Itaia 28:7 - Te B'aib'ara

⁷ A bebe waeia ibonga ma burabeti b'a a koro ni manging. A rangi ni mangaongao aia iango n te aro are a aki konaa ni butim'aea ana rongorongo te Atua ke n anga babaaire aika a raoiroi.

Itaia 28:7 ပူးပေါင်းရင်းမြစ်များ

Taian Areru 107:27

A rangaranga ao a bebebebe n ai aron te aomata ae manging, Ao ai akea te bae a kona ni karaoia.

Taeka n Rabakau 20:1

Bon te aki wanawana te koro ni manging! E kananobabako te mooi manging ao e kairiko nakon te un.

Taeka n Rabakau 23:30

Bon aomata ni kabane akana kakab'akanako tai, n taua riki teuana te m'angko ni manging.

Te Minita 10:17

Ma e na teetekeraoi te botannaomata ngkana e nanonim'aane ana tia tautaeka, ao a aki kabanei aia tai ana taani kairiiri ni kabatia te bobotaki ni kukurei.

Itaia 19:14

E a tia te UEA ni kamangaongaoa Aikubita; a tia taani kairiiri ni karaai waena ao ni kamumutaa kaanga te koro ni manging.

Itaia 22:13

Ma kam aki b'a kam karaoi ami bootaki n am'arake ma ni kang iriko ni kao ao iriko n tiibu ao kam mooi wain, i bukina ngke kam kaangai, “Ti a am'arake ma ni mooi! b'a ae ti na mate nakon te ingabong.”

Itaia 24:2

n reitaki ma ake bon aomata ao taiani ibonga, tooro ao tooro ake aia taani m'akuri taani b'aib'ai, taani kaboob'ai ao taani kabonako b'aai, taani kairiiri ao taan tangob'ai, kaub'ai ao ake a maiu ni kainano.

Itaia 24:20

E na bebebebe ma ni ioioaki kaanga te koro ni manging. ke te um'a ae e uarereke n tain te angibuaka. E na taonaki rikaaki n te bure; e na b'aka te aonnaba, ao e na aki manga teirake.

Itaia 28:1

E a reke n te kaangaanga te kaawa ae e buubura are Taamaria are e mena ietan te M'arua are e maiu aona! a koro ni manging ana taani kairiiri, ake a kaonia n tain am'arake ma taiani wain. Ma ane a na katotoongi taiani uee aika a na b'ata ma n rai.

Itaia 29:11

Ti te bo ana rongorongo ma te reta nakoimi ae e kanikinaeaki.

Itaia 3:12

E ngae ngke a na aomata te Atua ngkami, ma kam tautaekanaki ma ni kabuakakaaki irouia aine ma ataei. kam kamangaoaki irouia taani kairiiri aika a kairingkami rikaaki n te kawai ae e kaairua.

Itaia 43:27

A kakaitaraai ami moani bakatibu ma ami taani kairiiri

Itaia 5:11

Kam a reke n te kaangaanga! Kam utim'aaka n te kaarangaina ni mooi, ao kam toki ni b'akanakon te tai n te tairiki.

Itaia 5:22

Kam kaangaanga n te mooi ma renganan taiani mooi. Ma kam a reke n te kaangaanga.

Itaia 5:23

Kam kanakoa te tia bure ni kainaomata i bukin butim'aean te m'akuri ni kamaraato, ao kam aki karaoa ae e eti ni kabowian te aomata ae akea ana bure.

Ieremia 14:14

Ao E kaeka te UEA ni kaangai: A taku b'a a taetae i buku, ma a kewe! I bon aki taetae naba nako ia teutana, ao I bon aki rineia b'a au burabeti. A taetae ma ni miia aika akea manenaia, ao taeka ni kaiwa aika akea manenaia, ao oin aia iango.

Ieremia 23:13

A rangi n ribaaki irou burabetin Tamaria, i bukina ngkai a kab'arab'ara n aran B'aara ao a kairiia nako aomata.

Ieremia 23:16

Kam na aki ongo nakon aia kewe burabeti ni kewe aikai, ngkami aika kaain Iuta! Te rongorongo ae a tataekinna bon ti aia iango; e bon aki nako mairou, Ngai ae te UEA ae Moan te M'aaka.

B'aeb'aeti 2:4

E kainetiira n Ana kanoanikatebe n ai aron te kairiribai; E tiringiia aika a bati n tangiraki iroura. Ti bati n namakina uran unna i aon Ierutarem.

Etekiera 13:7

A taku b'a a kab'arab'ara au rongorongo, ma a onrake n taiani kewe-I bon aki taetae nakoia!

Etekiera 44:21

A na aki riai n nima te wain i m'aain nakoia nakon te katawanang are mai nanoaa.

Otea 7:5

A koro ni manging ana mataniwi n te bong are e katokaaki iai ana baunuea aia uea, ao e a manga ira burababaia.

Mika 2:11

Aikai aekakin aomata ake a tangira te burabeti ae e b'anga ni kewe ma ni kam'am'ane, are e na kaangai nakoia, “I taetae ni burabeti b'a e na raanga nako i bukimi te wain ae e kangkang ma te wain ae te kamanging.”

Ab'akuka 2:15

Ko na b'aka. Ko a tia ni kamamaaia, ao ni kakeaia kaain rarikim, ao ni karaoia b'a ana tatatata ni koro ni manging.

Ab'akuka 2:16

E na manga okiriko te mamaa n onea mwin te karineaki. Ko na mooi man tatatata. E na kamoiko te UEA ni bon oin m'angkon oream, ao karineam e na onikaki nakon te b'ainrang.

Mataio 24:29

I mwin naba te rawawata ni boong akanne, ao e na karooaki ootan taai, ao a na akea ootana; ao nam'akaina e na aki oota, ao ane a na b'aka itoi mai karawa, ao m'aaka ake a mena i karawa a na bitaki man aroaroia.

Ruka 21:34

Ma kam na kawakiningkami b'a a na aki kamamaraaki nanomi n taekan ti te kan am'am'arake ma te mamanging ma iango n raraoma i bukini b'ain te maiu aei, b'a e kawa ni karina rokon te bong arei n te tai are kam aki kaantaningaia iai ni kam'aneingkami,

I-Ebeto 5:28

E riai naba b'a a na tangiriia buia mm'aane n ai aroia n tangiri oin rab'ataia. Ane tangira buna ao e tangira oin rab'atana.