Itaia 28:2 - Te B'aib'ara

² Bon ti te UEA ae e korakora ma ni m'aaka! E na oroia ni kab'akaia ni baina ae e korakora n angibuakan te karau te atiibu ke te ukeuke n anti ke te ieka ae e korakora.

Itaia 28:2 ပူးပေါင်းရင်းမြစ်များ

Iobi 22:16

A uotaki nako n te ieka e ngae ngke a tuai n roko aia tai.

Itaia 25:4

Ko a tia n riki b'a te tabo ni kamanomano i bukiia aika a maiu ni kainano ma n tangira buokaia i nanon tain te kaangaanga. A buakaniira ara kairiribai kaanga rokon te karau ae e korakora ke kaanga riringan taai n te tawanou, ma ko bon riki b'a katanara.

Itaia 27:1

Ao n te bong arei, ao Rib'aietan, ane e na nim'atoaua ma ni birinako manin taari ae e kakamaaku, ma e na tiringnga te UEA n te kabaang ae e kakamaaku, ae e kakang.

Itaia 29:6

N na roko ni kamaiuko ma m'aiei ao te baa ma te ukeukenanti Ngai ae te UEA ae Moan te M'aaka.

Itaia 30:28

E katinakoa ikeikena b'a te ieka are e iabuti rake nakon te roroa. E raumeaia botannaomata ao e kamaunaiia. Ao e kaaki taian bwe ni kairiiri i nanoni wiia ianena ni kabane ao e kairiia nakon te kabuanib'ai.

Itaia 30:30

E na rangi ni un te UEA. E na ongo te aba b'anaana ae e kakamaaku, ao e na nooraki baina ae e tauraoi n oro, ao e na riki unna b'a kaanga te ai ae e urub'ai, ae e irianaki ma rebwen taiani baa ao taiani karau atiibu.

Itaia 32:19

e ngae ngkana e tiribooi taian buakonikai ma kaawa aika a buubura n taian karau atiibu.

Itaia 40:10

Nooria! E a roko te UEA ae te Atua ae e rangi ni M'aaka b'a E na tautaeka ma baina ae e korakora. Uotana te b'ai ake e a tia n uotia nakon te buaka, ao E anganiia ana Aomata kaniwangaia.

Itaia 8:6

A tia aomata aikai n aki butim'aea ranin Tiroa aika a raanga ni karaurau ao a tia ni kukurei ni kaaina ana itera te Uea are Retin ao te Uea are Bika.

Etekiera 13:11

Ma ngkana I kanakoa buakan karawa, te karau te atiibu, ao te ang ae e korakora, ao e na bon b'aka te oo anne.

Etekiera 38:9

Ma ko na buakaniia ma am taanga ni buaka kaanga buakanikarawa ma ni katobibia kaanga te nang.

Taniera 9:26

Ao n tokin te tai ane onobwi ma uoua te ririki, e na tiringaki ana tia kairiiri te Atua n te aro ae e aki eti. E na kamaunaaki te Tembora ma kaawa iroun ana taanga ni buaka te tia tautaeka ae e korakora. E na roko te toki n ai aron te ieka, ma uotana are te buaka ma te urub'ai are e a tia ni katauraoia te Atua.

Naum 1:8

E kamaunaia ana kairiribai n ai aron rokon te ieka. E kamateia ake a kakaitaraa.

Iotua 10:11

Ngke a tabe ni birirake n te kawai are i Beta-oron tautian Amoraite, ngke a birinako mai i rouia aomatan Iteraera, ao e kab'aka te karau te atiibu aika a korakora te UEA i aoia ni karokoa rokoia i Ateka. A m'aiti taian Amoraite ake a mate n taian atiibu ake a b'aka nakoia ake a mate n aia kabaang aomatan Iteraera.

Te Kaotioti 18:8

Ma ngaia ae a na roko baika kamamate i rouna n te bong ae ti te bongina, ae te aoraki ae kamamate, ma te nanokawaki ae bati, ma te rongo; ao e na kabuokaki ni kabaneaki n te ai; b'a E m'aaka te Uea ae te Atua ae motika taekana.

Te Kaotioti 8:7

Ngke e katanga ana bu te moa n anera, ao te karau ae matoatoa ae te aiti, ma te ai, aika renganaki n te raraa, a teweaki nako aon te aba; ao e kabuokaki kateni-m'akoron aonnaba, ao a kabuokaki kateni-m'akoroni m'aitini kaai, ao e bane ni kabuokaki te uteute ae mawaawa.