Itaia 3:10 - Te B'aib'ara

¹⁰ Tuangiia aomata aika a ongotaeka iroun te Atua ni kaangai, “Kam rangi n tekeraoi kam na anganaki kaniwangami i bukin te b'ai ae kam a tia ni karaoia.”

Itaia 3:10 ပူးပေါင်းရင်းမြစ်များ

Karikani B'aai 18:25

Ko na bon bae n aki kona n tiringiia aomata aika akea aia bure ma aomata aika taani bure. E bon aki kona ni karaoaki anne. Ko aki kona ni karaoa anne. Ngkana Ko karaoa anne, ao ane a na mauna nako naba iai aomata aika akea aia bure i rarikiia taani bure. E bon aki kona ni karaoaki anne. E na bon karaoaki te motikitaeka ae eti n te aonnaba aei ni kabane.”

Taian Areru 58:11

Ane a na kaangai iai aomata, “Iai booni mwin aia m'akuri aomata akana raoiroi ae e na reke i rouia; bon iai te Atua ae te tia motika taekan aon te aba.”

Te Otinako 1:20

Ao E kakab'aiaia taani kabung akekei te Atua i bukina ngke bon aomata ngaiia aika mamaaka te Atua,

Taeka n Rabakau 10:6

A bane aomata n neboia aomata aika a raoiroi, ma a karabaia aika a buakaka i akuun aia taeka aomata aika a buakaka.

Taeka n Rabakau 12:14

Ti bon anganaki kaniwangara ke ti katuaaeaki ni b'aai ake ti taekin mani karaoi.

Taeka n Rabakau 13:21

Kam ukoukora te kangaanga ngkana kam bure, ma kam na anganaki kaniwangami ngkana kam maiuakina te raoiroi.

Taeka n Rabakau 18:21

E konaa ni karekea te mate ke te maiu taian taeka! Kaub'arantiko, ao ane kam na manga kang am taeka ni kabane ake kam atong.

Te Minita 8:12

A karaoi buure aika tebubua m'aitiia, ao a maiu ni karokoa karaia, ao a aki reke n te taeka n rabakau are e kaangai: A na teetekeraoi aomata nako aika a maiuakina te raoiroi ao a karinea te Atua,

Itaia 54:17

A na aki nakoraoi taiani b'ainibuaka akana a karaoaki i bukin buakanakimi; ao a na aki konaa ni kamarakingkami taian taeka akana a ekinakoingkami. Bon am b'ai au tia m'akuri are Ierutarem! I berita Ngai ae te UEA b'a N na kakab'aiako n te tokanikai.

Ieremia 15:11

Ao E kaeka UEA ni kaangai, “I berita b'a N na kaawakiniko, ngkana e roko te kabuanib'ai, ao nako ia naba ami kairiribai ngkana a buubuti buokaia.”

Ieremia 21:14

ao N na katuaaeko n aron ae ko riai n anganaki. N na kauraa am bareti ao a na bane n urarake b'aai nako akana i rarikim.

Ieremia 22:15

Ngkana ko kabatiaa te kai te tiira n am bareti e bon aki konaa ni karikiko naba b'a te uea ae e raoiroi riki nakon tamam are Iotia. E kakaraoa te raoiroi n taai nako e anga te motikitaeka ae eti nakon te aomata ae e kainano ao te aomata ngaia ae e raoiroi.

Ieremia 7:23

Ma I ti kaangai nako ia, “Ngkana kam ongo i Rou ma ni karaoi b'aai aika I tuangngkami, ao N na riki b'a Atuami, ao ngkami kam na riki b'a Au aomata, ao a na akea ami kangaanga.”

Etekiera 18:20

Bon ti aika a bure aika a na tiringaki. A na aki karawaawataaki naati i bukin aia bure aia karo, ao kaaro a na aki karawawataaki i bukin aia bure natiia. A na bon riai n anganaki kaniwangaia aomata aika a raoiroi i bukin te b'ai are e a karaoia, ao aomata aika a buakaka a na katuaaeaki i bukin te b'ai are a karaoia.

Etekiera 9:4

“Nakonako i nuukan te kaawa ae Ierutarem ao kanikinaai ram'aia aomata ni kabane aika a b'ara nanoia raoi ao a nanokawaki ni b'ai aika a rangi n ribaaki aika a tia ni karaoaki.”

Mika 7:13

Ma e na riki n rereua te aonnaba i bukin aia m'akuri aika a buakaka ake a maeka iai.

Teb'ania 2:3

Okira te UEA ni kabane ngkami aika kain te aba aika kam nanorinano, ngkami aika kam kawakin Ana tua. Karaoa ae e riai ao nanorinano i matan te UEA, Antai ae e ataia ao e na reke nanoangami iroun te UEA.

Maraki 3:18

Ao ane a na manga noora te kaokoro aomata nako i marenaia aomata aika a ongotaeka irou ni karaoa ae e raoiroi ma aomata aika a katinanikuai ni karaoi b'aai aika a buakaka.

Ruka 19:19

Ao ngaia e taku nako ina, “Ao ngkoe naba ko na mataniwi i aon nimaua te kawa.”

Te Tua-Kaua 12:25

Kam tangiria b'a E na katetekeraoingkami te UEA? Kam tangiria b'a a na tetekeraoi naba ami ataei ngkana kam a bua? Ma ngaia are, kam na karaoi b'aai aika E na kukurei iai te UEA, ao tai kana te raraa.

Ebera 6:10

B'a E aki ribuaka te Atua ni m'anuoki taekan ami m'akuri ake kam karaoi i bukina, ma ami tangira are kam kaotia i bukina, ngke kam a tia n anga ami buobuoki, ao ae kam bon teimatoa naba iai i bukiia ake a itiaki.