Itaia 28:1 - Te B'aib'ara

¹ E a reke n te kaangaanga te kaawa ae e buubura are Taamaria are e mena ietan te M'arua are e maiu aona! a koro ni manging ana taani kairiiri, ake a kaonia n tain am'arake ma taiani wain. Ma ane a na katotoongi taiani uee aika a na b'ata ma n rai.

Itaia 28:1 ပူးပေါင်းရင်းမြစ်များ

2.Uea 15:29

E m'ananga uean Aturia are Tikeraka Biretia ni buakana Iteraera i nanon ana tai n tautaeka Bika. E taui aaba ake i Kireata ao Kariraia, n ikotaki ma te kaawa are Iion are Abera Betamaaka, Ianoa, Kateti, ao Atora, ao ai uana naba ma te aba are Nabetari. I mwiina, e anaiia Iteraera man taabo aikai ao e uotiia nako Aturia b'a taenikai.

2.Rongorongo 28:6

E buakana Iuta uean Turia ao e anai aomatana aika a bati mai iai nako Tamateko b'a taian taenikai. Rimwi riki, e kataenikaiia kaain Iuta uean Iteraera are Bika ma n tiringiia tebubua ao uabwi te ngaa mai buakoia ana tautia ake a ninikoria n teuana te bong.

Taeka n Rabakau 23:29

Antai ae e aki toki n reereke n te kangaanga? Antai ae e aki toki ni ngurengure ma n un? Antai ae e m'akorokoro ma ni kunikun? Antai ae e takarokaro matana?

Itaia 28:7

A bebe waeia ibonga ma burabeti b'a a koro ni manging. A rangi ni mangaongao aia iango n te aro are a aki konaa ni butim'aea ana rongorongo te Atua ke n anga babaaire aika a raoiroi.

Itaia 5:11

Kam a reke n te kaangaanga! Kam utim'aaka n te kaarangaina ni mooi, ao kam toki ni b'akanakon te tai n te tairiki.

Itaia 5:22

Kam kaangaanga n te mooi ma renganan taiani mooi. Ma kam a reke n te kaangaanga.

Itaia 8:4

i bukina b'a i m'aain ae e konaa n taekina ae e kaangai ‘Mamma’ ke ‘B'ab'aa’, ao e na roko uean Aturia ni buaka man uotinako b'aai ni kabane aika a kakaawaki i Tamateko ao Tamaria.

Itaia 9:11

E karaoia aia kairiribai te UEA b'a a na buakaniia.

Itaia 9:8

E a tia te UEA ni kauringiia Iteraera,

Itaia 9:9

ao a bon bane n ataia, n reitaki ma aomata ni kabane n te kaawa n tautaeka are Tamaria. Ma a kainikatonga ao a taningabono ao a taku,

Otea 4:11

ao a tia n aki kakaonimaki nako iu, Ngai ae aia UEA. Kam nanobaba Au aomata b'a kam rangi ni kam'aita iangoan te kukurei ma iangoan te wain.

Otea 5:5

Iteraera, e kakoauaa ami bure ami kainikatonga; e bon karekei waemi, ao a reke naba waen Iuta.

Otea 5:9

N na katuaaea ma ni kamaunaa Iteraera Ngai ae te UEA. Bon aei Au berita are e matoa nakoia barongan Iteraera.

Otea 6:10

I a tia n noori b'aai aika a kakamaaku i nanon Iteraera kam aki kakaonimaki ao kam aki tau i bukin taromauriau.

Otea 7:5

A koro ni manging ana mataniwi n te bong are e katokaaki iai ana baunuea aia uea, ao e a manga ira burababaia.

Nakoaia Ibonga 26:19

ni karokoa e baabane raoi ami kamoamoa ni kamanatuaaki. N na aki kab'aka te karau, ao e na riki karawa i aomi b'a kaanga te biti, ao te tano ane i aani waemi b'a kaanga te buraonti.

Amota 2:12

Ma ko kamooia Natiraite n te wain, ao ko tuangiia burabeti b'a ana aki taekin au taeka.

Amota 2:8

Ao a wene ni matu i rarikin taabo n taromauri i aon kunnikai aika a anaaki mai rouia aika a kainano b'a b'aai ni kakoaua. Ao anai naba m'aane ake a reke man tuaaia aomata mani kabooa te wain iai, man nim i nanon au tembora.”

Amota 4:1

Kam na kakauongo nakon aei, ngkami aika ainen Tamaria aika kam marikarika n ai aroia kaon Batian aika kamarikaaki aika kam karaoa ae e buakaka nakoia aika a mamara, kam karawawataia aika a kainano ao man tuangiia buumi b'a na uotii nimami taian kamanging!

Amota 6:1

Bon te bong ae e kakamaaku nakoimi ngkami Iteraera ake i Tion, ake kam m'aninga nako n nakoami aika a ririeta, ao ngkami naba ake i Taamaria ake akea raraoman nanomi n unin te UEA. E kanga n riki anne iroumi ao bon ngkami taan kawaraki irouia aomata i bukin buokaia.

Amota 6:4

Bon te bong ae rangi ni kakamaaku nakoimi ngkami aika kam ni wenewene i aon kiemi aika a katamaroaaki, ma n am'am'arake n irikoia kaao ma tiibu aika ataei!

Amota 6:6

Kam momooi wain n taian boora ao kam kabiri ngkami ni kabira aika a rangi ni boiarara, ma kam aki nanokawaki i bukin uruan Iteraera,

Amota 6:8

E a tia n anga te kauring te UEA ae rietaata ae moan te m'aaka ni kaangai, “I bati n ribaai aia kamoamoa Iteraera: I bati n ribaai naba mwengaia aika a raraoi, ao N na anga aia kaawa ae atuun aia tautaeka nakoia aia kairiribai.”