Itaia 27:8 - Te B'aib'ara

⁸ I Karaua ni wareb'aia tuaan Iteraera ma ni kanakoa te ang ae e kabuebue b'a e na kakioia nako kiiraroa.

Itaia 27:8 ပူးပေါင်းရင်းမြစ်များ

Iobi 23:6

E koaua b'a E na kabanea korakorana ni kaaitaraai? E aki, ma E na bon ongora nakon te b'ai ae N na taekinna.

Taian Areru 103:14

E atai aroni karikara; E ataira ae bon te bubu n tano ngaira.

Taian Areru 103:9

Tiaki n ae E na teimatoa arona ni boaa te aba, Ke e na reiti nako unna n akea tokina.

Taian Areru 38:1

Te UEA, ngkana Ko un, ao tai boaai Ke ni kaeta arou n te aro ae N na karawaawataaki iai.

Taian Areru 6:1

Te UEA, Ko na tai boaai, ke ni kataereai n reireiai ngkana Ko un.

Taian Areru 76:10

Ko karikiia aomata aika unun b'a a na kabatia riki kamoamoaam; ao naake a kamaiuaki n te buaka ana kateimatoa am toa.

Taian Areru 78:38

Ma E nanoangaia ana Aomata te Atua. E kab'arai aia bure ao E aki kamateia. A bati ana tai n taotaona unna, n aki karokoa nanona.

Itaia 1:5

E aera ngkai ko na katuaaeaki riki? E aera ngkai ko aki katoka burem? E ikoaki atuum, ao ko a rangi ni mamaara.

Itaia 10:12

E na karaoa te b'ai are e a tia ni baaireia te UEA nakon Ierutarem ao te Maunga are Tion. Ao i mwiina, e na katuaaia uean Turia aika kainikatonga mani kamoamoa,

Itaia 50:1

E taku te UEA, “Ataei, I aki kaaka tinami ke ni kabooa nako i bukin kab'araan taian taarau; I kaakiia ao ni kabooa nako i bukin ami bure.

Itaia 54:7

I katinanikuingkami ngkoa, ma ngkai I a manga rab'atiko naba n au tangira ao nanou.

Itaia 57:16

au Aomata, e a toki uniu ao I aki manga bukiningkami. B'a bon te tia karikingkami Ngai. I aki tangiringkami b'a e na b'ara nanomi n te aro ae moan te korakora.

Itaia 64:5

Ko buokiia ni kabane akana a kukurei n ongotaeka ao ni karaoi b'aai akana ko tangiri, ma e karika marakin nanon te bure. Bon ti am buobuoki ae ti na kamaiuaki iai.

Ieremia 10:24

Ko na kaeta arou, n aron ae e bon riai ni karaoaki nako iu, ma ko na aki marakinnanoai, b'a I kaawa ni mate.

Ieremia 30:11

N na roko iroumi ni kamaiungkami. N na kamaunaiia botannaomata ni kabane ake I kamaaenakoingkami nako ia, ma N na bon aki urua aromi. N na bon katuaaingkami ngkana I kanakoingkami; ma N na bon katuaaingkami n te aro ae e riai. Bon aei Au taeka Ngai ae te UEA.

Ieremia 4:11

E na taetae te UEA ni kaangai nako imi

Ieremia 4:27

E taku te UEA: I a tia ni karaoa au babaaire, ao I aki kona ni manga bita nanou. E na kamaunaaki te aba aei, ma e na aki bane ni kamaunaaki. E na onikaki karawa nakon te rootongitong, ao e na tanginiwenei te aonnaba.

Ieremia 46:28

Ma ngaia are, kam na aki maaku, e ngae ngke kam riai ni katuaaeaki ngkai ao kam a tia ni kauamaenakoaki i buakoia botannaomata ake tabeua. Ma ngkana I uruaniia, N na kaawakiningkami. Bon aei Au taeka Ngai ae te UEA.

B'aeb'aeti 3:31

E bon akoi te UEA, ao E na bon manga nanoangaira.

B'aeb'aeti 3:32

Tao E na bon karawawataira, ma E bon teimatoa ao e korakora naba tangirara i rouna.

Etekiera 19:12

Ma I katikia rikaaki ni marakin nanou mai wakaana ao e karenakoa i aontano, ike e a m'autakataka uaana angin te rereua ae e kabuebue. A kui m'aangana ake a korakora ao a bue.

Otea 13:15

E aoria ngkana kam kakab'aia riki nakoia baronga ake tekorakina, N na kamaunaa nakoko Ngai ae te UEA, kaanga aron te ang ae kabuebue ae kam'aua te karaanga n ran. N na uoti nako kaub'aimi aika a tamaroa.

Otea 4:1

Ongora, Iteraera ngkai E bukiniia aomata nako te UEA aika i nanon te aba! Bon akea temanna ae e onimakinaki ke kakaonimaki ke n tabeakina raoi te Atua.

1.I-Korinto 10:13

Te kataaki ae e a tia n roko i roumi boni ngaia naba are e roko irouia aomata nako. Ma E kakaonimaki te Atua, ao E na bon aki kariaingkami b'a kam na kataaki i aon ami kona; ma n te tai are kam kataaki iai, ao E na karekea naba te anga are kam na butaki nako maiai, b'a kam aonga ni kona n taon nanomi.

1.Betero 1:6

Kam na kim'areirei n te baei, e boni ngae n riai iroumi b'a kam na rawawata i nanon tabeua te tai i bukini kataakimi aika bati aroia;