Itaia 28:16 - Te B'aib'ara

¹⁶ Ma ngaia are, E taku te UEA, “I kawenea te aana ae matoatoa i bukin te kaawa are Tion. E kakoauaaki b'a e onimakinaki raoi atiibun te koona ae e kakaawaki; akea temanna ae e onimakinna e na manga b'ara nanona.

Itaia 28:16 ပူးပေါင်းရင်းမြစ်များ

Karikani B'aai 49:10

E na taua te oko ni uea Iuta i nanon baina, Ao a na teimatoa n tautaeka kanoana. A na anga te m'ane botannaomata nako ina Ma ni bobaraaki, ao n ongotaeka i rouna.

Karikani B'aai 49:24

Ma e bon tiku n ariraki ana kainikatebe ma ana kanoanikatebe. Ao a kakorakoraaki angan baina Ni m'aakan te Atua ae Moan te M'aaka, ae Atuan Iakob'a, Ae te Tia kawakin tiibu, ae te Tia kawakina Iteraera.

2.Rongorongo 20:20

N te moan ingabong are i mwiina, ngke a katauraoi aomata nako b'a a na nakon te rereua are i rarikin Tekoa, ao e teirake Ieotiab'ata ao e taku, “Kam na ongora raoraou nako, ngkana ti kakoauaa te UEA ae te Atua ma n onimakinna ni b'aai ni kabane aika a taekin taian burabeti aikai nakoira, ao E na buokira te UEA, ao ti na bon tokanikai.”

Taian Areru 118:22

Te atibu are a kakeaa bonganana taani kateitei, e a riki b'a te kabanea ni kakawaki.

Taian Areru 87:1

E katea ana kaawa te UEA i aon te maunga are tabu;

Itaia 14:32

Ngkana e roko te tia uarongorongo man te botannaomata ae e raroa, ao ko na kaangai nakoina: “E karaoa Tion te UEA. Ao e na reke naba ikekei te rau iroun te aomata ae e rangi ni kainano.”

Itaia 30:18

E tataninga te UEA ae te Atua ni kaota m'aitin ana akoi ao n nanoangaingkami. E aki toki te UEA ni kaakaraoa ae e raoiroi; e kakab'aiaia akana a onimakinna.

Itaia 54:11

Ierutarem, ko nanokawaki, ma n toutourake n te buaka. Ma e na manga katea am kaawa te UEA n taian atiibu aika a tamaroa; b'a aam N na kamanenai taian tabeiro aika a buru.

Taniera 2:45

Ao ko noora naba te atiibu are e buubura are e b'aka i bon i rouna man te b'aa are e rietaata ni b'akara te bouananti are e karaoaki man te biti ma te buraonti, ma te tano, ma te tirewa, ao te koora. E tuangko ma te koaua te b'ai are ko miia, b'a te Atua are e korakora, E a tuangko iai te uea ae ko karineaki baika a na kaoti nakoni boong aika a na roko.”

Tekaria 10:4

A na nako taani kairiiri man te nanai aei aika a korakora n ai aron atiibun te koona ao biinin te autinrianna ao b'aini buaka.

Tekaria 3:9

Iotua, I a tia ni kaaki i matam te atiibu ae itiua iterana. N na korei b'aai tabeua i aon te atiibu anne, N na kab'araa ana bure te kaawa ae e on te bure aei n te bong ae ti teuana.

Mataio 21:42

E taku Iesu nako ia, Kam tuai ni wareka are n te B'aib'ara are kangai: Te atibu are kakeaki bongana irouia taani kateitei, E a riki b'a bouan te maninganinga; Aei ana m'akuri te Uea, ao e kamimii i matara!

Mareko 12:10

Kam tuai ni wareka te taeka are n te B'aib'ara are kangai: ‘Te atibu are a ribaia taani kateitei b'a akea bonganana, e a riki b'a te atibu ae moan te kakawaki i buakon atibu nako.

I-Rom 10:11

B'a e kaangai te B'aib'ara, “Ane onimakinna ao e na aki kamaamaeaki.”

I-Rom 9:33

n ai aron are koreaki ni kaangai: “Noria, I kawenea i Tion te atibu ae a na reke waeia iai aomata, ao a na b'aka; ao ane onimakinna ao e na aki kamaamaeaki.”

1.I-Korinto 3:11

B'a akea riki aana ae e kona ni kawenea temanna i rarikin are e a tia ni kaweneaki, are Iesu Kristo.

I-Ebeto 2:20

Kam kateaki i aon taiani boua ake taan tuatua ma burabeti; ao Kristo Iesu boni Ngaia te atibu are bouan te maninganinga are moan te kakannato;

2.Timoteo 2:19

Ma te aana ae matoatoa are ana aana te Atua e bon aki kona ni kam'aingaki; ao a koreaki i aona taeka aikai: “E bon ataiia ana aomata te Uea” ao “A na bane ni kitana te buakaka akana m'anewea aran te Uea.”