Itaia 28:19 - Te B'aib'ara

¹⁹ E na uotingkami nako te kaarangaina, te tawanou, ao te tairiki b'a te ieka ae e makuakua. E na anganingkami te reirei aei b'aai aika a riki aika a kakamaaku:

Itaia 28:19 ပူးပေါင်းရင်းမြစ်များ

2.Uea 17:6

i m'aain are e a reke i rouna n ana karuaiwa n ririki ni uea Otea. E uotiia nako Iteraera uean Aturia b'a buure. E kairoroia tabeman mai buakoia b'a a na maeka n te kaawa are Ara, ao tabeman b'a a na maeka i rarikin Karaangan Abora n te aba are Kotan, ao ake tabeman b'a a na maeka ni kaawa ake a maeka naba iai kaain Miria.

2.Uea 18:13

N ana katebwi ma aua n ririki n tautaeka Etekia, ao e roko Tennakeriba are uean Aturia ni buakana te aba, ao e taui kaawa ni kabane ake a buubura ake a nonoaki, ma ti Ierutarem ae e aki reke.

2.Uea 21:12

Ma ngaia ae ngkai, N nang kamaunaa Ierutarem ma Iuta Ngaia ae te UEA ae Atuan Iteraera. A na ongo rongorongona aomata ao a na aki kakoaua.

2.Uea 24:2

N te tai anne, ao E a kanakoia tautia te UEA b'a a na iraea ma ni kamaunaa kaawan nako Iuta. Tabeman mai buakon te taanga ni buaka aei bon mai B'aburon, ao tabeman mai Turia, ma Moaaba, ao Ammon. E a tia te UEA ni kanakoa ana toro are te burabeti ni kauringa Iuta i bukin aei,

Iobi 18:11

E otab'aniniaki ni b'aai aika kakamaaku, a iririia n taabo nako ike e nako iai.

Iobi 24:17

A mamaaka ootan te ngaina, ao bon akea maakakin te rotongitong i rouia.

Iobi 41:9

Ngkana ia ane e noora te rib'aietan, ao e na koenako ninikoriana, ao e na b'aka i aon te tano.

Iobi 6:4

E a tia te Atua ni katebeai n taian kainikatebe, ao e buta i nanon rab'atau boitinna. E katauraoa buakanakiu te Atua.

Taian Areru 55:4

E tata ruberubeni burou, E taonai korakoran angini maakan te mate.

Taian Areru 88:15

I titiku ma te rawaawata ae e kaan ae N na mate iai ma ngke te teei ngai; I taonaki n rawawatani baika kamaamate aika nako mairoum, ao I a aki konai moaia.

Itaia 33:7

Kakauongo! Taani buaka aika kam ninikoria aika kam biribiri i nanon kawain nuukan te kaawa, aika kam takaarua i bukin buokami. E kaantaninga te rau ara taani uarongorongo, ma a okiri aia auti ma te tang.

Itaia 36:22

Ma ngaia are, a raeuai aia kunnikai ni kaota nanokawakiia ao a taekin b'aai ni kabane nakon Etekia ake e taekin te mataniwi ni buaka.

Itaia 37:3

Itaia, bon taai aika a matoatoa ma ni bubuaka taai aikai. Ti te bo ara botannaomata ma te aine ae akea korakorana ni bungiia natina, ngke e a bon roko ana tai ni bungiia natina.

Itaia 50:4

E anganai te UEA ae te Atua taeka ni koaua i bukin kaungaan nanoia aika a mamaara. E katoa ingaabong ni kautai ao I tangiria n kamateb'aia ana reirei;

Ieremia 19:3

Bon te UEA Ngai ae Moan te M'aaka, ae Atuan Iteraera, ao kam riai ni kakauongo raoi ngkami aika uean Iuta ma kaain Ierutarem. N na karokoa te kangaanga ae moan te korakora i aon te m'arua aei n te aro are a na tiaoki akana a ongo taekana.

Ieremia 4:5

“Katang taiani bu au aomata. Kauringiia kaain Iuta, Biri n rawei maiumi!

Ieremia 4:9

E taku te UEA, “Ngkana a riki baikai ni kabane ao ane a na tiaoki ma ni maaku taiani uea ma taiani mataniwi ao burabeti ao ibonga.”

Ieremia 6:24

Ao a taku aomata, “Ngkana ti ongo taekaia ao ti a ruru naba ni maaku, ao ti minomino ni maraki kaanga te aine ae e bungiia natina.”

B'aeb'aeti 2:22

Ko kaoiia kairiribai nakon te bootaki, ao a taua aron te bootaki ma n karikia b'a te tai ae kakamaaku., Ao bon akea ae konaa ni birinako man bongin unim. A tiringiia natiu, aika i tangiriia b'a i bon kaikawaia.

Taniera 7:28

Ao aei tokin rongorongoni b'aai ake a riki. Ao I rangi ni maaku n te aro are I a mainarake, ao I aki kona ni m'aninga baikekei.

Taniera 8:27

Ao I wene ni mamaara ma n aoraki i nanon tabeua te bong. Ao i mwiina I teirake, ao I a manga moana au m'akuri are e anganai te uea, ma e minotaki au iango n te kaotioti arei ao e aki reke nanona.

Ab'akuka 3:16

I bane n ongo baikai ao I riki n ruru iai; a ruru matanriau ni maaku. E keerikaaki korakoran rab'atau ma n rurubenebene waeu. N na tataninga ma te rau, n taningaa rokon te tai are E na oroia iai te Atua koraki akea a buakanira.

1.Tamuera 3:11

Ao E taku te UEA: Tamuera, N nang karaoa te m'akuri teuana i aon i Iteraera ae a na bane n tiaoki iai aomata ngkana a ongo taekana!