Itaia 27:9 - Te B'aib'ara

⁹ Bon ti teuana te kawai ae e konaa iai ni kab'araaki iai ni kabane ana bure Iteraera: a riai ni kamaaenikuni atiibu nako ake aia baonikarea beekan ao aia tabo n taromauri.

Itaia 27:9 ပူးပေါင်းရင်းမြစ်များ

2.Uea 10:26

ao a kaotinakoa bannan B'aara. A kabuokia,

2.Uea 23:14

E urui bannaia antiia Ianena aika atiibu ao e korouaa te boua are e tabu i bukin taromaurian Nei Aatera. Ao e kaona te tabo arei n riia aomata.

2.Uea 25:9

E kabuoka ana Tembora te UEA Nebutaratan, ma ana bareti te uea, ao kateitei aika a buubura ni kabane aika a kakannato i nanon te kaawa are e buubura arei, ao ai taian auti.

2.Rongorongo 14:5

E kamaunai baangotan te aba ni kabane ao taiani baoni karea ake i bukin b'aai ni kaboiarara ake i Iuta.

2.Rongorongo 34:4

E karaua ni matakuakina te baonikarea i bukin taromaurian te anti are Baara ngke a kab'akaaki, ao taian baonikarea i bukin te b'ai ni kaboiarara ake i rarikina ngke a urubekeaki naba. A bane naba n uruakaki bouan Nei Atera, ma ana bouannanti, ao taian atiibu ake taiani banna, ao n raea n aki akaaka m'akorokoroia i aan ruanimateia koraki ake taan taromauriia.

2.Rongorongo 36:19

A kabuoka te Tembora ana taanga ni buaka Nebukaneta ao a urui b'aai ni kabane kateitei aika a kakaawaki ake i nanon oon te kaawa are e buubura arei.

Taian Areru 119:67

I m'ain are Ko karawawataai, ao I aki toki ni bure; Ma ngkai I ongeaba nakon am Tua.

Taian Areru 119:71

E manena nako iu karawawataau, b'a I reireiaki iai n am Tua.

Te Otinako 34:13

Kam na onea mwiin anne n urua aia baonikarea ma ni kamaeei taian boua ake a tabu

Taeka n Rabakau 20:30

E konaa ni kanakoi ni kabane mairoum waaki aika a buakaka te oro ae e matoa!

Itaia 1:29

Kam na mamaa n te buakonikai ae e uarereke are kam taataromauri iai taiani bouannanti.

Itaia 17:8

A tia ni karaoi taiani baonikarea i bukin kabuokan taiani b'ai ni kaboiarara i bukin antiia are Nei Aatera, ao a tia naba ni katei taiani boua aika a tabu i bukina. Ma ane a toki aia taromauri n taabo aikai.

Itaia 30:22

Ao ane kam karaoia ami bouannanti ake taian tirewa ma koora kaanga taian turam ni maange; kam na karenakoia kaanga taian uraeki ae e a kam'araa.

Itaia 4:4

i mwiin kanakoan te ai ni motikitaeka iroun te UEA ni kaitiaka te kaawa ae e buubura ma aomata man aia m'akuri aika a buakaka.

Itaia 40:2

Taetae raoi nakon Ierutarem ao katanoataa ae e kaangai: A toki am bong n tautoronaki. Bon te UEA ngai, are I kataboroa tuaam i bukin am bure nako.”

Itaia 48:10

I katai ngkami n taai aika a matoatoa kaanga te tirewa ae e a manga karaoaki n te ai ae e uram'aaka.

Etekiera 11:18

Ngkana e riki anne, ao I tangiringkami b'a kam na kaitiaka te aba ni kanakoi taian bouannanti aika a rangi n ribaaki.

Etekiera 20:38

N na kaokoroia taani bure aika taani kamangao maibuakomi, e ngae ngkana N na kaokiia mai buakoia botannaomata nako ake a maeka b'a taenikai iai ngaiia, a na aki kariaiakaki b'a a na okira Iteraera. Ao i mwiina, ane ko na ataia b'a bon te UEA Ngai.

Etekiera 6:4

A na riai ni kamaaenikunaki taian baonikarea ni kabane, ao i matan taian bouannanti N na tiringiia aomata ake a taromauriia.

Taniera 11:35

A na mate tabeman mai buakoia taani kairiiri ake a wanawana, ma n tokina, ao a na boni itiaki aomata. E na waaki nako te aro anne ni karokoa rokon te toki, are te tai are e a tia ni baaireia te Atua.

Otea 14:8

Iteraera, Katikui ami bouannanti nako! N nang kaekaa ami tataro ma n tararuaingkami. Boni Ngai te aroka are e mimitong arei, are oin ami kariki uaa,

Nakoaia Ibonga 26:30

N na urui ami auti n taromauri nako, N na urui ni kab'akai ami bao n angakarea i bukin te boiarara, ao N na katokai rab'atami ngkae a mate i aon nako ami bouannanti. Ao kam na riribaaki i Rou.

Mika 5:11

N na urui kaawan abam nako, ao N na urubekei am tabo nako ake a nonoaki.

Tekaria 13:2

E taku te UEA ae Moan te M'aaka: N na kamaunai ni kabane taian bouannanti mai aon te aba ngkana e roko te tai arei, ao e na m'aninga te aba taekaia n aki toki. N na bon kamaunaiia naba aia burabeti nako ma tamnei aika a kam'araa akana a tautaekaniia.

I-Rom 11:27

Aio au boraraoi ma ngaiia, ngkana I kab'ara aia bure.”

1.I-Korinto 11:32

Ma ngkana a baireaki taekara iroun te UEA, ao E bon reireiniira iai, b'a ti aonga n aki uaia ni kabuakakaki ma te aonnaba ae ekaanako nanon te Atua.

Te Tua-Kaua 12:3

Kam na urui aia baonikarea, aia nikawewe, ao kabuoki aia baangota ake a kabonganaaki i bukin taromaurian te anti te aine are Nei Aatera, ao urui aia bouananti. Urui aia tabo n taromauri ni kamaunanakoi b'a a aonga ni m'anuokinaki taekaia.

Ebera 12:6

B'a ane E tangiria te Uea ao E reireia kaetan arona, ao E kataereia natina ni kabaneia aika E m'aneia n akoia.”