Itaia 26:6 - Te B'aib'ara

⁶ Ao ngkai a kabuakaka ma n aiwaa i nanon te kaawa arei aomata aika a buakaka.”

Itaia 26:6 ပူးပေါင်းရင်းမြစ်များ

2.Uea 9:33

ao e takaarua Ieu nakoia ni kaangai, “Karenakoa te aine anne man te winto.” A karenakoa, ao e tebera te o raraana, ao e teberiia naba aoti ake a toubekaa rab'atana.

Itaia 11:4

E na karaoaki raoi te eti ma te riai nakoia aomata aika a maiu ni kainano ao a tangira buokaia. Ana riki ana taeka b'a taian tua i aon te aba ni kabutaa, ao a na bane n tiringaki taani bure.

Itaia 25:10

E na kaawakina te maunga aei bain te UEA ae e m'aaka. Ane a na kab'akaaki kaain Moaaba ma ni booketaketa kaanga taian b'ab'ati ni uteute i nanon te m'arua i bukin nakotariia maan.

Itaia 28:3

A bane taani manging i Eberaim ni kakatonga iroun Taamaria, ma ane a na kamanatuaaki.

Itaia 29:19

Ane a na bootaki ni kukurei ma n takaarua aomata aika a maiu ni kainano ma aika a tangira buokaia i bukin te UEA ae Atuaia Iteraera ae E tabu.

Itaia 3:14

E na bon motikitaekami naba ngkami taan tautaeka ao taani kairiiri i aoia ana botannaomata. Kam tiringa arokana taiani kureebe ao kam kaon ami auti nako ni b'aai aika kam kimoai mairouia aomata aika a maiu ni kainano.

Itaia 3:15

E taku te UEA ae Moan te M'aaka, “Kam a tia ni kamanatuaia au aomata mani kabaarekai mataia aomata aika a maiu ni kainano.”

Itaia 37:25

I kam'autakatakai karaanga ni kabane ake n te aba are Aikubita, ao I mooi n taian m'anib'a ake I a tia ni keni.”

Itaia 60:14

A na bane ni katorobubua i matam aia kariki am kairiribai ake a ribaiko ma ni karaoa ae aki raoiroi nakoim. A na kaangai, “Bon Tion ngkoe, are ana kaawa te UEA, are Atuaia Iteraera ae e tabu.”

Ieremia 50:45

Ongora n Au babaaire i bukimi, kaain B'aburon. Ane a na uaakinaki nako natimi, ao e na kamaunaaki abami.

Taniera 7:27

Ao m'aakan ma korakoran taian tautaeka ni kabane n te aonnaba a na bane n anganaki ana Aomata te Atua. E na bon akea tokini m'aakan ana tautaeka, ao a na bane n toro i rouna taan tautaeka n te aonnaba ma n ongotaeka i rouna.”

Teb'ania 3:11

N te tai arei, ao N na kam'awaia taan kairiri aika a kamoamoa mani kainikatonga, ao ane ko na aki manga kainikatonga n au maunga are e tabu.

Maraki 4:3

Ma ngkami aika kam buakaka, ngkana I karokoa te motikitaeka ae eti, ao kam na manatua kaanga taian mannang i aan te wae. Bon aei au taeka Ngai ae te UEA ae Moan te M'aaka!

Ruka 10:19

Noria, I a tia n anganingkami te m'aaka b'a kam na kona n tou aoia naeta ma tikaobian, ao n tokanikai i aoni m'aakan nako te Kairiribai, ao akea te b'ai ae kam na kabuanib'ai iai.

I-Rom 16:20

E a kaani kamanatuan Tatan i aani waemi iroun te Atua, are e reke mai Rouna te raoi. E na mena iroumi ana akoi ara UEA are Iesu Kristo.

1.I-Korinto 1:26

Taari, kam na uringi aromi ngke kam moa ni weteaki iroun te Atua. B'a kam aki iangoaki irouia aomata n te aonnaba aei b'a a bati ami koraki aika rabakau. Ti tem'angina i buakomi aika iai nakoaia aika kakannato, ao tem'angina naba aika nako man utu aika iai karineaia ni katein te aba.

Iakobo 2:5

Tariu aika kam tangiraki, kam na ongora: tiaki E rineia akana aki kaub'ai ni b'ain aon te aba te Atua b'a a na kau-onimaki, ao a na riki b'a taan abaaba n ueana are E atongnga n te taeka n akoi nakoia ake a tangiria?

Iotua 10:24

ao a uotaki nakon Iotua. Ao e weteia aomatan Iteraera ni kabane Iotua ao e tuangiia ana mataniwi ake a iria n te tai arei b'a a na katokai waeia i aon roroaia uea aikekei. Ao a karaoa anne mataniwi.

Te Kaotioti 2:26

Ao ane tokanikai, ma ni karaoi baike I tuangnga b'a e na karaoi ni karokoa te toki, ao N na anganna te m'aaka n tauu taekaia botannaomata;

Te Kaotioti 3:9

Noria, N na kanakoia tem'angina man ana botannaomata Tatan b'a a na bobaraaki i rarikini waem, te koraki aika taani kewe, aika taku b'a I-Iutaia ngaiia, ma bon tiaki, ao a na ataia b'a I tangiriko.