Itaia 26:13 - Te B'aib'ara

¹³ A tia n tautaekaniira tem'angina i rarikim, te UEA ae te Atua, ma ti bon ti ongotaeka iroum.

Itaia 26:13 ပူးပေါင်းရင်းမြစ်များ

2.Rongorongo 12:8

ao e na bon kataenikaiia ma n tautaekaniia. Ao ane a na ataia iai au aomata b'a tera aekakin te m'akuri iroun aia uea ianena ao te m'akuri ibuku.

Itaia 10:11

Ao N na kamaunaa Ierutarem, n ikotaki ma antina nako ao ana bouannanti nako n aron are I a tia ni karaoia nakon Tamaria.

Itaia 12:4

Ane kam na kaangai n te tai arei, “Ti rangi ni kaaitauko, ara UEA. ao ti taromauriiko n ti ngkoe. Ti na tuangiia botannaomata aron mimitongim ma b'aai aika ko a tia ni karaoi.

Itaia 2:8

A taromaurii taiani bouannanti aika a tia ni karaoi n taabo nako i nanon te kaawa.

Itaia 26:8

Bon temanna ae e onimakinaki b'a e na uota te eti; ao ti tangira riki neboan aram nakoni b'aai ni kabane.

Itaia 51:22

iroun te UEA ae Atuam, are e tei i bukim ao e kaangai, “I a tia n anaa te m'angko are e on n te un mai nanoni baim are ko riki ni manging iai. Ao ko na aki manga kairoroaki b'a ko na manga mooi iai.

Itaia 63:7

N na taekin aron ana m'akuri te UEA aika E a tia ni karaoi. A bon riai n nebonebo! E a tia ni kaota ana akoi te UEA nakoia Iteraera; e a tia n akoi ao ni karaoa ae e raoiroi.

Itaia 64:5

Ko buokiia ni kabane akana a kukurei n ongotaeka ao ni karaoi b'aai akana ko tangiri, ma e karika marakin nanon te bure. Bon ti am buobuoki ae ti na kamaiuaki iai.

Amota 6:10

E na kaotinakoaki rab'atan te mate man te auti iroun teuare a na buu te mate arei, are bon ngaia naba ae mataniwiia te bootaki ni mate arei. E na wewete te buu arei nakoia ake a tiku n te auti ni kaangai, “iai riki raom temanna ikanne?” Ao e na kaekaaki ni kaangai, “akea” Ao e na kaangai ana buu teuare e mate, “Tai karongoaa, ti riai ni kaawakiniira man atoatongan aran te UEA.

Mika 4:5

A taromauri oin atuaia botannaomata n tatabeua nako, ma ti na taromauriia te UEA ae Atuara ma n ongotaeka i rouna n aki toki.

Ioane 8:32

ao kam na ata te koaua, ao e na kainaomataingkami te koaua.”

I-Rom 6:22

Ma ngkai kam kainaomataki man te bure, ao kam riki b'a ana toro te Atua, ao iai mwina nakoimi b'a te riki b'a ana aomata ni koaua te Atua, ao tokina b'a te maiu are aki toki.

1.I-Korinto 4:7

B'a antai ae karaoiko b'a e na raka arom nakoia tem'angina? Ao tera ae iai i roum ae ko aki anganaki? Ao ngkana e a tia n reke i roum, ao ko aera ngkai ko kamoamoako b'a aongkoa ko aki anganaki?

Ebera 13:15

Ma ngaia ae i nanon Iesu ao ti na tai toki n anga te karea ae karaoiroan te Atua, ae te karea ae ti anga ni wiira aika kaotiota onimakinan arana.

Iotua 23:7

ao kam na aki rangi n reitaki ma koraki akanne, ao kam na aki naba m'anewei araia antiia, ke n te tuea n araia, ke n taromauriia, ke ni boobaraaki nakoia.