Itaia 3:15 - Te B'aib'ara

¹⁵ E taku te UEA ae Moan te M'aaka, “Kam a tia ni kamanatuaia au aomata mani kabaarekai mataia aomata aika a maiu ni kainano.”

Itaia 3:15 ပူးပေါင်းရင်းမြစ်များ

Taian Areru 94:5

Te UEA, a b'ainikiriniia am Botannaomata; a karawawataia am Aomata.

Te Otinako 5:14

Ao a kataereaki mataniwiia tooro irouia taiani b'aoti ao a taku, “E aera ngkai kam aki kairoroia tooro b'a a na karaoi buriki aika a m'aiti ngkoananoa ao n te bong aei n aron are a bon kaakaraoia mai m'aaina?”

Taeka n Rabakau 30:14

ao tabeman a rangi n nano n rang ao a kab'autiia aomata aika a maiu ni kainano ao aika akea mwengaia.

Itaia 10:2

are kam na karaoa iai ae e aki raoiroi nakoia aomata aika a maiu ni kainano aika a tangira buokaia ao aine aika a tia ni mate buuia ao ataei aika akea aia karo.

Itaia 14:30

A nang reke aia uteute i bukin kanaia aia tiibu aomata aika a maiu ni kainano aika a tangira buokaia ao a na maeka ma te rau. Ma N na kabakiia tabem'aang mai buakomi, ao a na tiringaki tabem'aang.

Itaia 26:6

Ao ngkai a kabuakaka ma n aiwaa i nanon te kaawa arei aomata aika a buakaka.”

Itaia 29:19

Ane a na bootaki ni kukurei ma n takaarua aomata aika a maiu ni kainano ma aika a tangira buokaia i bukin te UEA ae Atuaia Iteraera ae E tabu.

Itaia 30:12

Ao ngkai aio ana kaeka Atuaia Iteraera ae e tabu: “Kam katinanikui au rongorongo, ao kam onimakini m'akuri n iowawa ao taiani kewe.

Itaia 32:6

A taetaekin taeka aika a nanobaba aomata aika a nanobaba. A aki toki ni kaakaraoi babaaire ao ni m'akuri b'aai aika a bure, ma ni karaoa aia kewe i bukin te UEA, ma ni kariaia b'a a na mate ni baki aika a akea kanaia, ma n aki anga te mooi nako ia akana a mate n taka.

Itaia 5:7

Bon te UEA Ngai ae Moan te M'aaka! Bon te nne n aroka ni kureebe Iteraera, ao te nne n aroka Iuta ae I tararuaia. I kaantaningaa te raoiroi ao te eti, ma I tii kunea te buakaka ma tangiran te nanoanga.

Itaia 58:4

Ao e bon maraki naba nanom ao ko tauraoi nakon te un. Ti na bon aki mimi ngkai e aki ongo te Atua ara tataro nako!

Itaia 63:8

E kamaiuia ana Aomata te UEA, ao e taku, “Bon Au b'ai. A aki konaa ni kam'aneai.”

Etekiera 18:2

Etekiera, I ongo b'anaaia aomata b'a a kamanenaa te taeka nikawai ae e kaangai, “Te kureebe ae e maai ae e kanaki irouia kaaro e katuka te maai i nanon wiia natiia.

Iona 1:6

Ao e noria te kaaben ao e taku nakoina, “E aera ngkai ko karauko ni matu? Teirake, ao tataro nakon Atuam b'a E na buokiira, b'a tao E na nanoangaira ni kamaiura.”