Itaia 26:1 - Te B'aib'ara

¹ E a roko te tai are a na anene iai kaain Iuta n te anene ae e kaangai: “E kaawakinaki ara kaawa Bon ara nono te UEA, ao e anganiira te tokanikai.

Itaia 26:1 ပူးပေါင်းရင်းမြစ်များ

Etira 3:11

A neboa te UEA, ao a anga aia kaaitau n aia anene tekorakina i mwiin tekorakina: E raoiroi te UEA, E teimatoa n aki toki Ana tangira nakon Iteraera. Ao a bane n takaarua aomata ni kabane ma n neboneboa te UEA i bukina ngkai e a moanaki te m'akuri i aon aan te Tembora.

Taian Areru 31:21

E na karaoiroaki te UEA! B'a E kaota kamimiin ana tangira ae teimatoa nako iu, Ngke kanga ai aron te kaawa ngai are niniaki ni buakanaki!

Taian Areru 48:12

Ti na nakonako ni katobibia Tion, Ao wareki m'aitin tauana nako.

Taian Areru 48:4

A bootaki uea b'a a na buakana te kaawa,

Itaia 12:1

Ko na kaangai n te tai arei. “I kaaitauko te UEA! ko un ngkoa irou, ma e a toki unim ao ko a anganai te mweraoi.

Itaia 14:31

Kam na tang ma ni katuu ranin matami ni mataroan nako taiani kaawa. ngkami aika kaain Biritia! E a roko te bubu mai meang, ao a bane n tauraoi taiani tautia.

Itaia 2:11

Ngkana e roko te UEA, ao a na kananorinanoaki aomata ngkoa ake a kamoamoa, ao e na neboaki te UEA n ti ngaia.

Itaia 2:20

Ao n te bong arei ao a na karenakoi aia bouannanti aomata ni kabane, aia bouannanti ake a karaoaki n te tirewa ma te koora i bukin te taromauri.

Itaia 25:9

Ane a na kaangai aomata n te tai arei, “E a tia te UEA ni kamaiura! Ti na karaoa ara bootaki ni kukurei. Ti tataninga ma ni kakantaninga ao ngkai e a mena Atuara ikai.”

Itaia 31:5

Ngai, te UEA ae Moan te M'aaka, ae N na kaawakina Ierutarem kaanga te mannikiba ae e kibakiba ni katoobibi i aoni ngaona.”

Itaia 31:9

A na b'aka aia nono Ngkana e oroia te kangaanga ao ane a na maaku aia aobitia ma ni biri nako man te buaka. Bon aei te b'ai ae e a tia n taekinna te UEA, are e karaoaki ana nnenikanaiai i aon te Maunga are Tion.

Itaia 33:5

Boni Ngkoe te UEA, i aoia atua ni kabane, ao ko maeka n taian karawa. Ao ko a tia ni karokoa te eti ao te eti nako Ierutarem;

Itaia 33:6

bon te aana ae ti tei i aona n te bong aei. Ko aki toki ni kamaiura ao n anganiira te wanawana ni koaua ao te rabakau Akea riki ae e kakaawaki iroura nakon te ongotaeka iroum.

Itaia 4:2

E na roko te tai are e na manga karokoa riki te mari ao te mimitong te UEA i aon abana, ao a na kamoamoa Iteraera ake nikira ni maiu ni uaan aon te aba.

Itaia 5:1

N na anenea te anene ae tangin ana nne n aroka ni kureebe raoraou are e mena n iteran te tabuki ae e maiu tanona.

Itaia 56:5

Ao i mwiin anne, e na katea te Tembora ma arami aika a koreaki i aona. E na raoiroi riki aei nakon ae karikan te nati, b'a e na tiku b'a te kanuringa ae e na tei ikekei n aki toki.

Itaia 60:18

E na aki manga kakiriweingkami te tiritiri, te urub'ai ao te kakeru i aon tian abami nako. Kam na arana oon ami kaawa nako b'a “Tokanikai” ao “Neboaki” b'a aran mataroan ami kaawa nako.

Itaia 62:10

Kaain Ierutarem, kauki mataroan ami kaawa nako! Manga karaoa te kawai nakon te kaawa ao kaitiakia ni kanakoi taian atiibu; irakea te man ni buokiia botannaomata b'a a aonga n noora kawaia.

Itaia 62:11

Ao aei te b'ai ae e taekinna te UEA i bukin te aonnaba ni kabane b'a a na ongo: “N na roko te tai ae e aki maan b'a N na kamaiua te kaawa are Tion, ao n anganiko kaniwangam.

Ieremia 33:11

b'anaan te kukurei ao karongoaan taiani bootaki ni kukurei ma taiani baka ni mare. Ao ngkana a rin n au Tembora b'a a na anga karea i bukin kakukureiau, ao ko na ongo ae e kaangai irouia: “Ti neboiko, te UEA ae Moan te M'aaka! Ko karaoa ae e raoiroi nakoira, ao e bon aki konaa ni matebuaka Am tangira.” E na manga okira arona te aba ni kariki uaa.

Etekiera 40:5

Te moan b'ai are I nooria bon te oo are mai tinaniku are e katobibia ni kabane rarikin te Tembora. E anaa ana kai ni baaire te m'aane arei, are tenua te miita ab'akina, ao e baairea iai te oo; ao bon tenua te miita rietana ao tenua te miita matenna.

Tekaria 2:5

E a tia ni berita te UEA i bon i rouna b'a E na riki b'a te oo te ai ni kaawakina Ierutarem, ao e na riki b'a te mimitong ae e raneanea i nuukan te kaawa.”

Tekaria 2:9

Ma ngaia are, E na kaakingkami nako nanoni baiia ami toro, ao a na kurib'aingkami ma ni kimoaingkami. Ao i mwiina, kam na ataia iai b'a ana burabeti te UEA ae Moan te M'aaka ngai.

Warekaia Iteraera 21:17

Bon anne naba te tabo are a anenea iai te kuna aei Iteraera: Ti na karaoa ara botaki ni kukurei! E a tia te m'anib'a aei n anganiira te ran.

Mataio 16:18

Ao I taku nako im, b'a Betero ngkoe, ao N na katea au ekaretia i aon te b'aa aei; ao e na aki kona n ekianako m'aakan te mate.