Itaia 3:11 - Te B'aib'ara

¹¹ Tuangiia aomata ake a aki ongotaeka iroun te Atua ni kaangai, “Kam a reke n te kaangaanga ae moan te buubura E na manga riki nakoimi te b'ai are kam a tia ni karaoia nakoia tabem'aang.”

Itaia 3:11 ပူးပေါင်းရင်းမြစ်များ

Karikani B'aai 18:25

Ko na bon bae n aki kona n tiringiia aomata aika akea aia bure ma aomata aika taani bure. E bon aki kona ni karaoaki anne. Ko aki kona ni karaoa anne. Ngkana Ko karaoa anne, ao ane a na mauna nako naba iai aomata aika akea aia bure i rarikiia taani bure. E bon aki kona ni karaoaki anne. E na bon karaoaki te motikitaeka ae eti n te aonnaba aei ni kabane.”

2.Tamuera 3:39

Bon te uea ngai ae I rineaki, ma bon iai riki m'aakaia Ioaba ma Abitiai nakon ae I karaoia. Ma ngaia are, E na bon kabooa mwiin te m'akuri ae e buakaka te Atua ae a karaoia.”

1.Uea 21:21

Ma ngaia ae, ko na katuaaeaki. A na bane n tiringaki ataei ni m'aane ni kabane akana n am utu, b'a tao te toro ke te inaomata.

2.Rongorongo 6:23

Ko na ongora mai karawa ao baaireia b'a antai ae e eti. Ao i mwiina, katuaaea te aomata are e reke n te bure ao kainaomata te aomata are bon akea ana bure.

Iobi 10:15

Ni bon te tai naba are I bure iai, ao e a bon reke naba te kangaanga i marenau ma Ngkoe. Ma ngkana I karaoa ae e raoiroi, ao I aki kubaraki. I taonaki n te nanokawaki, ao I rootaki n te mamaa.

Taian Areru 28:4

Ko na karawawataia i bukini baike a tia ni karaoi, i bukin m'akuri ake a buakaka. Katuaeaia i bukin aia m'akuri ni kabane: anganiia booni mwin aia m'akuri ae a tia ni karaoia

Taian Areru 62:12

ao e teimatoa au tangira. Boni Ngkoe, te Uea, ae Ko angania aomata n tatabemaniia nako booni mwin aia m'akuri.

Taeka n Rabakau 1:31

“Ngkai kam nang boni kana uaan te b'ai ae kam a tia ni karaoia ni karokoa te tai are kam a onrake n te b'ai ae kam a tia ni baaireia.

Taeka n Rabakau 11:31

Ngkana a anganaki kaniwangaia aomata aika a raoiroi i aon te aonnaba aei, ao a na bon katuaaeaki aomata ni kabane aika a iowawa man teinibaba.

Taeka n Rabakau 12:14

Ti bon anganaki kaniwangara ke ti katuaaeaki ni b'aai ake ti taekin mani karaoi.

Taeka n Rabakau 26:27

Ko na manga boni b'aka i nanon te m'anono are ko kenna; Ngkana ko moan karabinoa te atiibu, ao e na manga rabino n okiriko.

Te Minita 8:13

ma bon akea ae e bure man tannako mairoun te Atua ae e na teetekeraoi ke n anaanau maiuna.

Itaia 13:11

N na katuaaea te aonnaba ae e buakaka aei ma aomatana i bukin aia bure nako. N na kamanatuaia taani kainikatonga aika a kakamaaku aika a iowawa.

Itaia 48:22

Ma e a tia te UEA ni berita b'a bon akea temanna ae e buakaka ae na maeka ma te rau.”

Itaia 65:20

Akea ae e na mate i nanon uarerekena, ao aomata ni kabane a na ab'ab'aki maiuia. Akana tebubua aia ririki a na atongaki b'a merimeri. Ngkana iai aika a mate i m'ain karaiia a na atongaki b'a I katuaaia.

Itaia 65:6

I a tia ni korea te baei; N na aki kainab'aabu. N na kaokia nakoia n aron are a bon riai n anganaki i bukin aia bure.

Itaia 65:7

Bon Ngai ae te UEA ae N na karaoia b'a a na kabooa mwiina i bukin aia bure nako ao i bukiia aia bakatibu a tia ni kab'ainrangai ngke a kabuoki taian b'aini kaboiarara i aon taiani maunga.

Ieremia 21:14

ao N na katuaaeko n aron ae ko riai n anganaki. N na kauraa am bareti ao a na bane n urarake b'aai nako akana i rarikim.

Ieremia 31:30

N te bong arei, a na bane aika a kana te kureebe ae e mao n namakina maona, ao akana a bure a na motikaki taekaia nakon te mate.

Etekiera 16:59

Ierutarem, ko bon riai ni katuaaeaki, b'a ko urua am berita ao ko kaaki taekan ara boraraoi.

Etekiera 18:20

Bon ti aika a bure aika a na tiringaki. A na aki karawaawataaki naati i bukin aia bure aia karo, ao kaaro a na aki karawawataaki i bukin aia bure natiia. A na bon riai n anganaki kaniwangaia aomata aika a raoiroi i bukin te b'ai are e a karaoia, ao aomata aika a buakaka a na katuaaeaki i bukin te b'ai are a karaoia.

Etekiera 2:10

E kauka te niira ni boki te bai arei, ao e kanoaki iterana ake uoua n taekan te kananokawaki, te tang ao te rawaawata.

Etekiera 24:14

E na bon roko te tai anne! Ao ngkana e roko, N na bon aki manga nanoangaiia kaain Ierutarem ke ni bita nanou. A na riai ni katuaaeaki i bukin te buakaka are a tia ni karaoia. Bon aei au taeka Ngai ae te UEA ae te Atua.

Etekiera 33:8

Ngkana I tuangiia aomata aika a buakaka b'a a na mate i bukin aia bure, ao ngkoe ko na kauringiia b'a a na rairaki nako man aia m'akuri aika a bure. Ma ngkana ko rawa ni kauringiia, ao ko na bukintaeka ni mateia.

Mika 3:4

E na roko te tai are kam na tang iai nakon te UEA, ao E na aki kaekai ngkami, E na aki kan ongo ami tataro, i bukina b'a kam a tia ni karaoa ae e buakaka.

Mika 7:13

Ma e na riki n rereua te aonnaba i bukin aia m'akuri aika a buakaka ake a maeka iai.

Warekaia Iteraera 32:23

Ma ngkana kam aki kakoroa bukin ami berita, ao kam na bure iai nakon te UEA, ao kam na katuaaeaki.

2.I-Korinto 5:10

B'a ti na boni bane ni kateaki i matan ana kaintoka ni motikitaeka Kristo, b'a e aonga n anganaki temanna ma temanna booni mwin ana m'akuri ni kabane ake e a tia ni karaoi n rab'atana, aika baika raraoi ke a bubuaka.

Iakobo 2:13

B'a ane aki nanoangaea te aba, ao e na motikaki taekana n aki nanoangaki; ma e totokanikai te nanoanga n te motiki-taeka.

Tani Motiki-taeka 9:57

Ao E katuaaia naba kaain Tekem i bukina ngke a boutokaa Abimereka. A bane ni koro bukin ana taeka ni kamaraia Iotam.