Itaia 26:4 - Te B'aib'ara

⁴ Ma ngaia are, onimakina te UEA n taai nako b'a bon ara b'aa ae e korakora

Itaia 26:4 ပူးပေါင်းရင်းမြစ်များ

2.Rongorongo 20:20

N te moan ingabong are i mwiina, ngke a katauraoi aomata nako b'a a na nakon te rereua are i rarikin Tekoa, ao e teirake Ieotiab'ata ao e taku, “Kam na ongora raoraou nako, ngkana ti kakoauaa te UEA ae te Atua ma n onimakinna ni b'aai ni kabane aika a taekin taian burabeti aikai nakoira, ao E na buokira te UEA, ao ti na bon tokanikai.”

2.Rongorongo 32:8

b'a e buaka n ara itera te UEA ae Atuara. A ti onimakina korakoran te aomata kaain Aturia. Ao a kakorakoraaki ana taanga ni buaka Iuta n taeka aikai.

Iobi 9:19

Tao N nang imanono? N nang imanonoa te Atua? I kona ni kateia n te kabowi? Iai ae kona ni kam'ananga nakon te kabowi?

Taian Areru 125:1

Akana onimakina te UEA ai aron te maunga are Tion, are aki kona ni m'aing, are tei n nene ni matoatoa n aki toki.

Taian Areru 18:2

Bon au b'a ni katantan ae rietaata ngkoe te UEA; Bon au nono ae matoatoa, ao te tia kamaiuai ngkoe; Bon Atuau ae nneu ni katanai ae I raba raoi i rouna; mairouia taan ribaai;

Taian Areru 46:1

Boni nera ni katantan ao korakorara te Atua. E kaan n taai nako ni buokira n tain te kangaanga.

Taian Areru 55:22

Ko na kaaki rawawatam i aon te UEA, ao E na buokiko; E na buokiia akana raoiroi b'a a na teimatoa.

Taian Areru 62:11

E raka i aon teuana au tai n ongo ana taeka te Atua, ngke E taetae ni kaangai, “I m'aaka,”

Taian Areru 62:8

Kam na onimakina te Atua n taai nako, ngkami aika au aomata. Tai toki n tuangnga ami kangaanga ni kabane, b'a Ngaia nera ae ti rau raoi iai.

Taian Areru 62:9

Ai aron te ike ae ti teuana aomata nako; Ao ti te bo aroia aika kakannato ma aika mangori n akea manenaia. Ngkana a tauaki rawawataia, ao bon akea rawawataia; A bebete riki nakon rawawatan angin te ike ae ti te ikena.

Taian Areru 66:7

E tautaeka n aki toki ni m'akana, Ao E tatarataraiia botannaomata nako. Ke a tai teirake akana rawa ni kan aantaeka i rouna n ekianako.

Taian Areru 93:1

E uea te UEA. E kunnikaia n niiniiran te uea, ao E korakora m'akana. E tiku raoi ni matoatoa ni nena aonnaba ao e aki kona ni kam'aingaki.

Itaia 12:2

I onimakiniko b'a ko na kamaiuai, te UEA ae te Atua, ao N na aki maaku A nako m'aakau ma korakorau mairoum, ao ko a tia ni kamaiuai.”

Itaia 17:10

Iteraera, ko a tia ni m'aninga taekan te Atua are e kamaiungkami, teuare bon te b'a ae e korakora ike e na konaa n reke iai maium. Kam unika taiani kabanea n tamaroa ni uee i bukin karinean antiia ianena.

Itaia 30:29

Ane a na anene ana Aomata te UEA n aron are a karaoia ngke a kauringa te Riao n te tairiki. Te UEA bon ana b'aa ae e korakora Iteraera, ao ane a na kukurei ana Aomata n aroia ngkoa ngke a ira tangin te kaib'ab'aa nakon te Maunga ike e taromauriaki iai.

Itaia 32:2

A na riai n riki b'a nne ni kamaiu man taian angibuaka, b'a taiani karaanga n ran n te rereua, ao te b'a ni katantan ma ni kabuebuen taai.

Itaia 44:8

Kam na aki ruru ni maaku! I bon aki taekinna nakoimi n taai ake ngkoa? Kam bon aki ongongora irou? Bon ti Ngai te Atua bon akea ai aron te b'aa ae e korakora.

Itaia 45:17

Ma Ngai ae te UEA, N na bon teimatoa ni kaawakina Iteraera ma ni kararoa man te kamaamaaeaki.

Itaia 45:24

A na kakoaua b'a bon ti te Atua Ngai ae I karokoa te kaetitaeka ae eti. Ane e un ma ngai e na bon rangi ni kamaamaaeaki ao e na rairaki nako iu.

Itaia 50:10

Bon akea mairoumi ae e karinea te UEA ke n ongotaeka nakon ana tia m'akuri. Ko nakonako n te roo ao tiaki te oota; ko aki onimakina aran te UEA ae Atuam.

Itaia 51:5

A ingainga n tataningaai b'a N na kamaiuia aomata ake a maeka n taabo aika a raroa nako i nanon te marawa. I korakora ao I tauraoi; N na roko ni kamaiungkami n te tai ae e waekoa ao N na tautaekaniia botannaomata ni kabane.

Itaia 63:1

Antai ae aei ae roko mai Botira i Etom ma kunnikaina ae e kakiriurauraaki? Antai te aomata ae e kakannato aei ae e m'ananga ma ana kaboraoi ae e mimitong?

Taniera 3:17

Ngkana arona b'a E konaa te Atua ae ti m'akuri i bukina ni kamaiura man te ai ae e ura m'aaka ao man m'aakam, ao E na boni konaa ni kamaiura.

Taniera 3:28

Ao e taku te uea, “Neboa Atuaia Tiateraka ma Metiaka ao Abeteneko! E a tia ni kanakoa ana anera ni kamaiuia Ana aomata aika a toro i rouna ma ni kakoaua. A kukurei n anga riki rab'ataia nakon te kamateaki nakon ae a na bobaraaki n taromauria te anti temanna i rarikin Atuaia.

Mataio 28:18

Ao E roko Iesu, ao E taku nako ia, I a tia n anganaki te m'aaka ni kabanea i karawa ao i aonnaba!

Mataio 6:13

Ao tai kairira nakon te kaririaki, ma Ko na kamaiura man te buakaka; b'a am b'ai te uea, te m'aaka, ao te neboaki n aki toki. Amen.

Te Tua-Kaua 32:15

Iteraera, ngke kam a marikarika, ao kam a kakaitaraa te UEA are ami Tia Karikib'ai; kam rawa nakon te B'a ae Korakora, are bon ti Ngaia ami tabo n rawei maiumi.

Te Tua-Kaua 32:4

Bon te b'a ae korakora te UEA, ao e aki roko n te karaoa te kaairua. E kona n onimakinaki n taai nako b'a boni Ngaia are E kona ni uota te motikitaeka ae eti.

Te Tua-Kaua 33:27

Nnera ni karabaira te Atua ae akea tokina; E uotiira ni baina. Ngkana E tuangkami te UEA b'a kam na tiringiia ami kairiribai, ao ane E na kabirinakoia mai m'aaimi.

I-Biribi 4:13

I konai b'aai ni kabane ni kaitarai iroun Teuare kakorakoraai.

1.Tamuera 2:2

Bon akea riki te atua n ai arom. Ao mai rouna ti a kamaiuaki nakon aon te maunga.