Itaia 25:2 - Te B'aib'ara

² Ko a tia n urua nonoia ara kairiribai, ma ni katikuia ma aia kaawa ae e buubura ma te urubekebeke. Bon akea riki te b'ai ae e na manga konaa ni kateaki n te kaawa ane e buubura anne.

Itaia 25:2 ပူးပေါင်းရင်းမြစ်များ

Iobi 12:14

Ngkana e urub'ai te Atua, akea ae kona ni manga kateia, akea naba ae kona ni kab'ara te aomata ae kainna te Atua n te karabuuti.

Itaia 13:20

Ane a na akea ae e na maeka i B'aburon. E na bon akea naba taani m'am'ananga aika a na maeka ni kaaniia, ao a na aki kariaia aia nanai n tiibu taani kaawakin tiibu b'a a na katoki kuaia ikekei.

Itaia 13:21

Bon ti manin te rereua aika, a na maekana b'aina aika a uruaki taian aure, ao taian aotireti, a na eweewe iai taiani kooti

Itaia 13:22

A na tangitang taian aiena, ao taiani kameanti man nonon nako B'aburon ao baretina ake a tamaroa. E a roko ana bong!

Itaia 14:23

E na kanakoia aomata te UEA, ao e na riki te aba b'a te tabo ae e aoneinei ae nneia maan aika a aki manana.

Itaia 17:1

Aio te rongorongo ae taekan Tamateko: Ko a reke n te kabuanib'ai Tamateko! E na roko n tokina are te uruaki.

Itaia 17:3

A na mauna ana nono nako Iteraera E na mauna nako abanuean Tamateko; a na rangi ni kainano taiani nikira ni maiu iai kaanga aron are e riki nakon Iteraera. E a tia ni berita i bukin aei te UEA ae Moan te M'aaka.

Itaia 21:9

Ao ngkai I a nooriia taanga n tautia teuana ma teuana aika boorein aika taan toka i aoia aoti.” Ao e takaarua temanna ni kaangai, “E a b'aka B'aburon! a bane ni wene n uruaki taiani bouannanti i aon tano ni uruaki.”

Itaia 23:11

E a tia ni kaenakoa baina te UEA ri aon taari, ni kab'arai nanoia botannaomata. E a tia n anga ana babaaire i bukin uruakan taian nono n te aba are Kanaan.

Itaia 23:13

Bon noora te b'ai ae a karaoia kaain Aturia nakoia kaain B'aburon! A tia ni buakaniia, ma n uruaki taiani bareti ni kabane ake i aon te aba. Ao ngkai a maeka taiani man aika a aki manana i buakon aia b'ai koraki aika a uruaki.

Itaia 24:10

A onrake ma ni mangaongao taiani kaawa; ao a rokanaki ni kamatoaaki taian auti.

Itaia 25:12

Ane a na b'aka oon aia nono nako ma ni maae nako i buakon te baareka.

Itaia 26:5

E a tia te Atua ni kab'akaia ara kairiribai man aia kaawa are e buubura are i aon te maunga ao e taunna n te baareka.

Itaia 27:10

A na tiku taian nono kaanga taian rereua ike akea ae e maeka iai. A na nakonako taiani kao i aona ae e a urubekebeke, ni kabaabanei arokan aona.

Itaia 32:14

E na kiitanaki te bareti, ao a na akea aomata. Ao a na riki taian nono ma taua b'a nneia n takaakaro n aki toki taian aati aika a aki manana ao nnen tawaana n uteute ake kanaia tiibu.

Itaia 32:19

e ngae ngkana e tiribooi taian buakonikai ma kaawa aika a buubura n taian karau atiibu.

Itaia 34:13

A na onrake ara baareti ma nonona n taian kateketeke; bon ti taian kameanti ma aotireti aika a karaoa mwengaia ikekei.

Itaia 37:26

Ko na ongora, ngkai Tennakeriba Irou, Ngai ae te UEA. I baairea te b'ai aei man taai aika a nako. Ao ko tuai man ataia ae bon ti Ngai ni baaireia b'a ngkoe ae ko na karaoi b'aai aikai. I karaoiko b'a ko na urui kaawa aika a buubura.

Ieremia 51:26

E na aki kamanenaaki am buriki atiibu i bukin atiibun taiani koona ke taian aana, ao I berita b'a kam na riki b'a te rereua n aki toki. Bon aei Au taeka Ngai ae te UEA.

Ieremia 9:11

Ao I ongo ana kaeka te UEA, “Ngkana e tia Au m'akuri, ao e na riki Ierutarem ao kaawan nako Iuta b'a b'ariko ni b'ai aika a uruaki ike ti taian tiakaore aika a maeka iai.”

Te Tua-Kaua 13:16

Booti aia b'ai ni kabane aomata ake a maeka ikekei, ao katabukirakei n taian tabo ni kabob'ai, ao bon akea teuana ae kam na anaia mai iai, ao kabuoki aia b'ariko ni b'ai akanne ma te kaawa anne ni kabane, ao kam na aki manga katea te kaawa anne. E na riki te kaawa anne b'a te karea nakon te UEA ae Atuami aika eti. Ao E na toki unin iai te UEA nakoimi, ao E na nanoangaingkami, ao E na katetekeraoingkami, n aron are E berita iai nakoia ami bakatibu.

Te Kaotioti 18:19

A kaaki te tano i aon atuia b'a a nanokawaki, ao a tang ma n tanginiwenei, ao a kaangai, “Ai kaawa ra, ai kaawa ra, te kaawa are kakannato, are a bane n reke mai iai kaub'aia te koraki ni kabane ake iai aia kaibuke i marawa, ni kaub'aina; b'a a kamaunaki kaub'aina i nanon teuana te aoa.”