Itaia 28:21 - Te B'aib'ara

²¹ E na buakaniia te UEA n ae e rangi ni matoatoa n aron are e karaoia n te Maunga are Beratim ao n te M'arua are Kibeon. Ma n te tai aio te UEA E na karaoa te b'ai ae e kakubanako, ae kam aki kaantaningaia.

Itaia 28:21 ပူးပေါင်းရင်းမြစ်များ

2.Tamuera 5:20

Ao e buakaniia kaain Biritia Tawita ao e konaiia. Ao e taku, I taratara te UEA ngke e urua aia taanga ni buaka kairiribai kaanga te ieka ae e korakora.” Ma ngaia are, e arana te tabo arei b'a “E uruaniia te UEA”

2.Tamuera 5:25

Ao e ongotaeka Tawita iroun te UEA ao e konaiia kaain Biritia. E a bon kakionakoia ni karokoa a roko i Keeb'a are te kawai n rin nako Ketera.

1.Rongorongo 14:11

Ao a m'ananga Tawita ma ana taanga ni buaka nako B'aara-Beratim, ike a buakaniia iai kaain Biritia. Ao e taku, “I konaiia au kairiribai i bukina b'a e uruia te Atua n ai aron te ieka ae e korakora.” Ma ngaia are, e arana te tabo arei b'a “E uruia te UEA.”

1.Rongorongo 14:16

Ao e ongotaeka Tawita iroun te Atua ao e konaiia kaain Biritia. E bon kakionako ia naba i nanon te kawai are mai Kibeon nakon te mataroa n rin nako Ketera.

Taian Areru 94:16

Antai ae e tei i buku ni kaitaraia akana buakaka? Antai ae buokai ni kaitaraia taani karaoa ae buakaka?

Itaia 10:12

E na karaoa te b'ai are e a tia ni baaireia te UEA nakon Ierutarem ao te Maunga are Tion. Ao i mwiina, e na katuaaia uean Turia aika kainikatonga mani kamoamoa,

Itaia 28:19

E na uotingkami nako te kaarangaina, te tawanou, ao te tairiki b'a te ieka ae e makuakua. E na anganingkami te reirei aei b'aai aika a riki aika a kakamaaku:

Itaia 29:14

Ma ngaia are, N na manga karaoi b'aai ake a katiaokiia ma ni kamimiia, ao N na kamaunai wanawanaia akana a taku b'a a rabakau ma n ataib'ai.”

Itaia 29:23

Ane a na neboai ma ni karineai, ngkana a noora korakoran aia botannaomata n aron ae I a tia ni karaoia, Ngai ae Atuaia Iteraera ae E tabu.

Itaia 64:2

Riiki b'a te kia are e kauraa te ai are e na kaburoa te ran. Ao i mwiina, ane a na ataiko iai am kairiribai b'a te aeka n aomata raa ngkoe; ane a na bane n ruru aomata nako i bukina b'a ko raroa nako.

Itaia 65:7

Bon Ngai ae te UEA ae N na karaoia b'a a na kabooa mwiina i bukin aia bure nako ao i bukiia aia bakatibu a tia ni kab'ainrangai ngke a kabuoki taian b'aini kaboiarara i aon taiani maunga.

Ieremia 30:14

A bane ni m'aninga taekami raraomi; a aki manga tabe ma ngkami. I a tia ni buakaningkami kaanga te kairiribai; ao e rangi ni kamaraki katuaaeami i bukina ngkai a m'aiti ami bure ao a rangi ni korakora buakakami.

B'aeb'aeti 2:15

A na kaenaenako aomata ake a rirarikin te kaawa. A na katoutou atuia ma ni kakanikoa Ierutarem ni kaangai; “E a iranna te kaawa ngkoa ae te kabanea n raoiroi ma ni kakukurei n te aonnaba?”

B'aeb'aeti 3:33

B'a bon tiaki Ana kaantaninga te kan karawawataira ao ni kamarakiira.

Etekiera 33:21

Tebwi ma uoua te ririki i mwiin anaakin te Uea are Ieoiakin ma nikiraia ara koraki b'a taenikai nako B'aburon, ao e roko irou temanna ae e biri nako mai Ierutarem n nimaua bongin te katebwina n nam'akaina. E kaongoai b'a e a tia ni b'aka te kaawa.

Ab'akuka 1:5

Ao E taku te UEA nakoia Aomata, “Tarataraia botannaomata akana i rarikimi, ao kam na mimi ni baika kam noori. N nang karaoa te b'ai teuana ae kam na bon aki kakoaua ngkana kam ongo taekana.

Iotua 10:10

E kabuai aia iango taian Amoraite te UEA, ao a roko aia taanga ni buaka Iteraera n tiringiia man te angaatai ke te angamaing. Ao a kakioia nako aia taanga ni buaka taian Amoraite nakon te kawai are i Beta-oron man tiringiia ni karokoa a roko ni kaawa ake i Ateka, ao Maketa.

Iotua 10:11

Ngke a tabe ni birirake n te kawai are i Beta-oron tautian Amoraite, ngke a birinako mai i rouia aomatan Iteraera, ao e kab'aka te karau te atiibu aika a korakora te UEA i aoia ni karokoa rokoia i Ateka. A m'aiti taian Amoraite ake a mate n taian atiibu ake a b'aka nakoia ake a mate n aia kabaang aomatan Iteraera.

Iotua 10:12

Ao e buokiia aomatan Iteraera te UEA n te bong arei b'a aonga n tokanikai i aoia taian Amoraite. Ao ngke e a tia n tataro Iotua nakon te UEA ao e taetae ni kanenea b'anaana i mataia Iteraera ni kaangai, “Taai ko na tei n aki kakam'akuri i aon Kibeon, ao ngkoe ae nam'akaina, ko na tei naba n aki kakam'akuri i aon te m'arua are Aiiaron.”