Itaia 26:8 - Te B'aib'ara

⁸ Bon temanna ae e onimakinaki b'a e na uota te eti; ao ti tangira riki neboan aram nakoni b'aai ni kabane.

Itaia 26:8 ပူးပေါင်းရင်းမြစ်များ

2.Tamuera 23:5

I a tia n tautaeka n te aro aei, ao E na bon aki kona n urua Ana berita nako iu. E a tab'anin raoi ana berita te Atua ao E aki konaa ni manga bitaki; E na bon teimatoa ni buokai ma n anganai te b'ai ae I kantaningaia.

Taian Areru 106:3

A kab'aia akana b'ab'aina te koaua ma te eti ni maiuia n taai nako.

Taian Areru 130:5

E kainano nanou ni kakantaninga ana buobuoki te UEA, Ao I onimakina ana taeka.

Taian Areru 18:23

E ataia b'a akea au kairua, Ao I a tia ni kawakinai mani karaoan te bure.

Taian Areru 42:2

E korakora tangiram irou, te Atua ae ko maiu. N ningai ae N na roko iai i matam n taromauriko?

Taian Areru 65:6

Ko katei maunga ni korakoram, are e a oti iai ae Ko rangi ni korakora.

Taian Areru 73:25

Akea riki temanna i karawa ae na buokai b'a ti Ngkoe; Ao akea riki temanna i aonnaba ae I tangiria i rarikim.

Taian Areru 84:2

Ti te kan nako ngai ni mena ikekei! I kan nako ni mena n ana Tembora te UEA. I anene ni kakatonga nakon te Atua ae maiu ma nanou ni kabane.

Te Otinako 3:15

Ko na tuangiia b'a bon te UEA Ngai ae Atuaia aia bakatibu, Atuan Aberaam, Itaaka, ao Iakob'a, ae I kanakoko nako ia. Bon aei arau n aki toki, Aio arau ae a na aranai iai rooro aika rimwi.

Ana Anene Toromon 5:8

Ataeinainen Ierutarem, ngkana kam noora teuare I tangiria, ao I butingkami b'a kam na kaangai nakoina, “E a mamaara i bukin b'aruam.”

Itaia 12:4

Ane kam na kaangai n te tai arei, “Ti rangi ni kaaitauko, ara UEA. ao ti taromauriiko n ti ngkoe. Ti na tuangiia botannaomata aron mimitongim ma b'aai aika ko a tia ni karaoi.

Itaia 24:15

Ai ngaia are, a na riai n neboa te UEA, ae Atuan Iteraera aomata ni kabane ake i mainiku ao aomata ake i aon taian abam'akoro.

Itaia 25:1

Bon Atuau, Ngkoe, te UEA! N na neboiko i bukin karaoan b'aai aika a kamimii aika ko a tia ni baairei ma ni berita iai man taai ake ngkoa.

Itaia 25:9

Ane a na kaangai aomata n te tai arei, “E a tia te UEA ni kamaiura! Ti na karaoa ara bootaki ni kukurei. Ti tataninga ma ni kakantaninga ao ngkai e a mena Atuara ikai.”

Itaia 26:13

A tia n tautaekaniira tem'angina i rarikim, te UEA ae te Atua, ma ti bon ti ongotaeka iroum.

Itaia 30:18

E tataninga te UEA ae te Atua ni kaota m'aitin ana akoi ao n nanoangaingkami. E aki toki te UEA ni kaakaraoa ae e raoiroi; e kakab'aiaia akana a onimakinna.

Itaia 33:2

Taiaoka, te UEA, nanoangaira! Ti onimakiniko. Kakorakoraira ni katoa ingaabong, ao kawariira ni kamaiura ngkana ti a reke n te kangaanga.

Itaia 49:23

A na roko ni boobaraaki ueanim'aane ma ueanainen taiani botannaomata aikai ake a kaikawaia. A na kaawakiningkami kaanga te toro ae e kaawakina te ataei. Ao ane ko na ataia iai b'a bon am UEA Ngai. E na aki b'ara nanom ngkana ko onimakinai.”

Itaia 51:4

E taku te UEA: au Aomata ngkami ao au botannaomata! Ma ngaia are, kam na kakauongo raoi irou. E na karekea te rau au reirei ao e na oota nako kaanga te oota i bukin te botannaomata.

Itaia 56:1

E taku te UEA: Ko na maiuna te raoiroi ao te eti! N na roko ni kamaiuko n te tai ae e waekoa; e na nooraki m'aakau ni kakamaiu n taabo nako n te aonnaba.

Mika 4:5

A taromauri oin atuaia botannaomata n tatabeua nako, ma ti na taromauriia te UEA ae Atuara ma n ongotaeka i rouna n aki toki.

Mika 7:7

Ma ngai, N na tarataraa te UEA, ao N na boni kariaria te Atua ma te onimaki, b'a E na boni kamaiuai. E na bon ongo irou.

Maraki 4:4

Kam na aki m'aninga taian tua ma taeka n reirei ake I angan Au tia m'akuri are Moote i aon te Maunga are Tinai.

Warekaia Iteraera 36:13

Ao bon aikai taian tua ake E anga te UEA nakoni Moote, ao Iteraera ngke a maeka n aaba ake a rinano i Moaba i rarikin te Karaanga are te Ioretan mai Ieriko.

Ruka 1:6

Ao a b'aina te maiu ae raoiroi Takaaria ma Nei Eritabeta i matan te Atua n aroia n tou mwin ana tua ma ana moti nako te Uea n aki bubure iai.

M'akuri 1:4

Ao ngke E botaki ma ngaiia, ao E kab'aka ana taeka nakoia ni kaangai, “Kam na aki kitana Ierutarem, ma kam na taninga koron nanon ana taeka n akoi Tamau are kam ongo mairou:

I-Rom 8:25

Ma ngkana ti kaantaninga te bae ti tuai n noria, ao ti kakariaria ma te taotaonaki n nano.

2.I-Tetaronike 3:5

Ao E na kairi nanomi te Uea nako nanon ana tangira te Atua, ao nako nanon nanom'aakani Kristo.