Itaia 25:11 - Te B'aib'ara

¹¹ Ane a na inimaki ni kakaaea angan otinakoia, ma e na kab'ainrangiia te Atua e ngae ngkana a kai nanoia.

Itaia 25:11 ပူးပေါင်းရင်းမြစ်များ

Iobi 40:11

Nooriia aika kamoamoa, kaota unim nako ia b'a aonga ni kananorinanoia.

Taian Areru 2:5

E na taetae n un nakoia ao E na kakamakuia n unna, ngkai E kaangai,

Itaia 10:33

Ma e na kabonganaa korakorana ae e kakamaaku te UEA ae Moan te M'aaka ni kab'akai taian aroka aika a rangi n rietaata mani koroi m'aanga ni kabane.

Itaia 13:11

N na katuaaea te aonnaba ae e buakaka aei ma aomatana i bukin aia bure nako. N na kamanatuaia taani kainikatonga aika a kakamaaku aika a iowawa.

Itaia 14:26

I a tia ni baairea te tai aei i bukin te aonnaba, ao e na tau aroia botannaomata baiu ae e m'aaka.

Itaia 16:14

Ao e taku ngkai, “E raoiroi ae ti tenua te ririki maanin aia tai taani m'akuri ake a kabooaki, ma e na bon aki maan riki nakon anne mimitongin ma kakannaton Moaaba. A na ti tabeman aomatana n tiku ni maiu, ma a na tiku n akea aroia.”

Itaia 16:6

Ti a tia n ongo kainikatongan Moaaba. A taningamatoa ao a kamoamoa kaaina, ma bon akea uaana.

Itaia 2:10

Kam na nako ni karabaingkami i buakon taiani b'a ao i aan te tano ngkami ni kabane, b'a e kakamaaku, e kamimii, ao e mimitong te UEA.

Itaia 2:11

Ngkana e roko te UEA, ao a na kananorinanoaki aomata ngkoa ake a kamoamoa, ao e na neboaki te UEA n ti ngaia.

Itaia 2:15

taian nono aika a matoatoa.

Itaia 25:5

A oroira ianena aikai kaanga korakoran kabuebuen te rereua. Ma ko bon riki b'a te nang, are e kataniira man kabuebuen taai. Ko katoka anenean te anene n tokanikai irouia ara kairiribai.

Itaia 5:25

Bon ana Aomata te UEA ngkami, ma kam a tia n rangi ni kaunna, ao e a oroingkami ni baina ae e m'aaka. A ruru taiani maunga, ao e onrake te kaawa ae e buubura n taiani mate kaanga taiani maange. E bon teimatoa naba n un te UEA, ao e tauraoi ni manga oroi riki ngkami.

Itaia 53:12

E na anganna te UEA kaniwangana te karineaki ao te m'aaka ngkai e kareana maiuna. A taku tabem'aang b'a te tia bure ngaia, ma e karawaawataaki i bukin ara bure nako ao e buubutia te Atua kab'araan ara bure.

Itaia 65:2

I kabongnga ni kawaria aika a bonotaninga ao aika a taani bure aika a touanako kawaia.

Ieremia 48:29

I ataa ami kamoamoa, ma aromi ao tikatikami n nakonako ma ni kainikatonga.

Ieremia 48:42

E a roko n tokina am botannaomata, i bukina ngke ko a tia ni kataia ni kaaitaraai, Ngai ae te UEA.

Ieremia 48:47

Ma n te bong teuana, N na kairiia ami aomata n okirii mwengaia. Bon aei Au taeka Ngai ae te UEA.

Ieremia 51:44

N na katuaaea Maretuka, are antin B'aburon, ma ni karaoia b'a e na mumutai b'aai nako ake e kab'auti. Ao i mwiin anne, a na aki manga uoti aia b'aintangira botannaomata nakoina, ao a na maerikiriki oon nako B'aburon.

Taniera 4:37

Ma ngaia are ngkai, I neboa Ueani karawa ngai ae Nebukaneta, ao ni karinea ma ni kamoamoa ueani karawa. A bane ni koaua ma n eti baika E karaoi, ao E kona ni karinanoa te aomata ae e kainikatonga.”

I-Korote 2:15

ao i aon te kaibangaki anne, E a kainaomataki Kristo i Rouna mani m'aakaia uea ma ake a tauu aroia aomata; E karaoia b'a b'aai ni kamataku nakoia aomata ngke E kairiia n ana m'aati n tokanikai b'a taenikai.

Iakobo 4:6

Ma E kabatia te akoi n anga; ao anne bukin are e kaangai te B'aib'ara.” “E rawa nakoia akana kainikatonga te Atua; Ma E angania akana nanorinano te akoaki.”