Itaia 28:6 - Te B'aib'ara

⁶ E na nooria b'a e na tautaeka te eti ao a na konaa ni kaawakina aia kaawa ae e buubura ana Aomata.

Itaia 28:6 ပူးပေါင်းရင်းမြစ်များ

1.Uea 3:28

Ao a bane ni mimi Iteraera n aron Toromon ni motikitaeka. Ao a uringa are E a tia te Atua n anganna te wanawana ni motikitaeka n ae eti raoi.

2.Rongorongo 32:6

ao e rineia taian mataniwi n taanga ni buaka i bukin taian taanga ni buaka nako. Ao i mwiina, e bootia taian taanga ni buaka n te tabo ae e uki i matan te mataroa ao e taku nakoia:

2.Rongorongo 32:8

b'a e buaka n ara itera te UEA ae Atuara. A ti onimakina korakoran te aomata kaain Aturia. Ao a kakorakoraaki ana taanga ni buaka Iuta n taeka aikai.

Taian Areru 46:1

Boni nera ni katantan ao korakorara te Atua. E kaan n taai nako ni buokira n tain te kangaanga.

Taian Areru 46:11

Bon raora te Atua ae Moan te M'aaka, Bon otangara Atuan Iakob'a.

Taeka n Rabakau 20:8

A katinei taiani kakoaua, taan tautaeka aika a karaoa aia motikitaeka.

Itaia 25:4

Ko a tia n riki b'a te tabo ni kamanomano i bukiia aika a maiu ni kainano ma n tangira buokaia i nanon tain te kaangaanga. A buakaniira ara kairiribai kaanga rokon te karau ae e korakora ke kaanga riringan taai n te tawanou, ma ko bon riki b'a katanara.

Itaia 33:5

Boni Ngkoe te UEA, i aoia atua ni kabane, ao ko maeka n taian karawa. Ao ko a tia ni karokoa te eti ao te eti nako Ierutarem;

Itaia 4:4

i mwiin kanakoan te ai ni motikitaeka iroun te UEA ni kaitiaka te kaawa ae e buubura ma aomata man aia m'akuri aika a buakaka.

Tekaria 12:5

Ao ane a na ataia te baronga are Iuta ae bon Atuaia Ngai ae te UEA ae Moan te M'aaka, ao boni Ngai oin korakoraia.

Ioane 3:34

B'a Teuare E kanakoa te Atua ao boni Ngaia ae E taekin ana taeka te Atua, i bukina b'a E anganaki te Tamnei iroun te Atua n aki tiatianaki.

Ioane 5:30

Akea te b'ai ae I kona ni karaoia n aron te m'aaka ae iai irou. I motiki-taeka n ai aron tuangau iroun Tamau, ao e eti au motiki-taeka i bukina b'a I aki ukoukora are oin nanou, ma I ukoukora nanon Tamau are kanakomaiai.

1.I-Korinto 12:8

B'a e anganaki temanna ana m'akuri iroun te Tamnei are Raoiroi b'a te tia taekina te rabakau, ao temanna b'a te tia taekina te atatai, iroun naba te Tamnei are Raoiroi aei.

Te Tua-Kaua 20:4

E na buaka te UEA ae Atuami i rarikimi, ao E na buokingkami ni katokanikaingkami n te buaka.

Iotua 1:9

Uringa are I a tia n tuangko, b'a ko na korakora ma n ninikoria! Tai maaku, ao tai b'arannano, b'a N na raoraoniko n taai nako ao n taabo nako ike ko nako iai, Ngai ae te UEA ae Atuam.”