are, kam na tang ngkami aika au aomata, n ai aron ae e a tia ni mate natimi. Karin kunnikai aika a karaoaki n taian kunnikai aika a mangaingai ao kam na rabinobino nako nanon te b'ariko ni mannang.”

B'aeb'aeti 2:10

A tekateka unim'aanen Ierutarem n aki kakarongoa i aon te tano, a tauni atuia n te tano ao a kunnikainiia ni kunnikai aika a mangaingai. A kabaraaki atuia ataeinaine nako aontano.

Etekiera 27:31

a koromaraia ao a kunnikainiia n te kunnikai ae e mangaingai ngke a tabe n tang ni korakai.

Etekiera 7:18

Kam na kunnikainingkami ni kunnikai aika a mangaingai i bukin kaotan nanokawakimi, ma ane e na taoningkami te maaku. E na koreaki taekan te kamaamaaeaki i aon matami, ao ane kam na korobuataui atuumi ma te korakai.

Ioera 1:8

Kam na nanokawaki kaanga te ateiaine ae e tang i bukin buuna ae e a tib'a mare ma ngaia.

Nakoaia Ibonga 26:16

N na katuuaingkami korakora, ao kam na uruaki. Kam na aoraki n te aoraki ae e aki kona ni katokaki, ao te biiua ae e na karika te matakii ma te rawaawata. A na kang uaan arokami ami kairiribai,

Amota 8:10

N na onika ami bootaki nakon bootaki ni mate, ao N na oniki naba ami anene ni kukurei nakon taian tanginiwenei. Ao ane kam na kamarai atuumi ao kam na kunnikaini kunnikai aika a raeraeaki, ao kam na katotongiia utu aika a tanginiweneia natiia te m'aane ae te rikitemanna. E na bon rangi ni maai te bong arei mai moana ni karokoa tokina.

Mika 1:16

A nang uotaki nako am ataei aika ko tangiriia ngkoe ae Iuta, b'a taenikai nakon aaba ianena. Ma ngaia are, ko na korea iran atuum ni kamaraa b'a kaotan rawawatam.

Te Tua-Kaua 28:22

Kam na oreaki n kabuebue ao te tibutau i aon rab'atami, ao te maraki ni karokoa matemi n te tabo teuana n te aba are kam taua.

Te Tua-Kaua 32:24

Kam na oreaki n te baki ao taian aoraki ae kamaamate, ao n aia boitin maan aika kawakawa aika aki manana ao aia boitin taian naeta.

1.Betero 3:3

Ao katamaroaami ae riai, tiaki katamaroaan tinanikumi ae biran iran atuumi, ao karinani b'aai aika koora, ke kunnikai ake kam kunnikaingkami iai aika bobuaka;

Te Kaotioti 11:3

Ao N na karekea aia tai au tia kakoaua ake uoman b'a a na taetae ni burabeti, ao a na taetae ni burabeti i nanon tengaa ao uabubua ma onongaun te bong, ao a na kunnikaiia n te kunnikai ae mangaingai.”

Te Kaotioti 16:9

Ao a bue aomata n te riringa ae korakora; ao a taetaebuaka aran te Atua, ae tauu aroni b'aai ni kamamate akekei; ao a aki rairi nanoia, n anganna te neboaki.

Te Kaotioti 18:9

Ao uean aonnaba ake a wene ni bure ma ngaia ma ni buokanib'ai ma ngaia ni maiuna ni kaub'ai, a na tang ma n tanginiwenei i bukina, ngkana a nora bubuni buena.