Itaia 26:15 - Te B'aib'ara

¹⁵ E a tia n rikirake ara botannaomata i bukim, te UEA ae te Atua. A m'aiti riki abara nakon ake mai m'aaina, ao ko karineaki.

Itaia 26:15 ပူးပေါင်းရင်းမြစ်များ

Karikani B'aai 12:2

N na anganiko am kariki aika rangi ni m'aiti, ao a na riki b'a te botannaomata ae korakora. N na kakab'aiako, ao N na kakannatoa aram, b'a ko aonga n riki b'a te kakab'aia nakoia aomata.

Karikani B'aai 13:16

N na anganiko kanoam aika rangi ni m'aiti ae akea temanna ae kona ni wareki m'aitiia; e kona riki ni warekaki bubun aon te aba nakon warekaia.

1.Uea 8:46

A bure aomata ni kabane. Ma ngkana a karaoa te bure am Aomata nakoim, ao tao Ko a un irouia ao Ko a karokoia aia kairiribai b'a a na katikiia nako abaia I-Anena.

2.Uea 17:23

ni karokoa te tai are E katuaaia iai te UEA, n aron are E a tia ni kauring iai rinanoia ana toro ake burabeti. Ao bon anne bukina are a uotaki nako iai Iteraera b'a taenikai i Aturia, ao ikanne ike a tiku iai.

2.Uea 17:6

i m'aain are e a reke i rouna n ana karuaiwa n ririki ni uea Otea. E uotiia nako Iteraera uean Aturia b'a buure. E kairoroia tabeman mai buakoia b'a a na maeka n te kaawa are Ara, ao tabeman b'a a na maeka i rarikin Karaangan Abora n te aba are Kotan, ao ake tabeman b'a a na maeka ni kaawa ake a maeka naba iai kaain Miria.

2.Uea 23:27

Ao E taku te UEA, N na kamaunanakoia kaain Iuta, n aron kamaunanakoaia Iteraera naba irou. N na aki manga kubara Ierutarem, e aoria ngke I a tia n rineia b'a au B'ai. N na kitana te Tembora aei ae e karaoaki i buku.

Neemia 9:23

Ko kairiia nakon te aba are Ko a tia ni berita iai nakoia aia bakatibu, ao Ko kakab'aiaia aia botannaomata ma taian aomata ake a aki konaa ni warekaki m'aitiia kaanga itoini karawa.

Iobi 12:23

E karaoia botannaomata b'a a na korakora ma n rikirake, ao i mwiina E a manga kab'akaia ma ni kamaunaia

Itaia 10:22

E riki aei i bukina ngke e a tia ni kamaunai aia botannaomata, n aron are e bon riai ni karaoaki nakoia.

Itaia 33:17

Kam na noora te Uea ae e Kakannato ni bon oin matami; kam na noora abanueana ae e rooti taabo aika raroa ma n raababa.

Itaia 40:5

Ao i mwiina, ane e na kaoti mimitongin te UEA b'a e aonga n nooraki. E a tia te UEA ni berita i bukin aei!”

Itaia 44:23

Kam na tuangiia taiani karawa ma aonaaba b'a a nang moana aia anene! Tuangiia taiani maunga ao taian aroka ni kabane n te buakonikai b'a a na ira buakon te anene! E a tia te UEA ni kamaiuia ana Aomata; ao ngkai a nang taromauria.

Itaia 6:12

ao a tia ni kanakoaki nakon taabo aika a raroa nako, ma ni kiitan abaia aika a urubekebeke.

Itaia 60:21

A na maiu raoi ami aomata ma n teimatoa ni b'aina te aba; bon taian aroka ngaia aika I unikia b'a a na neboai.

Itaia 9:3

Ara UEA, ko a tia ni kakorakoraia am botannaomata. E reke mairoum kukureia ao karaoan aia bootaki ni kukurei kaaina kaanga taani m'akuri n tain te tai ke kaanga tautia aika a tib'ai b'aai ake a tia n reke irouia.

Ieremia 30:19

A na karineingkami ma n neboingkami botannaomata ake tabeua. A na kaonaki mwengami irouia ataei, ao kam na bukamaru, ma n anene n neboai.

Ieremia 32:37

E maraki nanou irouia kaain Ierutarem, ao N na kamaae nako ia nakon abaia ianena. Ma N na manga kaokiia n te bong teuana nako ikai ma ni kamaiuraoia.

Etekiera 36:24

N anaingkami man aia botannaomata nako ianena ma ni bootingkami ma ni kaokingkami nakon mwengami.

Etekiera 5:12

A na mate katenim'akoromi i nanon Ierutarem ikai n te aoraki ke te baki. Katenim'akoromi a na mate n te buaka. Ao N na kamaaenakoia kabanean katenim'akoromi n aki akaaka, ao i mwiina, N na manga rimwi ngkami n tiringkami.

Warekaia Iteraera 23:10

A maeka n ti ngaiia ma te rau e ngae ngke e rangi ni m'aiti aia aomata ma a aki kumeia botannaomata tabeua. “I kantaningaia b'a n na ongotaeka iroun te UEA ni kabane au bong ni maiu ao I kantaningaia b'a n na mate ma te rau.”

Ruka 21:24

ane a na tiringaki n te kabaang, ao ane a na kairaki nako b'a taenikai ao a na kauamaaeaki nako buakoia botannaomata i aonnaba; ao ane na uruaki Ierutarem irouia aomata aika tiaki I-Iutaia, ni karokoa tokin aia tai.

Ioane 15:8

E neboaki Tamau n ami kariki uaa aika bati, ao n rikimi b'a au reirei.

Ioane 17:1

Ngke E tia Iesu n atongi baikai, ao E tara rake nako karawa, ao E taku, “Tamau, e a roko te aoa; kaota mimitongin te Nati, b'a E aonga ni kaota mimitongim te Nati.

Te Tua-Kaua 10:22

Ngke a moani m'ananga ami bakatibu ni maeka i Aikubita, ao ti itingaun m'aitiia. Ma E a tia te UEA ni kakab'aiaingkami, ao ngkai kam a rangi ni m'aiti riki nakon taiani itoi i karawa.

Te Tua-Kaua 28:25

E na kakonaakingkami te UEA irouia ami kairiribai, ao kam na uamaae nakon taabo nako. Kam na riki b'a kamarakan mataia botannaomata tabeua ngkana a nooringkami,

Te Tua-Kaua 28:64

Ao ngkami aika kam aika reke maiumi kam na manga maenako nakon botannaomata tabeua i aon te aonnaba, ao ane kam na imanonoaki b'a kam na taromauri taian atiibu ao taian bouananti aika taiani kai aika a bon tuai buokingkami ke ni buokiia ami bakatibu.