Itaia 25:6 - Te B'aib'ara

⁶ E na katauraoi am'arake aika a rangi n raraoi te UEA ae Moan te M'aaka i bukin te baka n am'arake i bukiia botannaomata. A na kabutaki wain aika a rangi n raoiroi ao iriko ni man aika kabanea n tamaroa.

Itaia 25:6 ပူးပေါင်းရင်းမြစ်များ

Taian Areru 36:8

A kang am'arake aika bati aika Ko katauraoi n am auti; Ao Ko kamoiia mani karaangan am Raoiroi.

Taian Areru 63:5

E na rauaki nanou kanga n te am'arake ae kangkang; Ao N na anene ma te kukurei n neboiko.

Taian Areru 78:68

Ma E rinea te baronga are Iuta ao te Maunga are Tion, are E rangi n tangiria.

Ana Anene Toromon 1:2

Karaua raoi ni kiiti ma ngai! E tamaroa riki am tangira nakon te wain,

Ana Anene Toromon 1:4

Kawaekoako, au uea! Ti a kawaekoaira. Kairai nakoni mwengam. Ti rangi ni kukurei iroum! Ao ti neboa am tangira nakon riki te wain. Ataeinainen Ierutarem, e tamaroa b'a kam na ti neboia.

Ana Anene Toromon 5:1

Au kainrou, ae bon ti au b'ai, I roko nakon au nnenaroka ao I kukurei ni boiararana. I kang kanau ake ngaon ao ana karewe te manibeeru; ao I nima nimau are te wain ao te miriki. Am'arake ao mooi ni karokoa kam a manging n te tangira.

Itaia 1:19

Ngkana kam kukurei n ongotaeka irou, ao a na reke n arokan abami taiani kabanea n tamaroa ni uaa.

Itaia 25:10

E na kaawakina te maunga aei bain te UEA ae e m'aaka. Ane a na kab'akaaki kaain Moaaba ma ni booketaketa kaanga taian b'ab'ati ni uteute i nanon te m'arua i bukin nakotariia maan.

Itaia 56:7

N na uotiia nakon au Maunga are e Tabu ike a na karaoa iai aia bootaki ni kukurei i nanon au Tembora. E na teimatoa ni mena aia karea ao aia angab'ai i aon au Baonikarea. Ao e na ataaki au auti b'a te auti n tataro i bukiia botannaomata nako.

Ieremia 48:11

Moaba, ti te bo ngkoe ma te wain ae e tiku n arona n aki kumekumeaki, n aki kaakab'aroaki man te tiaeki teuana nakon te tiaeki teuana.

Taniera 7:14

E anganaki te kariaia, te karineaki, ao te m'aaka, b'a a na bane aomatan te botannaomata, reeti, ao taetae nako n toro i rouna. E na teimatoa m'aakana n aki toki, ao akea tokin ueana, ao e na bon aki kona n uruaki.

Tekaria 8:3

N na okira Ierutarem ma ni maeka ikekei i aon te Maunga are Tion. Ao ane e na ataaki iai b'a te kaawa ae e kakaonimaki, ao e na ataaki Tion b'a te maunga ae e tabu.

Mataio 26:29

I tuangngkami b'a N na aki manga moi n te wain aei, ni karokoa te bong arei, are N na nima iai te wain ae boou ma ngkami n uean Tamau.”

Mataio 8:11

Ao I taku nako imi, b'a a na roko aomata aika bati mai mainiku, ao mai maeao, ao a na tekateka n rarikiriki n am'arake ma Aberaam, ma Itaaka, ma Iakob'a, n Uean te Atua;

Mareko 16:15

Ao E taku nako ia, Kam na nako n taabo nako ao tataekina te euangkerio nakoia kaain aonnaba ni kabaneia.

Ruka 22:30

b'a kam aonga n am'arake ma ni moi n au taibora n Ueau, ao n tekateka i aoni kaintokanuea b'a kam na motiki taekaia aia baronga Iteraera ake tengauni ma ua baronga.

Ruka 5:39

Ao akea ae e a tia ni mooi n te wain nikawai, ae e na kan nima te wain ae boou; b'a ngke e tia ni mooi n are e a b'ai nikawai, ao e taku, ‘E kangkang ae e a b'ai nikawai.’ ”

Ebera 12:22

Ma kam kaania te maunga are Tion ma ana kawa te Atua ae maiu, are Ierutarem are i karawa, ma anera aika ngaa ma ngaa,

Te Kaotioti 19:9

Ao e taku te anera nako iu, “Ko na korea ae kaangai, A a kab'aia akana kaoaki nakon ana am'arake ni mare te Tiibuteteei.” Ao e kaangai naba, “Taeka aikai bon taeka aika koaua aika ana taeka te Atua.”