Itaia 28:28 - Te B'aib'ara

²⁸ A oreaki taiani uita ma taiani b'aare, ma a aki oreaki ni karokoa maenikunna; a kamanatuaaki n taiani kaanib'ai aika a katikaki irouia maan ma a aki rangi ni kamantaki ni kab'autaki.

Itaia 28:28 ပူးပေါင်းရင်းမြစ်များ

Itaia 21:10

Ao i mwiina, I a kaangai, “Au aomata, kam a tia n rangi n rawaawata, ma iai au rongorongo nakoimi mai roun te UEA ae Moan te M'aaka, ae Atuan Iteraera.”

Itaia 28:27

Ao ngke a tia n taiiaki taiani kumino aika a roro ma ake a aki roro ao a oreaki ni kanakoaki mani kaiia, ma a aki kamanatuaaki n taiani kaa ni b'ai aika a katikaki irouia maan.

Itaia 28:29

E roko te ataib'ai aei mai roun te UEA ae Moan te M'aaka are iai rabakauna ae moan te korakora.

Ieremia 10:24

Ko na kaeta arou, n aron ae e bon riai ni karaoaki nako iu, ma ko na aki marakinnanoai, b'a I kaawa ni mate.

Amota 9:9

“N na anga Au taeka, ao N na ioia aomatan Iteraera n ai aron te uita ae e ioaki n te b'ai n i uita. N na ioia n raumeaia ni kanakoia aika a buakaka.

Warekaia Iteraera 7:3

a uoti b'aintangira nakon te UEA. A uoti onowaa te kaa are katikitikaki irouia maan, ao tengaun ma uoman taiani kao-temanna te kao i aon temanna te tia kairiri, ao tewaana te kaa are katikitikaki i rouia maan i aoia uoman taani kairiri.

Mataio 3:12

E mena i nanoni baina te b'ai ni m'akuri are E na kaitiaka iai maangen te uita man te tabo are ororeaki iai te uita b'a e aonga n raure nako ma kaina. E na boti uaa n uita i nanon ana titoa ni b'ai, ao E na kabuoki maangen uita n te ai are aki mamate.”

Ioane 12:24

Bon te koaua ni koaua ae I a tuangngkami b'a ngkana e aki b'aka uaan te uita i buakon te tano ni mate iai, ao e na tiku n ti ngaia; ma ngkana e b'aka ao e mate iai, ao ane na kariki uaana aika bati.

1.I-Korinto 3:9

Aboro ao ngai, bon raao ni m'akuri i bukin te Atua; ao ngkami ana o n aroka te Atua. Ao ana auti naba ni maeka ngkoe.