Itaia 29:20 - Te B'aib'ara

²⁰ A na bane aika a iowawa ma aika a kainikatonga n nako n aki manga oki. Ao a na mauna nako aika maiuakina te bure,

Itaia 29:20 ပူးပေါင်းရင်းမြစ်များ

Taian Areru 10:18

Ko na ongo tangiia ni kani buokaki akana kananoanga ma akana akea aia karo; ao Ko na nanoangaiia n am Babaaire nako, b'a e aonga n toki aia m'akuri taani bangaomata.

Taeka n Rabakau 21:24

Ngkana kam kainikatonga ao kam kamoamoa, ao ane a na atongko aomata ni kaangai, “Te kakan rietaata!”

Itaia 13:11

N na katuaaea te aonnaba ae e buakaka aei ma aomatana i bukin aia bure nako. N na kamanatuaia taani kainikatonga aika a kakamaaku aika a iowawa.

Itaia 13:3

E a tia n tuangiia ana tautia aika a bane aroia ao ana Aomata aika a kakannato b'a a na kaota aron unna.

Itaia 29:5

Ao i mwiina, e na karina ni uotaki nako am kairiribai ae moan te tiritiri n ai aron baareka i nanon te angibuaka.

Itaia 49:25

Ma E a tia te UEA ni berita b'a E na tei man ara itera ao E na kamaiuia ara ataei mai rouia ara kairiribai aika a korakora ma n tiritiri aikai.

Itaia 51:13

I taakina nako taiani karawa ao I kawenea aan te aonnaba. Ma kam a tia ni m'aninga taekau, Ngai ae ami UEA ao te Tia Karikib'ai. Kam katoabong ni maakuia koraki aika a un nanoia ma n taku b'a a na kabuakakako. Ma a mena ia ngkai?

Itaia 59:4

Kam bukiniia tem'angina n te aro ni kewe ao kam taekina te kewe n te kabowi ni kaburebure; araia natimi boni buure ma kangaanga.

Taniera 7:7

Ao ngke I tabe ni mataku, ao e kaoti te kaaman ni man. E korakora ao e kakamaaku. E kangkanta kanana ni wiina aika taian biti, ao i mwiina e a manga toubekaia. E kaokoro ma maan ake tabeman b'a iai tebwina korona.

Mika 2:1

Ai rekera kaiia aomata ake a aki matuuakin aia iango aika a buakaka, ma ni iangoi waekoan koron bukiia nakon te ingabong. Ni bon te tai are e reke iai aia tai, ao a karaoa naba te buakaka are e a iangoia.

Mika 2:3

Ma ngaia ae e taku te UEA, “I a tia ni baaireia b'a N na karokoa te kanganga ae ab'ab'aki i aom, are ko na bon aki birinako mai iai. Ko na riai n ataia b'a e riki aei nakoim i bukin am kainikatonga. E na reke kaim, ao ane e na akea riki kakatongam.

Ruka 16:14

A ongo baikekei ni kabane B'aritaio ake a baki m'ane, ao a kakanikoa Iesu.

Ruka 23:11

Ao Erote ma ana tautia, a kaota te aro n aki karinerine nako Ina, ao a kakanikoa; ao ngkanne a katokaa i aona te kunnikai ae tamaroa, ao a manga kaokia nakoni Birato.

Ruka 23:35

Ao a tei aomata ni mataku; ao aia mataniwi I-Iutaia a kakanikoa Iesu, ao a kangai, “E Kamaiuia aomata, ao ke E kamaiua i bon i Rouna, ngkana ana Kristo te Atua, ae rineaki i Rouna!”

Ruka 6:7

A taratara Iesu taani koroboki ma B'aritaio, b'a tao E na karaoa te m'akuri ni kamaiu n te Taabati ke E na aki, b'a a kani karekea kabuakakana.

Te Kaotioti 12:10

Ao I ongo te b'anaa ae korakora i karawa, b'a e kaangai, “E a roko ngkai ana kamaiu Atuara, ma m'aakana ma ueana, ma m'aakan ana Kristo: b'a e a tia n teweaki nako te tia bukiniia tarira, ni kabuakakaia i matan Atuara ni ngaina ao ni bong.