Itaia 29:18 - Te B'aib'ara

¹⁸ Ane a na konaa n ongo taningabono te b'ai ae e warekaki nakoia; ao ane a na kainaomataaki matakii ma n te maiu i nanon te rotongitong.

Itaia 29:18 ပူးပေါင်းရင်းမြစ်များ

Taian Areru 119:18

Kaure matau, b'a I aonga n taratarai koaua aika kamimii akana i nanon am Tua.

Taeka n Rabakau 20:12

Te kakauongo ao te noraaba bon ana b'ai n tangira te UEA.

Itaia 29:24

Ane a na ataia aomata ni kabane akana a mangaongao aia iango, ao ane a na ongotaeka n Au reirei akana a tia ni ngurengure.”

Itaia 32:3

Ao ane a na bane aomata aika iai mataia ni kaurei ma n taratara, ao a na kakauongo raoi aomata akana iai taningaia.

Itaia 35:5

Ane a na nooraki aika matakii, ao a na kamaiuaki aika a bonotaninga.

Itaia 42:19

Bon akea ae e matakii riki ke e bonotaninga riki nakon ana tia uarongorongo, are ana tia m'akuri are e rineaki,

Itaia 42:7

Kam na anga te noraaba nakoia aika a matakii; kam na kainaomataia buure man taian karabuuti aika a roo.

Itaia 43:8

Ikotiia au aomata. Bon iai mataia ao taningaia, ma a aki konaa n ongo ke n noraaba.

Taniera 12:4

Ao e taku nako iu, “Ao ngkai Taniera, ko na kaina te boki, ao kanikinaea b'a e na aki kaukaki ni karokoa tokin aonnaba. Ane a na m'aiti aomata aika a na kabanea aia tai ni kan atai b'aai aika a na riki.”

Mataio 11:5

a noraba mataki, a nakonako m'auku, a kamaiuaki rebera, a uki taningaia taningabono, a manga maiu maate, ao a ongo taekan te euangkerio aomata ake a aki kaub'ai.

Mataio 16:17

Ao E kaekaa Iesu ni kangai, “Ko a kab'aia, Timon ae natin Iona! B'a tiaki te aomata ae kaota aei nako im, ma E kaotia Tamau are i karawa.

Mareko 7:37

Ao aomata ake a ongo, a rangi ni mimi. A taku, “A nako raoi b'aai ni kabane ake E karaoi: b'a E karaoia aika a bono taningaia b'a a na ongo, ao aika a bae neweia b'a a na taetae.”

Ruka 4:18

“E mena Tamnein te Uea i aou, i bukina b'a e a tia n rineai b'a N na tataekina te rongorongo ae raoiroi nakoia akana aki kaub'ai. E kanakoai b'a N na tuangiia ake a riki b'a taenikai kainaomataia, ao ake a mataki b'a a na manga noraba, ao ni kainaomataaki ni kabane ake a karawawataki iai,

Ruka 7:22

Ao E taku Iesu nako ia, “Naako tuanga Ioane baika kam a tia n nori ao n ongo: a noraaba mataki, a nakonako m'auku, a kamaiuaki reebera, a uki taningaia taningabono, a manga uti maate, ao a ongo taekan te euangkerio aomata ake aki kaub'ai.

Ioane 6:45

E koreaki irouia burabeti ae kaangai, ‘A na bane aomata nako n reireiaki iroun te Atua. E riki b'a au reirei te aomata ane ongo ma n reirei iroun te Tama.

Ioane 9:7

ao E taku nakoina, “Ko na nako n teboki matam n te nei are Tiroam.” (Nanon te taeka aei, “Kanakoa”.) Ma ngaia are, e nako n teboki matana, ao e oki n noraba.

M'akuri 26:18

b'a ko na kaure mataia, b'a a na rairaki man te roo nakon te oota, ao mani m'aakan Tatan nakon te Atua, b'a e aonga n reke i rouia kab'aran aia bure ao neia i buakoia aomata ake a kaitiakaki n onimakinau.

I-Ebeto 5:14

b'a b'aai ni kabane aika kaotaki a riki b'a te oota. Ao aei bukin are atongaki ni kaangai: “Ko na uti, ngkoe ae ko matu, ao teirake mai buakoia maate, ao e na kaotako Kristo.”

Te Tua-Kaua 29:4

Ao e bon tuangkami naba ni kaangai, I kairingkami i nanon 40 te ririki i nanon te rereua, ao a na aki uruaki ami kunnikai ao ami kauniwae, ao I anganingkami naba kanami ae raka. I karaoi baikai b'a kam aonga n ataia b'a bon Atuami Ngai. Kam ti kona n atai nanon baika kam a tia n noori ao baika kam a tia n ongo ngkana E bitii nanomi te UEA.

1.Betero 2:9

Ma ngkami bon te botannaomata ae kam rineaki, ae ana ibonga te Uea, ae te botannaomata ae itiaki i matan te Atua, ae ana aomata te Atua, ae rineaki b'a e na kaotioti ana m'akuri aika kamimii Teuare weteingkami man te roo nakon ana oota ae kamimii.

Te Kaotioti 3:18

Ma ngaia ae aio au taeka n reirei nako im: ko na kabooa te koora ae irou, ae te koora ae aki rengarengan, b'a ko aonga ni kaub'ai. Ko na kabooi kunnikai aika mainaina b'a ko aonga ni kunnikaiko, ao b'a e aonga n aki noraki arom n aki karabaniko ae kamamaa; ao ko na kabooa naba b'aini kabiran te mata ni kabiri matam iai, b'a ko aonga n noraba.