Itaia 25:5 - Te B'aib'ara

⁵ A oroira ianena aikai kaanga korakoran kabuebuen te rereua. Ma ko bon riki b'a te nang, are e kataniira man kabuebuen taai. Ko katoka anenean te anene n tokanikai irouia ara kairiribai.

Itaia 25:5 ပူးပေါင်းရင်းမြစ်များ

Taian Areru 105:39

E takina te nang i etaia, ao te ai b'a kaotaia n te bong.

Itaia 13:11

N na katuaaea te aonnaba ae e buakaka aei ma aomatana i bukin aia bure nako. N na kamanatuaia taani kainikatonga aika a kakamaaku aika a iowawa.

Itaia 14:19

Ma ngkoe ko na katukaki n aki taunaki, ao te mate riki temanna ae e wene i aan te wae kaanga te m'aoto ni m'aanga. Ko na riki b'a temanna mai buakoia tautia aika a mate n te buaka ao a ruorikaaki nakon b'angab'angan te b'aa ae moan te nano.

Itaia 18:4

E taku te UEA nako iu. “N na tararikaaki ma te nano ae e rau mani mwengau are i eta kaanga raun taai n te tawanou ke taian nang n te kabuebue n tain te tai.”

Itaia 25:6

E na katauraoi am'arake aika a rangi n raraoi te UEA ae Moan te M'aaka i bukin te baka n am'arake i bukiia botannaomata. A na kabutaki wain aika a rangi n raoiroi ao iriko ni man aika kabanea n tamaroa.

Itaia 49:10

A na bon aki konaa ni baki ke n taka; a na aki namakina kabuebuen taai ke angin te rereua aika a kabuebue N na bon aki nanoanga ngkana I kairiia i nanon karaangan raan.

Etekiera 38:9

Ma ko na buakaniia ma am taanga ni buaka kaanga buakanikarawa ma ni katobibia kaanga te nang.