Itaia 25:1 - Te B'aib'ara

¹ Bon Atuau, Ngkoe, te UEA! N na neboiko i bukin karaoan b'aai aika a kamimii aika ko a tia ni baairei ma ni berita iai man taai ake ngkoa.

Itaia 25:1 ပူးပေါင်းရင်းမြစ်များ

Taian Areru 111:4

Moan te kakannato te Atua n ana m'akuri aika kamimii; E ataataiaomata ao e nanoanga.

Taian Areru 118:28

Bon Atuau Ngkoe, ao N na katituaraoiko; N na kaotiota kakannatom.

Taian Areru 145:1

N na neboiko, Atuau, ae te Uea; N na kamoamoako n aki tootoki.

Taian Areru 146:2

N na kamoamoa n ua tokini bongini maiu; N na anene ni kamoamoa Atuau n au tai ni maiu.

Taian Areru 31:15

E mena iroum mwiokoni maiu; Kamaiuai mairouia taan ribaai, ake taani b'ainikirinai.

Taian Areru 40:5

Te UEA ae Atuara, a bati am M'akuri aika kamimii aika Ko karaoi i bukira: bon akea n ai arom! A bati am Iango aika kamimii i bukira; I aki konai n taekin ni kabane: A m'aiti riki nakon aika konaaki ni warekaki!

Taian Areru 40:6

Ko aki tangiri karea ma angakarea; Ko aki tua maan aika ana kabuokaki ni kab'aninaki i aon te baonikarea ke karea i bukin kab'araan buure; Ma Ko anganai te kona n ongo am Taeka, ao n ongeaba nako iai,

Taian Areru 46:10

E kaangai te Atua, “Katoki ami buaka, Ao kam na atai b'a te Atua Ngai, ae kakannato i buakoia botannaomata nako, ao I rine i aonnaba ni kabutaa.

Taian Areru 75:2

E taku te Atua, “I a tia ni bairea te tai ni motikitaeka, ao N na motikitaeka ma te eti.

Taian Areru 78:4

Ti na aki karabai mairouia ara ataei; Ti na tuangiia kaain te roro ae i mwira taekani m'akan te UEA ma m'akuri aika ab'ab'aki ma ni kamimii ake E a tia ni karaoi.

Taian Areru 89:1

Te UEA, N na anenea n taai nako taekan am Tangira ae Teimatoa; N na aki toki ni kaotiota taekan am Kakaonimaki.

Taian Areru 98:1

Kam na anenea te anene ae boou nakon te UEA; B'a E a tia ni karaoi baika kamimii! E reke i rouna te tokanikai n oini m'akana n Atua ao ni korakorana.

Taian Areru 99:5

Kam na neboa te UEA ae Atuara; taromauriia i matan ana kaintokanuea! Moan te tabu Ngaia!

Te Otinako 15:2

Bon otangau ae matoatoa te UEA; boni Ngaia ae E a tia ni kamaiuai. Bon Atuau, ao N na neboia, Bon Tamau te Atua, ao N na anenea korakorana.

Itaia 11:5

Ana niiniira ni uea bon te raoiroi ma te riai.

Itaia 12:1

Ko na kaangai n te tai arei. “I kaaitauko te UEA! ko un ngkoa irou, ma e a toki unim ao ko a anganai te mweraoi.

Itaia 26:13

A tia n tautaekaniira tem'angina i rarikim, te UEA ae te Atua, ma ti bon ti ongotaeka iroum.

Itaia 26:8

Bon temanna ae e onimakinaki b'a e na uota te eti; ao ti tangira riki neboan aram nakoni b'aai ni kabane.

Itaia 28:29

E roko te ataib'ai aei mai roun te UEA ae Moan te M'aaka are iai rabakauna ae moan te korakora.

Itaia 40:27

Kam kaangai ngkami aika Iteraera, “E bon aki kubariira te Atua! E aki tabeakiniira ngkana e karaoaki ae e aki raoiroi nakoira.” Ma kam na kangaa n taekina anne?

Itaia 46:10

I a kaman taekin baika a na riki mai moana, i m'aain ae a riki. I kakoroa bukin au taeka

Itaia 46:11

ao I karokoa temanna man te aba ae e raroa nako b'a e na karaoa te b'ai ae I tangiria. E buaka mai mainiku, kaanga te aoki ae e kiba rikaaki. Ao ngkai N na kakoroa bukin au berita ma ni karaoa te b'ai are I a tia ni iangoia.

Itaia 49:4

I taku i bon irou, “I a rangi ni korakai; ao e a tia ni banebuaka au tai. Ma I karaoa aei i bukin te UEA ae te Atua, ao E na anganai kaniwangau.”

Itaia 49:5

E a kaman rineai te UEA ae te Atua i m'aain bungiakiu b'a N na m'akuri i bukina ao ni kaokiia Iteraera. Ma ngaia are, e a tia ni karineai te UEA ma ni kakorakoraai.

Itaia 61:10

N na karaoa au bootaki ni kukurei ao n takaarua i bukin au UEA ae te Atua. I a kunnikaiai ni m'aakan ana m'akuri ni kakamaiu ao ana motikitaeka ae Eti. A rangi n tamaroa riki nakon b'aai ni katamaroa aika a b'aab'ainaki iroun te kabae te aine ke te kabae te m'aane.

Itaia 7:13

Ao i mwiina, I taku: Ongora, ngkami ni kabane aika ana utu ni uea Tawita. Kam a tia ni kataa au taotaonaki n nano. Ngkai kam a tia ni kataa ana taotaonaki n nano te Atua ngkai kam rawa n buubutii te b'ai ni kakoaua.

Ioera 2:26

au Aomata, kam na am'arake ni karokoa kam rauaki. Ao ane kam na neboai i bukin b'aai aika a kamimii aika I a tia ni karaoi. Kam na aki manga kamaamaaeaki.

Warekaia Iteraera 23:19

Tiaki aron te aomata te Atua! E aki kona ni kewe, ao E aki bibitaki naba nanona. E aki kona n ae E na aki kakoroa bukin Ana berita.”

I-Ebeto 1:11

A bane b'aai nako ni karaoaki n ai aron nanon te Atua ma ana babaire; ao E a tia te Atua n rineira b'a ana aomata, ngkai ti katiteuanaki ma Kristo, i bukin oin nanona n ai aron are E a kaman tia ni baireia ma ngkoa mani moan rikini b'aai;

Te Kaotioti 15:3

Ao a anenea ana anene Mote are ana toro te Atua, ma ana anene te Tiibuteteei, ao a kaangai, “Te Uea ae te Atua, ae Moan te M'aaka, A kakannato am m'akuri ao a kamimii! A eti ma ni koaua arom, Ngkoe ae aia Uea botannaomata!

Te Kaotioti 19:11

Ao I nora karawa b'a e uki; ao noria, te aoti ae mainaina! Ao aran teuare toka i aona boni Kakaonimaki ao Koaua; E aki ribuaka n ana moti, ao E aki naba ngkana E buaka.

Te Kaotioti 7:12

ao a kaangai, “Amen! Ana b'ai Atuara te karaoiroaki, ma te neboaki, ma te rabakau, ma te katituaraoaki, ma te karineaki, ma te m'aaka, ma te korakora, n aki totoki. Amen!”