Itaia 28:3 - Te B'aib'ara

³ A bane taani manging i Eberaim ni kakatonga iroun Taamaria, ma ane a na kamanatuaaki.

Itaia 28:3 ပူးပေါင်းရင်းမြစ်များ

2.Uea 9:33

ao e takaarua Ieu nakoia ni kaangai, “Karenakoa te aine anne man te winto.” A karenakoa, ao e tebera te o raraana, ao e teberiia naba aoti ake a toubekaa rab'atana.

Itaia 25:10

E na kaawakina te maunga aei bain te UEA ae e m'aaka. Ane a na kab'akaaki kaain Moaaba ma ni booketaketa kaanga taian b'ab'ati ni uteute i nanon te m'arua i bukin nakotariia maan.

Itaia 26:6

Ao ngkai a kabuakaka ma n aiwaa i nanon te kaawa arei aomata aika a buakaka.”

Itaia 28:1

E a reke n te kaangaanga te kaawa ae e buubura are Taamaria are e mena ietan te M'arua are e maiu aona! a koro ni manging ana taani kairiiri, ake a kaonia n tain am'arake ma taiani wain. Ma ane a na katotoongi taiani uee aika a na b'ata ma n rai.

Itaia 28:18

Ane e na uruaki ami boraraoi ma te mate ao aia aonnaba maate. Ao i mwiina, ane e na rabuningkami naao aika a ngare ma ni b'aro.

Itaia 5:11

Kam a reke n te kaangaanga! Kam utim'aaka n te kaarangaina ni mooi, ao kam toki ni b'akanakon te tai n te tairiki.

Itaia 63:3

“Bon ti Ngai ae I toutoui taiani kureebe! Bon akea riki botannaomata aika a i buobuoki. I toutouia botannaomata nako i bukin marakin nanou ao e kiri uraura au kunnikai n raraaia.

Itaia 9:9

ao a bon bane n ataia, n reitaki ma aomata ni kabane n te kaawa n tautaeka are Tamaria. Ma a kainikatonga ao a taningabono ao a taku,

B'aeb'aeti 1:15

E ngareakiniia ni kabane au tautia aika a korakora te UEA; E kanakoa te taanga ni buaka b'a a na tiringiia au rorobuaka. E kamanatuaia au aomata n ai aron te kureebe n te tabo n toutou kureebe.

Taniera 8:13

Ao I ongo ana taeka te anera temanna ngke e titirakina raona are temanna, “A na maanra waakin b'aai aika a oti n te kaotioti aei? E na maanra ana tai te bure are e kakamaaku n onea mwiin te angakarea are e katoabong? A na maanra aia tai te taanga ni buaka mai karawa, ao te Tembora n toutouaki?”

Ebera 10:29

Tera ngkanne aron te aomata ae toutoua Natin te Atua i aani waena, ma n atoatonga te raraa are b'ain te boraraoi are kaitiakaki iai man te bure b'a te b'ai ae aki itiaki, ma ni kamatauningaa te Tamnei n akoi? Iangoia ngkanne b'a m'aitira riki te karawawataki are e na b'akaria b'a mwini motikan taekana!

Te Kaotioti 11:2

Ao ko na katuka te ru are i tinanikun te tabo are tabu n te Tembora n aki baireia, i bukina b'a e katukaki i bukiia botannaomata ake a na toutoubeka aon te kaawa are tabu abwi ma uoua te nam'akaina.