Itaia 27:7 - Te B'aib'ara

⁷ Bon te UEA Ngai, ae I aki katuaaia ma n tiringiia aomatan Iteraera n aron te tiritiri ao te katuua ae e kakamaaku are I tiringiia iai aia kairiribai nako.

Itaia 27:7 ပူးပေါင်းရင်းမြစ်များ

Itaia 10:12

E na karaoa te b'ai are e a tia ni baaireia te UEA nakon Ierutarem ao te Maunga are Tion. Ao i mwiina, e na katuaaia uean Turia aika kainikatonga mani kamoamoa,

Itaia 10:17

E na onikaki te Atua ae e tabu, are ootan Iteraera, ao ko na urarake n te bong teuana kaanga te buakonikai ae e kateketeke.

Itaia 17:14

E na rangi ni korakora aia buaka n te bong, ma ngke e a ingabong ao a mate. bon anne te b'ai ae e na riki nakoia akana a ewekiira ma ni kurib'aia abara.

Itaia 17:3

A na mauna ana nono nako Iteraera E na mauna nako abanuean Tamateko; a na rangi ni kainano taiani nikira ni maiu iai kaanga aron are e riki nakon Iteraera. E a tia ni berita i bukin aei te UEA ae Moan te M'aaka.

Itaia 30:31

Ngkana a ongo b'anaan bain te UEA kaain Aturia ma n nooria n oro n okona te biti, ao ane a na maaku.

Itaia 31:8

Ane a na tiringaki kaain Aturia, ma a na aki mate n aia kabaang aomata. Ane a na kataia rorobuakana ni biri nako n rawei maiuia, ma a na manga bon reke ma ni kairoroaki b'a a na riki b'a tooro.

Itaia 31:9

A na b'aka aia nono Ngkana e oroia te kangaanga ao ane a na maaku aia aobitia ma ni biri nako man te buaka. Bon aei te b'ai ae e a tia n taekinna te UEA, are e karaoaki ana nnenikanaiai i aon te Maunga are Tion.

Ieremia 50:40

I urua Totom ma Komora ao kaawa nako ake i rarikiia, ao N na bon urua naba B'aburon ni kabanea raoi n ai aron naba anne. Bon akea temanna ae e na maiu ikekei.

Ieremia 51:24

Ma ngkai, a na mataku Au aomata ngkana I anganiko boom i bukin te b'ai are ko karaoia nakon Tion.

Naum 1:14

Aio baireaia kaain Aturia iroun te UEA, “A na akea aia kariki, are a na kateimatoai araia n rooro rimwi. N na kab'akai aia bouannanti ake i nanon temboran atuaia ni kewe. I a katauraoa ngkai ruanimateia kaain Aturia-a aki katauaki b'a a na maiu!”

Naum 3:19

Akea katokan rawawatam, ao a aki kona ni kamaoaki ikoakim. Ake a ongo taekan uruam a na uboi baiia ni kukurei. B'a a bane aaba nako n rootaki n am m'akuri aika a buakaka.