Itaia 26:3 - Te B'aib'ara

³ E anga te rau ae e tamaroa te UEA nakoia aika a matoa aia onimaki.

Itaia 26:3 ပူးပေါင်းရင်းမြစ်များ

1.Rongorongo 5:20

Ni katoa nako ia tautia aikai ni buakaniia aia kairiribai, ao a aki toki n taatataro nakon te Atua ma n onimakinna b'a E na buokiia. Ao bon anne bukin totokanikaia baronga aika Reuben, Kata, ao Manate Mainiku i aoia kaain Akera ma taani buokiia.

2.Rongorongo 13:18

A tokanikai kaain Iuta i bukina ngke a tia n onimakina te UEA ae Atuaia aia bakatibu.

2.Rongorongo 16:8

Uringa aron korakoran ana taanga ni buaka Itiobia ao Rubim, ma aia kanibuaka ni kabane ao taan buaka i aoia aoti! Ko onimakina ngkoa te UEA b'a e na buokiko, ao e anganiko te tokanikai i aoia.

Taian Areru 119:165

A rau aroia akana tangira am Tua, ao akea te kaangaanga ae a na b'akaraki iai.

Taian Areru 125:1

Akana onimakina te UEA ai aron te maunga are Tion, are aki kona ni m'aing, are tei n nene ni matoatoa n aki toki.

Taian Areru 9:10

A na onimakiniko akana a ataa aram, ao Ko aki kitaniia akana nakoim.

Itaia 12:2

I onimakiniko b'a ko na kamaiuai, te UEA ae te Atua, ao N na aki maaku A nako m'aakau ma korakorau mairoum, ao ko a tia ni kamaiuai.”

Itaia 26:12

Ko na anganiira te rau i bukina ngkai ti a tia ni karaoi ni m'aakam.

Itaia 27:5

Ma ngkana e mwiokoai te nnenaroka ni kureebe i bukin kaawakinana, ao e na riki b'a raoraou ao N na rau ma ngaia.

Itaia 31:1

Ko a reke n te kaangaanga ngkana ko nakon Aikubita i bukin buokam, ke ngkana ko mwiokoi taiani kaa ni buaka ake a katikitikaki irouia aoti ke taani buaka i aoia aoti. Ma ko riai n mwiokoa ao n onimakina te UEA ae te Atua ae e tabu ae Atuan Iteraera.

Itaia 32:17

Ao ane e na kaotinakoa te rau ao te kamanoaki ae akea tokina.

Itaia 32:18

Kam na maeka ma te rau, kam na maeka i aan te naa ao te mwianounou, ngkami, aika ana aomata te UEA,

Itaia 42:19

Bon akea ae e matakii riki ke e bonotaninga riki nakon ana tia uarongorongo, are ana tia m'akuri are e rineaki,

Itaia 42:6

I rineiko b'a ko na uota te eti, ao I mena ikai i rarikim. I rineiko ao I kanakoko b'a ko na uota te oota ao au berita i bukin te kaantaninga nakoia botannaomata ni kabane.

Itaia 48:2

Kam atonga Ierutarem b'a mwengami ao kam taekinna b'a kam onimakinai, Ngai ae te UEA ae Moan te M'aaka, ae Atuan Iteraera.

Itaia 49:8

Aei ana taeka te UEA: N na kaekai am tataro b'a I a tia n namata te tai are N na i buobuoki iai ngkana I roko ni kamaiuko. I a tia n rineiko b'a ko na uota au berita i bukin te kaantaninga nakoia botannaomata ni kabane. Ko na manga karaoa te aba ma b'aina nako ake a uruaki, ao ane a na roko aomata ni maeka ikekei.

Itaia 50:1

E taku te UEA, “Ataei, I aki kaaka tinami ke ni kabooa nako i bukin kab'araan taian taarau; I kaakiia ao ni kabooa nako i bukin ami bure.

Itaia 50:10

Bon akea mairoumi ae e karinea te UEA ke n ongotaeka nakon ana tia m'akuri. Ko nakonako n te roo ao tiaki te oota; ko aki onimakina aran te UEA ae Atuam.

Itaia 66:12

E a tia ni berita te UEA: “N na kataonakoa Ierutarem ni kaub'aia botannaomata nako ao N na karika te kaawa b'a te tabo ae e mari. E na kammammaingkai Tion ni mammana, ao e na uouotingkami ni baina, ao e na b'ab'akoingkami i m'anokana.

Ieremia 39:18

N na kamanoingkami, ao kam na aki tiringaki. E na reke birinakomi n rawei maiumi i bukina ngkai kam onimakinai. Bon aei Au taeka Ngai ae te UEA.

Taniera 3:17

Ngkana arona b'a E konaa te Atua ae ti m'akuri i bukina ni kamaiura man te ai ae e ura m'aaka ao man m'aakam, ao E na boni konaa ni kamaiura.

Taniera 3:28

Ao e taku te uea, “Neboa Atuaia Tiateraka ma Metiaka ao Abeteneko! E a tia ni kanakoa ana anera ni kamaiuia Ana aomata aika a toro i rouna ma ni kakoaua. A kukurei n anga riki rab'ataia nakon te kamateaki nakon ae a na bobaraaki n taromauria te anti temanna i rarikin Atuaia.

Taniera 6:23

E rangi ni kukurei te uea, ao e tua b'a e na katikakirake Taniera mai i nanon te b'angab'anga. Ma ngaia are, a katikia ni waerake ao a nooria b'a bon akea ikoakina teutana, b'a e onimakina te Atua.

Mika 5:5

ao e na karekea te rau. Ngkana a na roko I-Aturia ni buakana ara kaawa ma n ninii nako ara nono, ao ti na kanakoia ana taani kairiiri aika a korakora b'a a na totokoia.

Ioane 14:27

“I katuka te rau iroumi; I anganingkami au rau: I aki anganingkami n ai aron te aba, ngkana e anga. A na tai rawawata nanomi, ao a na tai maku.

Ioane 16:33

I atongi baikai nakoimi b'a e aonga n reke iroumi te rau ngkana kam reitaki ma Ngai. Ami b'ai i aon te aba te rawawata; ma kam na ninikoria, b'a I a tia ni kataea ana kai te aba.”

I-Rom 5:1

Ma ngaia aei, ngkai a kaetaki arora n reitaki ma te Atua n te onimaki, ao e a reke iroura te raoi ma te Atua iroun ara UEA are Iesu Kristo;

I-Biribi 4:7

Ao te rau are mairoun te Atua, are te rau are aki konaaki n ataaki teutana, e na kawakin nanomi ma aia iango nanomi ngkai kam reitaki ma Kristo Iesu.